In 't nuujs - Vereinig Keuninkriek en Ierlandj
| Dit is 'n archief, wo-in aw nuujsberichte waere opgesjlage. Inhawd weurt hie dan normaal gesjpraoke ouch neet eweggehaold. Recènter nuujs mót me zeuke op 't hoofblaad: In 't nuujs. |
2020
[bewirk | brón bewèrke]- 24 december
De EU en 't Vereinig Keuninkriek sjlete 'n hanjelsakkoord wat per 1 jannewarie mót ingaon. Dit akkoord waor nujig ómdet dan d'n euvergankstied vanaaf de Brexit aaflöp.
- 19 december
De regering van 't Vereinig Keuninkriek lègk 't zuudoeste van 't landj zjwaor quarantainemaotraegele op naodet hie 'n nuuj, zier besjmettelike mutatie van 't SARS-CoV-2 ('t virus wat COVID-19 veroerzaak) hel óm zich haer griep. Versjillende lenj verbeeje of beperke reize van en nao 't landj.
- 13 november
De Britse massamaordenaer Peter Sutcliffe, baeter bekèndj es de 'Yorkshire Ripper', sjtörf op 74-jäörige laeftied aan COVID-19.[1]
- 29 oktober
De Arbeierspartie sjors häöre veurmaolige veurzitter Jeremy Corbyn nao e rapport van de Equality and Human Rights Commission wat zier kritisch is euver de rol van antisemitisme in de partie ónger Corbyn zie leiersjap.[2]
- 8 fibberwarie
In Ierlandj vènje parlemèntsverkezinge plaats. Regeringspartie Fine Gael, oppositieleier Finna Fáil en 't radicaal-nationalistisch Sinn Féin kómme in de ierste exitpolls óngeveer geliek oet.[3]
- 31 jannewarie
't Vereinig Keuninkriek verliet es ierste zelfsjtendige sjtaot oets de Europese Unie, naodet de kezers in 2016 mit e rifferendum daotoe hauwe besjlaote.
- Kóns en cultuur: De Amerikaanse sjriefster van misdaodromans Mary Higgins Clark sjtörf op 92-jäörige laeftied.[4]
- 18 jannewarie
Prins Harry en zien vrouw Prinses Meghan trèkke zich trök oet 't Brits Keuninklik Hoes. Ze laote de titel Keuninklike Hoegheid valle en zalle de Keuningin neet mie formeel vertrejje.[5]
- 12 jannewarie
De Britse politieke filosoof Roger Scruton sjtörf op 75-jäörige laeftied.[6]
- 6 jannewarie
D'n Indonesische serieverkrachter Reynhard Sinaga weurt in 't Vereinig Keuninkriek sjöldig bevónge aan 159 seksueel misdrieve en tot laeveslang gevangenissjtraof veroerdeild. Hae is de groetste serieverkrachter oet de Britse rechshistorie.[7]
2019
[bewirk | brón bewèrke]- 12 december
Bie verkezinge veur 't Liegerhoes haolt de Conservatief Partie van de zittende premier Boris Johnson 'n absolute mierderheid van 364 op 650 zetele.
- 20 november
Prins Andrew van 't Vereinig Keuninkriek lèk zien peblieke take naer naodet hae in verbandj is gebrach mit e misbruuksjendal róndj Jeffrey Epstein.[8]
- 17 oktober
't Vereinig Keuninkriek en de EU bereike e nuuj Brexit-akkaord. Ómdet 't de goodkäöring van coalitiepartie DUP mis, is 't aevel ónzaeker of 't akkaord weurt aangenome.[9]
- 24 september
De Britsen Hoeggerichshaof verklaort 't opsjorte van 't Parlemènt daor premier Boris Johnson óngeljig.[10]
- 4 september
't Brits Liegerhoes nump 'n wèt aan die 'ne Brexit zónger akkaord verbeujt. Ouch sjtump ze taege nuuj verkezinge. Allebei zeen dit zjwaor naerlage veur premier Boris Johnson.
- 28 augustus
Premier Boris Johnson liet keuningin Elizabeth II 't Liegerhoes sjorse tot 14 oktober. Dit zal de meugelikhede veur 't Parlemènt óm get aan 'ne Brexit te doon sjterk vermènjere.[11]
- 23 juli
Boris Johnson weurt verkaoze tot leier van de Conservatief Partie en zal zodaonde Theresa May es premier opvolge.[12]
- 24 mei
Premier Theresa May kunjig häör aafsjeid per 7 juni as. aan. 't Is häör neet gelök häör veurnaamste taak, 't in gooj baone veure van de Brexit, tot e good èndj te bringe.[13]
- 18 april
Journaliste Lyra McKee weurt in Londonderry vermaord daor 'ne pro-Iersen extremis.[14]
- 11 april
- De EU gief 't Vereinig Keuninkriek bis 31 oktober d'n tied veur de Brexit.[15]
- D'n Australischen activis Julian Assange weurt nao jaore van zelfverkaoze ballingsjap in Lonje gearresteerd.
