In 't nuujs - Afrika
| Dit is 'n archief, wo-in aw nuujsberichte waere opgesjlage. Inhawd weurt hie dan normaal gesjpraoke ouch neet eweggehaold. Recènter nuujs mót me zeuke op 't hoofblaad: In 't nuujs. |
2020
[bewirk | brón bewèrke]- 9 november
Moslimextremiste vermaorde volgens sjtaotsmedia in 't naorde van Mozambique mie es 50 börgers.[1]
- 11 oktober
De Nigeriaanse regering óntbèntj de Special Anti-Robbery Squad nao zjwaor proteste taege wiedverbreid machsmisbroek binne dat korps.
- 25 augustus
De WHO verklaort det wilje polio in Afrika gans is oetgereujd.[2]
- 18 augustus
Ibrahim Boubacar Keïta en Boubou Cissé, presidentj en premier van Mali, waere in 'ne coup door 't laeger aafgezat.[3]
- 8 juni
Pierre Nkurunziza, d'n oettraejende presidentj van Burundi, sjtörf op 55-jäörige laeftied aan 'nen attak.[4]
- 25 fibberwarie
Hosni Moebarak, de vreugere presidentj van Egypte, sjtörf op 91-jäörige laeftied.[5]
- 4 fibberwarie
De vreugere Keniaanse presidentj Daniel arap Moi sjtörf op 95-jäörige laeftied.[6]
- 23 jannewarie
De Angolese zakevrouw Isabel dos Santos, bekèndj es de 'riekste vrouw van Afrika', weurt aangeklaog veur fraude en witwesje.[7]
2019
[bewirk | brón bewèrke]- 28 december
In de Somalische huidsjtad Mogadishu geit 'n autobom aaf. Zeker 61 luuj kómme óm, bekans hóngerd waere gewóndj nao 't hospitaal gebrach.[8]
- 11 oktober
De Nobelpries veur de Vrei geit nao d'n Ethiopische premier Abiy Ahmed Ali, óm zien insjpanninge veur vrei mit Eritrea.[9]
- 19 september
Zine El Abendine Ben Ali, de vreugeren dictator van Tunesië, sjtörf op 83-jäörige laeftied.[10]
- 6 september
Robert Mugabe, de vreugere presidentj van Zimbabwe, sjtörf op 95-jäörige laeftied.[11]
- 25 juli
De (zittende) presidentj van Tunesië Beji Caid Essebsi sjtörf op 92-jäörige laeftied.[12]
- 22 juni
In de Ethiopische regio Amhara vèntj 'n couppoging plaats, woe regiopresidentj Ambachew Mekonnen en chef-sjtaaf Se'are Mekonnen bie ómkómme.
- 17 juni
Mohamed Morsi, de gewaeze presidentj van Egypte, sjtörf naodet hae in d'n tribbenaal neet good weurt.[13]
- 22 april
't Egyptisch volk käört 'n gróndjwètsverangering good die presidentj Abdel Fatah as-Sisi zier oetgebreide mach gief. Neet mènjer es 88,83% van de kezers sjtumde veur.[14]
- 20 april
In Egypte begintj e rifferendum euver 'n verangering van de gróndjwèt die presidentj Abdel Fatah as-Sisi mie mach mót gaeve. 't Zal drie daag doere.
- 19 april
De Malinese regering van premier Soumeylou Boubeye Maiga sjtap op nao aanleijing van de sjlachting in Ogossagou de veurige maondj.[15][16]
- 16 april
Op 't Kivumaer veur de kös van oestelik Congo-Kinshasa vergeit 'ne veerpóntj. Mie es hóngerd luuj zeen ómgekómme of waere vermis.[17]
- 14 april
- D'n opsjtenjige Libische ginneraal Chalifa Haftar begintj 'nen aanval op Tripoli.[18]
- 12 april
Generaol Awad ibn Auf, dae einen daag ieder presidentj Bashir aafzat, treujt nao daorgaonde proteste zelf aaf. Hae gief de regering daor aan 'nen angere generaal, Abdel Fattah Abdelrahman Burhan.[19]
- 11 april
Nao waekelang proteste weurt presidentj Omar al-Bashir van Soedan in 'ne coup aafgezat.[20]
- 2 april
Abdelaziz Bouteflika sjtap mit ónmiddelliken ingank op es presidentj van Algerieë. Hae haet 't landj 20 jaor geregeerd.[21]
- 10 miert
Vlöch ET 302 van Addis Abeba nao Nairobi sjtort denaer baove Bishoftu (Ethiopië). Alle 157 inzittende kómme óm.[22]
- 4 miert
Cycloon Idai kump baove Mozambique aan landj. In de kómmende twie waeke zal de sjtörm in groete deile van Mozambique, Madagaskar en Malawi groete ravaasj aanrichte.