- 29 miert
't Brits Liegerhoes sjtump veur d'n daarde kier taege 't Brexitplan van premier Theresa May. De kans weurt noe groeter det 't landj op 12 april zónger akkaord de EU verliet.[16]
- 12 miert
't Brits Liegerhoes sjtump ouch de aangepasde euvereinkóms euver 't Brits vertrèk oet de EU eweg.[17]
- 15 jannewarie
't Door premier Theresa May veurgesjtèld Brexit-akkaord tösje 't Vereinig Keuninkriek en de Europese Unie weurt in 't Liegerhoes mit 202 taege 432 sjtumme verwórpe.[18]
2018
[bewirk | brón bewèrke]- 22 december
De Britse politicus en diplomaat Paddy Ashdown sjtörf op 77-jäörige laeftied aan blaoskanker.[19]
- 27 oktober
D'n Thaise zakeman Vichai Srivaddhanaprabha, eigenaer van Leicester City en Oud-Heverlee Leuven, sjort kort bie 't sjtadion van zien club in zienen helikopter denaer.
- 20 oktober
700.000 luuj demonstrere in Lonje taege de aankómmende Brexit en veur e nuuj rifferendum hie-euver.
- 9 juli
Twie Britse ministers, David Davis en Boris Johnson, numme óntsjlaag oet ónvrei euver de 'weike Brexit', dae premier Theresa May veursjteit.[20]
- 25 mei
In Ierlandj weurt e referendum gehaje, det de abortuswètgaeving mót verrume.
- 23 april
Prinses Catharina van Cambridge (Kate Middleton) bevilt van häör driede kèndj. 't Jungske hèt voloet Louis Arthur Charles.[21]
2017
[bewirk | brón bewèrke]- 16 oktober
Orkaan Ophelia raos euver Ierlandj. 't Is oetzunjerlik dat 'ne sjtörm mit orkaankrach Europa bereik.
- 15 september
'n Geïmproviseerde explosief góng aaf in e metrotoesjtel inne Britse huidsjtad Lónje. Niemes raakde aevel zjwaorgewóndj.[22] 'ne 18-jaorige verdachte woort inne kösplaats Dover opgepak.[23] IS zouw d'n aansjlaag höbbe opgeëis.
- 14 juni
- Zaeker tachetig luuj sjterve bie 'ne flatbrandj in de Lónjese wiek Kensington. D'r zien 77 gewónje. Aangenómme waert det de 58 vermiste luuj inmiddels ouch zien ómgekómme.[24]
- Vereinig Keuninkriek: In 't Vereinig Keuninkriek zien vervreugde verkezinge veur 't Liegerhoes. De conservatieve höbbe gein absolute mierderheid mier, meh nog wel 'n relatief mierderheid.
- 3 juni
'nen Auto is ingevare op vootgengers op de London Bridge. Daonao sjtapde drie manne oet, waonao zie versjillende luuj naersjtake.[25] Ach luuj kwame óm, 48 raakde gewóndj. IS haet d'n aansjlaag opgeëis.[26]
- 22 mei
Bie 'ne zelfmaordaansjlaag in Manchester op e konzaer van Ariana Grande valle 22 doeje en mie as 50 gewónje. D'n aansjlaag weurt opgeëis daor IS.[27]
- 18 april
De Britse premier Theresa May kóndig aan det op 8 juni dit jaor nuje vervreugde verkezinge zölle weure gehaje, mits de hie-euver ingedeende motie weurt aangenaome.[28]
- 22 miert
Percies e jaor nao de aansjlaeg in Brössel in miert 2016 weurt de Britse hoofsjtad Lónje opgesjrik door 'nen aansjlaag op de Westminster Bridge, bie 't Parliament Square en bie 't Westminster Palace, de zaetel van 't Britse parlement. Zès luuj woorte gedoed. Vieftig luuj raakde gewóndj. De vergadering in 't parlement woort gesjors. D'n daoder sjtorf. Ach angere woorte opgepak. De aansjlaag hèlt meugelik verbandj mit islamitisch terrorisme. IS haet d'n aansjlaag opgeëis.[29]
- 3 miert
In e veurmalig weeshoes in de Ierse sjtad Tuam zien resjtante van 800 kinjerliekskes gevónje.[30]
- 1 miert
D'n Ierse premier Enda Kenny erkent de Travellers officieel es etnische minderheid.
- 13 jannewarie
D'n Britse fotograaf, filmmaeker, ierste graaf van Snowdon, baron van Amstrong-Jones Antony Amstrong-Jones sjtörf op 86-jäörige laeftied. Hae waor van 1960 bis 1978 echgenoot van prinses Margaret, de zus van keuningin Elizabeth II.