- 2 fibberwarie
In Minya, get ten zuje vanne Egyptische huidsjtad Caïro, óntdekke arsjeologe 'n tombe mit vieftig mummies.[23]
- 15 jannewarie
De Keniaanse huidsjtad Nairobi weurt opgesjrik door 'nen terroristische aansjlaag, dae Al Shabaab haet opgeëis.[24]
- 10 jannewarie
Félix Tsisekedi weurt oetgerope tot winner van de presidentsverkezinge in Congo-Kinshasa. Alóm weurt aan dezen ónverwachden oetsjlaag getwiefeld.
- 7 jannewarie
In Gabon deit 't laeger 'ne mislökde coup.
2018
[bewirk | brón bewèrke]- 30 december
In Congo-Kinshasa zeen presidentsverkezinge. D'n oetsjlaag is de daag dao-op óngerwerp van groete controverse.[25]
- 10 december
De regeringe van 164 lenj numme in Marrakech 't VN-Migratiepak aan.[26]
- 20 september
'nen Tanzaniaanse vaerpóntj zink op 't Victoriameer. Minstens 136 luuj kómme óm.[27]
- 18 augustus
De Ghanesen diplomaat Kofi Annan, secretair-ginneraal van de Vereinigde Naties tösje 1997 en 2006, sjtörf op 80-jäörige laeftied.[28]
- 11 april
In 't naorde van Algerieje sjtort e militair vleegmesjien denaer. Daobie kómme 257 inzittende óm 't laeve.[29]
- 2 april
Winnie Mandela, verzatssjtriejster taege de apaartheid en ex-vrouw van Nelson Mandela, sjtörf op 81-jäörige laeftied.[30]
- 2 miert
In Ouagadougou, de huidsjtad van Burkina Faso, weurt de Franse ambassade mierder kere aangevalle. Daobie zien meugelik teentalle luuj óm 't laeve gekómme. Ach terroriste woorte oetgesjakeld.[31]
- 14 fibberwarie
Jacob Zuma trejt ónger zjwaoren drök aaf es presidentj van Zuud-Afrika.[32]
- 4 jannewarie
Bie e treinóngeval in 't Zuud-Afrikaanse Kroonstad valle achtien doeje, 254 luuj rake gewóndj.
2017
[bewirk | brón bewèrke]- 21 november
Robert Mugabe nump óntsjlaag as presidentj van Zimbabwe en dreug de mach euver aan de kort geleie óntsjlage vice-presidentj Emmerson Mnangagwa.[33]
- 15 november
't Laeger van Zimbabwe nump in 'ne coup de mach euver van presidentj Robert Mugabe.[34][35]
- 12 november
In e natuurpark in Zambia wuurt 'ne 64-jaorige Remunjenaar doejelik getroffe door 'nen aanval van 'nen olifant. Dit zouw gebeurd zien wie hae 'n Belgische vrouw perbeerde te redde. Zie kwam ouch óm 't laeve.[36]
- 15 oktober
'n Autobom in Mogadishu, de hoofsjtad van Somalië, zörg veur hóngerde doeje en gewónje.[37]
- 1 september
D'n Hoeggerichshaof van Kenia verklaort de verkezinge van 8 augustus jl. óngeljig. De zittende, herkaoze presidentj Uhuru Kenyatta accepteert dees oetsjpraok.[38]
- 28 augustus
't Doejetal es gevolg van moddersjtroume in 't Wes-Afrikaanse landj Sierra Leone löp op bis baove de doezend.[39]
- 11 augustus
Bie e treinóngeluk bieje Egyptische sjtad Alexandrië kómme 43 luuj óm 't laeve, 122 luuj rake gewóndj.[40]
- 15 april
Zèstien luuj woorte gedoed in veurgevechte in 't Zuud-Soedanese Raga. Vólges 't VN-bureau veur de coördinatie van humanitaire zake móste vlöchte.
- 9 april
Tiedes 'n deens veur paumezóndig in twie Koptische kèrke in de Egyptische sjtaej Alexandrië en Tanta vinje bómaansjlaeg plaats. Vieftig luuj kómme óm 't laeve. De terreurorgenisasie IS haet de aansjlaeg opgeeïs.[41]
- 24 miert
Hosni Moebarak, wies 2011 de president van Egypte, weurt vriegelaote oet de gevangenis in Cairo.
- 11 miert
Door d'n tropische sjtórm Enawo valle 50 doede en 180 gewónje op Madagaskar. 58.000 luuj woorte geëvacueerd.
- 14 fibberwarie
Bie gevechte in de Centraal-Congolese regio Kasaï-Central sjtorve 101 luuj, ónger wie 39 vrouwluuj. In de regio is 't saer augustus 2016 ónröstig en braeke geraegeldj gevechte oet.[42]
- 30 jannewarie
Marokko trejt nao 33 jaor weer toe tot de Afrikaanse Unie.
- 19 jannewarie
De armee van Senegal vilt Gambia binne naodat d'n awwe presidentj Yahyah Jammeh weigert zie verlees te erkènne. Op dezelfden dag weurt de nuje presidentj Adama Barrow op Senegalees gebeed beëidig.[43]
- 18 jannewarie
In Gao, Mali, kómme 77 luuj óm 't laeve bie 'ne zelfmaordaansjlaag kórtbie e militair sjteunpunt. De terreurorganisatie Al-Qaeda in de Islamitische Maghreb haet d'n aansjlaag opgeëis.
- 17 jannewarie
In Nigeria, kórtbie de grens mit Kameroen, weurt e vlöchtelingekamp gebómbedeerd det per óngeluk aangezeen woort es trainingskamp van d'n aan IS gelieerde Boko Haram. Zaeker vieftig luuj kómme hiebie óm 't laeve, mer meugelik gief 't waal hónderd doeje.[44]
- 6 jannewarie
In New York dene vertaegewoordigers van de Herero en de Nama 'n klach in taege Duutsjlandj, waomit zie sjaojvergeujing eise veur de Namibische genocide. Tösje 1904 en 1908 vóndj 'nen ópsjtand plaatsj in Duutsj Zuudwes-Afrika, allewiel Namibië, waorbie zaeker 80.000 Herero en Nama door Duutsje tróppe woorte gedoed.[45]
2016
[bewirk | brón bewèrke]- 2 oktober
- Afrika: De Nederlandse nuujsfotograaf Jeroen Oerlemans weurt in Libië door 'ne sjloepsjötter van IS doedgesjote.[46]
- 19 mei
Vlöch MS804 van Paries nao Caïro sjtort kort in 't Egyptisch lochruum in de Middellandse Zie.[47]
- 16 fibberwarie
D'n Egyptischen diplomaat Boetros Boetros-Ghali sjtörf op 93-jäörige laeftied.[48]
- 14 jannewarie
De Waereldgezóndjheidsorganisatie (WHO) verklaort Liberia vrie van ebola. Hiemit is d'n oetbraak van 2014 veurluipig beènjig.[49]
2015
[bewirk | brón bewèrke]- 9 oktober
De Nobelpries veur de vraej geit nao 't Nationaal Kwartèt veur Dialoog in Tunesië "óm zien besjlissende biedraag aan 't opboewe van 'n pluralistische democratie in de naosjleip van de Jasmienrevolutie."[50]
- 21 september
Generaal Gilbert Diendéré gief de coup in Burkina Faso op nao diplomatieken drök en de dreiging van 'ne börgerkreeg.[51]
- 26 juni
Op 't sjtrand van Sousse in Tunesië, op e Frans febrik en in 'n sjiitische moskee in Koeweit waere óngevaer geliektiejig terroristische aansjlaeg geplaeg. D'n aansjlaag in Tunesië weurt de kómmenden daag opgeëis daor Islamitische Sjtaot.
- 20 juni
De Malinese regering en de Toeareg-rebelle sjlete e besjtandj, mit 't oug op de (gemeine) dreiging van extremistische moslims.[52]
- 13 mei
In Burundi vèntj 'n mislökde sjtaotsgreep plaatstaege presidèntj Pierre Nkuruziza. De presidentj haet zich ónlangs kandidaat gesjtèld veur 'n nuuj verkezing, volgens väöl luuj taege de wèt.[53]
- 19 april
'n Boot mit taege de zaevehóngerd vlöchtelinge zènk op de Middellandse Zie veur de kös van Libië. De Italiaanse merien zèt 'n reddingsactie op, meh de aldermieste luuj lieke verdrónke.
- 2 april
In Garissa, Kenia, vilt de Somalische terreurgróp Al-Sjabaab 'n universiteit aan. Zeker 70 sjtudente kómme óm ierdet 't laeger de universiteit óntzèt en de aanvallers ómbrèngk.[54]
- 28 miert
De presidentsverkezinge in Nigeria waere gewonne daor Muhammadu Buhari, dae de zittende presidentj Goodluck Jonathan versjleit. Hiemit is 't veur 't iers in de historie van 't landj dat e democratisch gekoze sjtaotshoof door 'n anger democratisch gekoze sjtaotshoof weurt opgevolg.
- 18 miert
In Tunis, de hoofsjtad van Tunesië, waere twie aansjlaeg geplaeg, eine bie 't parlemènt en eine in e museum. Bie de besjtorming van 't museum daor veiligheidstróppe kómme 19 luuj óm.[55]
2014
[bewirk | brón bewèrke]- 21 oktober
De Zuud-Afrikaanse gehandicapdesjporter Oscar Pistorius weurt tot vief jaor gevangenis veroerdeild óm doedsjlaag op zien vrundin Reeva Steenkamp.
- 24 juli
Vlöch AH5017, op waeg van Ouagadougou (Burkina Faso) nao Algiers, sjtort baove Mali denaer. Alle 116 inzittende kómme óm.
- 26 mei
Abdu-l-Fattahu-l-Sisi weurt mit euvermach verkoze tot president van Egypte.
- 28 april
'nen Egyptischen tribbenaal veroerdeild in 'n ómsjtrejje perces 683 luuj geassocieerd mit de verboje Moslimbrojersjap tot d'n doed.[56]
2013
[bewirk | brón bewèrke]- 5 december
De Zuud-Afrikaanse politicus, ex-vrieheidssjtrieder en ex-presidentj Nelson Mandela sjtörf op 95-jäörige laeftied.[57]
- 21 september
Bie 'nen aansjlaag op e winkelcentrum in Nairobi, Kenia, valle zaeker 68 doeje en 175 gewónje. D'n aansjlaag weurt opgeëis door de islamistische terreurgróp Al-Sjabaab as vergeljing veur de Keniaanse interventie in Somalië.[58]
- 31 juli
In Zimbabwe weurt de zittende presidentj Robert Mugabe herkaoze; zien partiej haolt daobiej de twiedardemierderheid in 't parlemèntj. Ziene veurnaamsten opponentj Morgan Tsvangirai sjprèk van fraude.
- 3 juli
De Egyptische armee zèt presidentj Moehammad Morsi aaf. Wiewel Morsi democratisch gekoze is, waor de aafgeloupe waeke 'nen opsjtandj taege häöm oetgebraoke.[59]
- 30 juni
Hissène Habré, de vreugeren dictator van Tsjaad, weurt in Senegal gearresteerd.[60]
- 28 jannewarie
Franse en Malinese tróppe hereuvere Timboektoe op de aan Al-Qaedah gelieerde islamistische sjtriejers.[61]
- 19 jannewarie
't Algerijns laeger beènjig 'n giezeling door aan Al Qaedah gelieerde terroriste op e gaasveld.[62]
- 11 jannewarie
Frankriek begèntj aan 't militair actie in Mali, mit as doel de islamistische rebelle oet 't naorde trök te dringe.[63]
2012
[bewirk | brón bewèrke]- 7 juli
In Libië vènje de ierste vriej verkezinge oets plaats. De bevolking sjtump veur e nuuj parlemènt.
- 2 juni
Hosni Moebarak, ex-presidentj van Egypte, weurt óm zien betrokkeheid bie doejelik geweld taege demonstrante veroerdeild tot laeveslang gevangenis.[64]
- 30 mei
D'n tribbenaal veur Sierra Leone in Leidschendam veroerdeilt Charles Taylor, d'n ex-president van Liberia, tot 50 jaor gevangenis.[65]
- 23 mei
In Egypte waere vandaag en mörge de ierste democratische presidentsverkezinge gehauwe. Mohammed Moersi vaan de Moslimbrojersjap zal ze winne.[66]
- 24 april
Charles Taylor, ex-presidentj van Liberia, weurt door de Sierra Leone-tribbenaal in Leidschendam sjöljig bevónge aan groeweldaode in dat landj. Bepaoling van de sjtraafmaot volg op 30 mei.[67]
- 6 april
De Toearegrebelle in Naord-Mali rope de ónaafhenkelikheid oet. Hunne sjtaot Azawad weurt door gei landj erkèndj.[68]
- 1 april
Toeareg-rebelle in Naord-Mali vereuvere Timboektoe, nao ieder al Gao en Kidal te höbbe gepak.[69]
- 25 miert
De presidentsverkezinge in Senegal waere gewónne door Macky Sall, dae de zittenden Abdoulaye Wade versjleit.[70]
- 14 miert
D'n Internationale Sjtraafhaof veroerdeilt Thomas Lubanga oet Kongo-Kinshasa óm d'n inzat van kèndjsoldate.[71]
- 4 miert
Bie 'n serie explosies in Brazzaville, Kongo, valle mier as hóngerd doeje; de knal is tot in Kinshasa good te hure.[72]
- 1 fibberwarie
Supportersrelle nao 'n voetbalmatch in Port Saïed, Egypte, loupe oet op 'ne veldsjlaag woebie zeker 73 doeje en zoe'n 1000 gewónje valle.[73]
2011
[bewirk | brón bewèrke]- 28 november
- In Egypte waere parlemèntsverkezinge gehawwe. 't Zien de ierste democratische verkezinge in de lang historie van 't landj.[74]
- Ouch in Kongo-Kinshasa zeen verkezinge, veur 't parlemènt en de president.[75]
- 25 november
In Marokko waere, veur 't iers saer de democratische hervörminge van ieder 't jaor, parlemèntsverkezinge gehawwe. De gemaotigde islamiste van de Partie veur Gerichtigheid en Óntwikkeling kómme mit 80 zetele in 't parlemènt en winne daomit de verkezinge; de opkóms laog róndj de 45%.[76]
- 19 november
Saif al-Islaam al-Qaddhafi, 'ne zaon van de gedoede Libische leisman Moe'ammar al-Qaddhafi, weurt in 't weustesjtedje Obari gepak. Allewel dat d'n Internationale Sjtraafhaof in D'n Haag häöm zeuk, wilt de Euvergankraod häöm in Libië laote berichte.[77]
- 23 oktober
In Tunesië vènje veur 't iers vriej verkezinge plaats. Me sjtump in 't landj veur 'n gróndjwèttelike raad.[78]
- 20 oktober
Sjtriejers van de NER vereuvere Sirte. Versjillende sjtriejers van de aw regering perbere te vlöchte, wo-ónger Moe'ammar Qaddhafi zelf, dae daobie ómkump.[79][80]
- 17 oktober
Sjtriejers van de Libische NER (Nationaal Euverganksraod) pakke Bani Walied, 'n sjtad totnogtoe gooddeils in henj van Qaddhafi-aanhengers.[81]
- 11 oktober
In Liberia zeen presidèntsverkezinge.[82]
- 9 oktober
Bie e protes van Kopte nao aanleiing van extremistisch geweld taege ze houwt 't laeger op ze in; daobie valle 24 doeje en hóngerde gewónje.[83]
- 7 oktober
De Nobelpries in de vrei geit nao de Liberiaanse Ellen Johnson-Sirleaf (presidentin van dat landj) en Leymah Gbowee zoewie nao de Jemenitische Tawakkul Karman, óm hunne sjtried veur vrouwerechte.[84]
- 26 september
Nobielprieswinneres Wangari Maathai oet Kenia sjtörf op 71-jäörige laeftied.[85]
- 21 september
De Nationaal Euverganksraod van Libië melt dat Sabha, ein van de drei euvergebleve groete bolwerke van Qaddhafi, is gevalle.[86]
- 10 september
De vaerboot van Zanzibar nao Pemba, Tanzania, zènk mit 500 luuj aan baord. Mier es hóngerd doeje valle; versjillende angere waere nog vermis.[87]
- 9 september
De Libische opstenjelinge trèkke Bani Walied in, eint van de lèste bolwerke van Qaddhafi.[88]
- 23 augustus
De rebelle van de Libische euverganksregering numme 't huidkerteer van Moe'ammar Qaddhafi in Tripoli in; de leisman zelf is dao neet te vènje.[89]
- 3 augustus
Ex-presidentj Hosni Moebarak van Egypte sjteit in Caïro terech op verdènking van corruptie en doejelik geweld taege betogers.[90]
- 28 juli
Abdoel Fatah Joenis, de militaire leisman van de Libischen opsjtandj, weurt op 67-jäörige laeftied doedgesjote.[91]
- 20 juli
De Vereinigde Naties rope in twie Somalische regio's officieel d'n hóngersnoed oet. In d'n Hore van Afrika hiers dit jaor 'n óngewoen druugde.[92]
- 9 juli
Zuud-Soedan verklaort zich ónaafhenkelik van Soedan es gevolg van e referendum ieder dit jaor.[93]
- 1 juli
In Marokko weurt e referendum euver 'n nuuj gróndjwèt mit groete opkóms en mierderheid aangenome. De nuuj constitutie brejt de mach van 't parlemènt en de regering oet en maak 't Berbers 'n officieel taal naeve 't Arabisch.
- 30 april
Volges de Libische regering is 'ne zaon van leisman Moe'ammar al-Qaddhafi, Saif al-Arab al-Qaddhafi, op 29-jäörige laeftied ómgekómme biej 'ne NATO-aanval.[94][95]
- 19 miert
In Egypte vèntj e referendum plaatsj euver 'n gróndjwètsverangering die de democratie mót inveure. Väöl revolutionaire zien taege de aard van de verangeringe.[96]
- 18 miert
De VN-Veiligheidsraod nump 'n resolutie aan taege 't bewèndj van de Libische kolonel Moe'ammar Qaddhafi, mit ónger mie e wiedgaond vleegverbod. 't Bewèndj zaet zich draan te zalle hawwe; de volgenden daag kómme aevel al berichte euver sjendinge nao boete.[97][98]
- 10 miert
Frankriek erkèntj as ierste landj de raod van de Libischen opsjtandj as wèttelike regering van Libië.[99]
- 2 miert
In 'n poging de mach trök te kriege zèt de Libischen dictator Qaddhafi e taege-offensief in.[100]
- 26 fibberwarie
De Veiligheidsraod van de VN lèk 't Libisch bewèndj wiedgaonde sancties op, wo-ónger aangifte bie d'n Internationale Sjtraafhaof, e verbod op wapehanjel, e reisverbod en bevrering van de tegeuj.[101]
- 24 fibberwarie
De Algerijnse regering van Abdelaziz Boeteflika huf de noedtoesjtandj nao 19 jaor op. 't Èndj aan de noedtoesjtandj, dae de regering dictatoriaal mach gaaf, waor ein van de eise van de demonstrerende oppositie.[102]
- 15 fibberwarie
In naovolging van veural naoberlenj Tunesië en Egypte begènne ouch in Libië proteste, hie taege Moe'ammar al-Kaddhafi, dae al saer 1969 aan de mach is. In de volgende daag reageert 't rezjiem mit extreem geweld.[103]
- 11 fibberwarie
Hosni Moebarak, saer 1981 dictator van Egypte, trejt aaf en liet de mach aan 't laeger.[104][105][106]
- 10 fibberwarie
Hosni Moebarak kunjig op de tv aan de mach veur e deil te zalle euverdrage aan vice-presidentj Soeleimani, meh wel tot september aan te blieve. Dit wèk de weuj op van de demonstrante; ouch de internationaal gemeinsjap vèntj 't neet genóg.[107][108]
- 1 fibberwarie
De Egyptische oppositie röp 'ne 'mieljoenemarsj' oet, boebij ze e mieljoen lui in de straote vaan Caïro en Alexandrië wèlt kriege.[109][110] Moebarak kundeg dezelfden daag aon ziech in september neet herkeesbaar te zalle stèlle.[111]
- 29 jannewarie
Nao de haevigsten dag van proteste saer de ónrös begós óntsjleit d'n Egyptische president Moebarak zien regering. De demonsjtrante blieve aevel 't opsjtappe van Moebarak zelf eise. (Deils 28 jannewarie)[112]
- 25 jannewarie
In Egypte begènne volksopsjtenj nao 't veurbeeld van Tunesië, mit as doel 't bewèndj van presidentj Hosni Moebarak óm te goeje.[113]
- 14 jannewarie
Nao waeke van proteste deit president Zine al-Abidine Ben-Ali van Tunesië aafsjtand van de regering, wonao hae 't landj óntvlöch. Premier Mohamed Ghannouchi nump woer.[114]
- 9 jannewarie
De bevolking van Zuud-Soedan sjtump in e referendum, wat 'n waek zal doere, euver aafsjeiing van Soedan.[115]
- 1 jannewarie
Bie 'n Koptische kirk in Alexandrië, Egypte valle in 'n zelfmaordaansjlaag 21 doeje. D'n daoder weurt in extreem-islamistischen hook gezoch.[116][117]
2010
[bewirk | brón bewèrke]- 28 november
In de Ivoorkös waere veur 't iers in tien jaor presidèntjsverkezinge gehawwe. D'n oetsjlaag weurt aangevochte; in de chaos dae volg weure twie presidènte beëidig, en wel zitte presidèntj Laurent Gbagbo en oppositieleisman Alassane Ouattara.
- 9 augustus
In Rwanda vènje presidentjsverkezinge plaats. Vas sjteit eigelik al, dat de zittende president Paul Kagame zal waere herkoze.[118]
- 4 augustus
In Kenia sjtump de bevolking euver 'n nuuj constitutie; ze weurt aangenómme.[119]
- 29 juli
In Kongo-Kinshasa zènk 'nen euverbelaoje boet, wat óngevaer 140 doeje tot gevolg haet.[120]
- 21 juni
In De Ruiver wert 'n Rwandese verdachte van genocied opgepak.[121]
- 11 juni
In Johannesburg, Zuud-Afrika, begintj 't Waereldkampiónsjap Vootbal. Veur 't iers weurt dit in Afrika gehauwe.
- 12 mei
Op de lochhave van de Libische hoofsjtad Tripoli sjtort 'n vleegmesjien neer.[122] Dao valle mier as 100 doeje, wo-ónger 70 Nederlanders[123] en zeker twie Belzje[124]; e Nederlands kèndj van neuge oet Tilburg haet de ramp as einige euverlaef.[125]
- 5 april
Gelierde aan de Zuud-Afrikaanse Universiteit van Witwatersrand kunjige de óntdèkking van e compleet geraemde van 'n nuuj minsesaort aan, die Australopithecus sediba weurt geduip. De saort liek 'ne missing link te zeen tösje d'n Australopithecus africanus en de väöl hoeger óntwikkelde Homo habilis.[126]
- 3 april
Eugène Terre'Blanche, leisman van de extreems-rechse Afrikaner Weerstandsbeweging, weurt op zien boerderij vermaord, nao me zaet door twie van zien (zjwarte) bedeende.[127]
2009
[bewirk | brón bewèrke]- 8 juni
President Omar Bongo van Gabon, de langs zittende presidèntj ter waereld, sjtörf mit 73 jaor in Sjpanje.
2008
[bewirk | brón bewèrke]- 10 november
Miriam Makeba (Moder Afrika), Zuid-Afrikaanse anti-apartheidsactiviste en zangeres sjtèft in Italië an 'ne hartaanval.
Referenties
[brón bewèrke]- ↑ BBC News - Militant Islamists 'behead more than 50' in Mozambique
- ↑ Nu.nl - WHO: Afrika officieel vrij van wild poliovirus
- ↑ Al Jazeera - Mali president, PM held by mutinying soldiers: Live updates
- ↑ Nu.nl - President van Burundi Nkurunziza overlijdt na hartaanval
- ↑ Al Jazeera - Egypt's former president Hosni Mubarak dies at 91
- ↑ BBC News - Kenya's former President Daniel arap Moi dies aged 95
- ↑ De Standaard - ‘Rijkste vrouw van Afrika’ formeel aangeklaagd voor fraude en witwassen
- ↑ Al Jazeera - Dozens killed in Mogadishu car bomb attack
- ↑ Nobel Prize.org - Paersberich
- ↑ Al Jazeera English - Tunisian autocrat Ben Ali dies in Saudi exile
- ↑ CNN.com - Robert Mugabe, Zimbabwe's longtime leader, is dead
- ↑ Nu.nl - Tunesische president Beji Caid Essebsi (92) overleden
- ↑ Al Jazeera - Egypt's former president Mohamed Morsi dies: state media
- ↑ CNN.com - Egyptian voters back constitutional referendum that could extend Sisi's rule
- ↑ Nu.nl - Gehele regering van Mali stapt op, mogelijk om bloedbad met 160 doden
- ↑ Al Jazeera English - Mali's PM Maiga, government resign over Ogossagou massacre
- ↑ Nu.nl - Slachtoffers scheepsramp Congo aangespoeld in buurland Rwanda
- ↑ Al Jazeera English - Haftar's forces 'set to push into capital Tripoli'
- ↑ Nu.nl - Coupleider treedt af na betoging door honderdduizenden Soedanezen
- ↑ Al Jazeera English - Sudan's military removes President Omar al-Bashir
- ↑ Al Jazeera English - Algeria celebrates Bouteflika’s resignation with outpour of joy
- ↑ Nu.nl - Toestel met 157 mensen aan boord neergestort boven Ethiopië
- ↑ Nu.nl - Egyptische archeologen ontdekken tombe met vijftig mummies
- ↑ De Volkskrant - Terroristische aanslag Keniaanse hoofdstad Nairobi opgeëist door Al Shabaab
- ↑ CNN.com - Congo's Catholic bishops and US demand release of accurate election results
- ↑ Al Jazeera - UN members adopt global migration pact
- ↑ BBC News - Lake Victoria Tanzania ferry disaster: Divers hunt for survivors
- ↑ CNN.com - Former UN Secretary-General Kofi Annan dead at age 80
- ↑ Nu.nl - 257 doden na neerstorten militair vliegtuig in Algerije
- ↑ BBC News - Winnie Madikizela-Mandela: Anti-apartheid campaigner dies at 81
- ↑ NRC Handelsblad - Doden bij aanvallen in hoofdstad van Burkina Faso
- ↑ CNN.com - Jacob Zuma resigns as South Africa's President, mired in corruption scandal
- ↑ CNN.com - Robert Mugabe resigns after 37 years as Zimbabwe's leader
- ↑ CNN.com - Zimbabwe: Uncertainty over Mugabe's whereabouts as military denies coup
- ↑ Al Jazeera English - Zimbabwe army takes over but denies coup ongoing
- ↑ 1limburg - Limburger dodelijk slachtoffer van aanval olifant in Zambia
- ↑ Al Jazeera English - Somalia declares three days of mourning after blast
- ↑ Al Jazeera English - Kenya Supreme Court annuls result of presidential polls
- ↑ NRC Handelsblad - Dodental in Sierra Leone boven de duizend
- ↑ NRC Handelsblad - Tientallen doden bij treinongeluk Egypte
- ↑ NRC Handelsblad - Explosies in Egyptische kerken: zeker 44 doden
- ↑ Al Jazeera - UN: Soldiers kill 101 in clashes with Kamwina Nsapu
- ↑ Al Jazeera English — New Gambia president Adama Barrow takes oath in Senegal
- ↑ Bbc.com - Nigeria air strike error kills dozens in refugee camp
- ↑ N-tv.de - Herero und Nama verklagen Deutschland
- ↑ Nu.nl - Nederlandse fotograaf Jeroen Oerlemans omgekomen in Libië
- ↑ Al JAzeera English - EgyptAir flight MS804 to Cairo disappears from radar
- ↑ Reuters - Former U.N. chief Boutros Boutros-Ghali dead at 93
- ↑ WHO - Latest Ebola outbreak over in Liberia; West Africa is at zero, but new flare-ups are likely to occur
- ↑ NobelPrize.org - The Nobel Peace Prize for 2015
- ↑ Al Jazeera English - Burkina Faso coup leader to 'hand over power'
- ↑ Nu.nl - Toeareg en overheid Mali sluiten vredesakkoord
- ↑ Al Jazeera English - Soldiers surround Burundi state broadcaster
- ↑ CNN.com - Islamist gunmen dead after attack at Kenya college kills 70
- ↑ CNN.com - Hunt for suspects linked to Tunisia museum attack that killed 19
- ↑ Al Jazeera English - Egyptian court sentences 683 people to death
- ↑ Paersberich oet naam van presidentj Jacob Zuma
- ↑ CNN.com - Kenya mall attack: Military says most hostages freed, death toll at 68
- ↑ Al Jazeera English - President Morsi overthrown in Egypt
- ↑ Al Jazeera English - Ex-Chad leader arrested in Senegal
- ↑ Le Monde - Mali : les forces françaises et maliennes ont repris Tombouctou
- ↑ Al Jazeera English - Algerian military raid 'ends hostage crisis'
- ↑ Al Jazeera English - Mali seeks France help against rebel advances
- ↑ Al Jazeera English - Mubarak gets life term for protester murders
- ↑ CNN.com - Former Liberian president faces sentencing for war crimes
- ↑ Al Jazeera English - Egyptians vote in landmark presidential poll
- ↑ Al Jazeera English - War crimes court finds Charles Taylor guilty
- ↑ Al Jazeera English - Tuaregs claim 'independence' from Mali
- ↑ Al Jazeera English - Tuareg rebels seize Malian city of Timbuktu
- ↑ Al Jazeera English - Senegal's Wade concedes election defeat
- ↑ Al Jazeera English - DR Congo's Lubanga found guilty by ICC
- ↑ Al Jazeera English - Scores dead in Congo munitions depot blasts
- ↑ Al Jazeera English - Scores killed in Egypt football violence
- ↑ Al Jazeera English - Egyptians cast ballots in post-Mubarak polls
- ↑ CNN.com - Congolese vote in landmark election following weekend violence
- ↑ Al Jazeera English - Islamic party wins Morocco parliamentary vote
- ↑ Al Jazeera English - Libya pledges 'fair trial' for Saif al-Islam
- ↑ Al Jazeera English - Polls open in historic Tunisia election
- ↑ Al Jazeera English - Gaddafi's hometown of Sirte falls to NTC
- ↑ Al Jazeera English - Muammar Gaddafi killed in Sirte
- ↑ Al JAzeera English - Libyan interim fighters 'enter Bani Walid'
- ↑ Al Jazeera English - Vote counting under way in Liberia's election
- ↑ Al Jazeera English - Deadly Cairo clashes over Coptic protest
- ↑ NobelPrize.org - Paersberich
- ↑ Al JAzeera English - Kenyan Nobel laureate Maathai dies
- ↑ Reuters - Gaddafi bastion Sabha falls to interim forces --NTC
- ↑ Al Jazeera English - Scores drowned in Zanzibar ferry sinking
- ↑ Al Jazeera English - Libyan fighters enter Bani Walid
- ↑ Al Jazeera English - Lybian rebels seize Gaddafi compound
- ↑ Al Jazeera English - Egypt's Hosni Mubarak appears in court
- ↑ Al Jazeera English - Mystery over Libyan rebel commander's death
- ↑ UN News Centre - UN declares famine in two regions of southern Somalia
- ↑ Al Jazeera English - South Sudan celebrates independence
- ↑ CNN.com - Libya says Gadhafi's son killed in airstrike, vows death to 'invaders'
- ↑ Al Jazeera English - Doubt cast on Gaddafi son death claim
- ↑ Al Jazeera English - Deep divisions over Egypt's referendum
- ↑ CNN.com - Fighter jet shot down in Libya
- ↑ Al Jazeera English - Gaddafi forces try to storm Benghazi
- ↑ Le Monde - Direct : L'opposition libyenne demande l'aide de l'Europe
- ↑ CNN.com - Libyan military bombs area controlled by opposition
- ↑ [Al Jazeera English - UN slaps sanctions on Libyan regime]
- ↑ CNN.com - Algeria officially lifts emergency state
- ↑ Al Jazeera English - Libyan police stations torched
- ↑ Al Jazeera English - Hosni Mubarak resigns as president
- ↑ CNN.com - Egypt's Mubarak steps down
- ↑ BBC News - Egypt's Mubarak resigns as leader
- ↑ CNN.com - Mubarak's refusal to step down enrages protesters
- ↑ Al Jazeera English - World sceptical of Mubarak's speech
- ↑ Al Jazeera English - Giant protest kicks off in Egypt
- ↑ CNN.com - Egypt braces for 'march of millions' as Mubarak cuts communications
- ↑ Al Jazeera English - Mubarak not to run for another term
- ↑ Nu.nl - Regering Egypte stapt op
- ↑ CNN.com - Will Egypt follow Tunisia's lead?
- ↑ CNN.com - Tunisian PM takes over as interim president as Ben Ali flees
- ↑ BBC News - Southern Sudan votes on independence
- ↑ BBC News - Egypt bomb kills 21 at Alexandria Coptic church
- ↑ Al Jazeera - Egypt arrests church blast suspects
- ↑ De Standaard Online - Stembusgang Rwanda zit erop
- ↑ BBC News - Kenya holds referendum as part of political peace deal
- ↑ Reuters - Up to 138 killed in DR Congo boat accident
- ↑ Dagblad De Limburger - Reuverse verdachte genocide Rwanda
- ↑ CNN - Plane crashes while trying to land at Libyan airport
- ↑ Nu.nl - Nederlands dodental Tripoli naar 70 bijgesteld
- ↑ De Standaard Online - Derde Belg omgekomen bij vliegramp?
- ↑ Nu.nl - Overlevende crash is negenjarige Nederlandse jongen
- ↑ http://www.timesonline.co.uk/tol/news/science/biology_evolution/article7087670.ece
- ↑ http://www.nu.nl/buitenland/2218923/afrikaner-leider-terreblanche-vermoord.html
Nuujsarchieve
[brón bewèrke]Awwer versies van dit blaad
[brón bewèrke]1 april 2005 -
30 mei 2005 -
1 augustus 2005 -
12 december 2005 -
2 februari 2006 -
11 april 2006 -
27 december 2006 -
24 juni 2007 -
19 april 2008
_pictogram.svg){kind=small}