2016
[bewirk | brón bewèrke]- 13 juli
Theresa May vervèngk David Cameron as premier van 't Vereinig Keuninkriek. Ze krieg dees functie naodat Cameron opsjtap en anger kandidate veur de geplande partieverkezing aafhaoke.
- 23 juni
In 't Vereinig Keuninkriek ènjig e rifferendum gehawwe euver de vraog of 't landj de EU mót verlaore mit 'n klein euverwinning (51,7%) veur 't jao-kamp. De mörge tenao kunjig premier David Cameron zien aaftrejje aan.
- 16 juni
't Labour-parlemèntslid Jo Cox weurt op sjtraot vermaord mit nao 't zich aanzuut e politiek motief.[31]
- 6 mei
Sadiq Khan weurt per rifferendum verkaoze tot de nujeg börgemeister van Lonje. Hae is d'n ierste Pakistaan en d'n ierste moslim op dees positie en volg Boris Johnson op.[32]
2015
[bewirk | brón bewèrke]- 22 augustus
'ne Sjtraoljaeger sjtort denaer tiedes 'n lóchshow in 't Brits graofsjap West Sussex op 'ne sjnelwaeg. Hiebie kómme èlf luuj óm 't laeve.
- 22 mei
In e rifferendum sjtump de mierderheid van de Ierse bevolking veur inveuring van 't homohoewelik.
- 7 mei
Bie de verkezinge veur 't Liegerhoes haolt de regerende Conservatief Partie van premier David Cameron nog wins. De Arbeierspartie van Ed Milliband verluus taege de verwachting in, en de anti-Europees UKIP brik neet daor. De SNP haolt bekans alle zetele in Sjotlandj.[33]
2014
[bewirk | brón bewèrke]- 18 september
In Sjotlandj sjtump de bevolking euver ónaafhenkelikheid van 't Vereinig Keuninkriek. 'n Mierderhied van 55,3% sjprik zich oet taege aafsjeiing.
- 12 september
De Naord-Iersen dominee en politicus Ian Paisley sjtörf op 88-jäörige laeftied.
2013
[bewirk | brón bewèrke]- 22 juli
Prins William en Kate, hertogin van Cambridge, kriege hun ierste kèndj. De jóng hèt George Alexander Louis, dreug d'n titel prins van Cambridge en is derde in de lien van de Britse troenopvolging.[34]
- 22 mei
Twie islamistische terroriste sjtaeke in Lonje 'ne militair doed.[35]
- 8 april
Margaret Thatcher, de vreuger premier van 't Vereinig Keuninkriek, sjtörf op 87-jäörige laeftied.[36]
- 23 jannewarie
De Britse premier David Cameron kunjig e referendum aan euver 't vertrèk van zie landj oet de Europese Unie. Ouch wilt hae zien positie in de EU heróngerhanjele.[37]
2011
[bewirk | brón bewèrke]- 6 augustus
In Lonje begènne relle tösse jóngere en de polies, mit irnstige rinneweringe en plunjeringe. De ónras sjleit de volgende daag euver nao anger sjtei in Èngelandj.
- 19 juli
't Brits Liegerhoes begèntj 'n huurzitting euver aafloestersjendal bij sensatiegezètte van News International. Ónger mie Rupert Murdoch weurt verhuurd.[38]
- 17 juli
Rebekah Brooks, jaorelank in topfuncties verbónge aan de gezètte van News International, weurt gearresteerd op verdènking van sjöld aan ónethische praktieke.
- 7 juli
De Britse boulevardgezèt News of the World hèlt op te publicere nao e sjendal euver ónethische nuujsgaring; zóndig 10 juli zal volges eigenaer Rupert Murdoch 't lèste nómmer versjiene.[39]
- 5 mei
Claude Choules, de lèste veteraan oet d'n Ierste Waereldkreeg, sjtörf op 110-jäörige laeftied.[40]
- 29 april
Ónger enorm mediabelanksjtèlling troewt prins William mit Kate Middleton.
- 25 fibberwarie
In Ierlandj waere vervreugde verkezinge gehauwe. Ze waore door de regering oetgesjreve nao haevige kritiek op de economische crisis en de bezuniginge.[41]
2010
[bewirk | brón bewèrke]- 7 december
Julian Assange, oprichter en baas van Wikileaks, weurt in Èngelandj gearresteerd. Zjwaede vräög óm zien oetlaevering óm e zaedemisdrief.
- 25 september
Ed Miliband weurt as nuje leisman van de Britse Arbeiderspartie gekoze en versjleit mit e henjig klein versjil ziene broor David. Hae zal oppositie gaon veure taege 't Kabinèt-Cameron.[42]
- 11 mei
Gordon Brown (Arbeiderspartij) trejt trök es premier vaan 't Vereineg Keuninkriek en dreug daomèt de mach euver aon 'n coalitieregering vaan Conservatieve en Liberaol Democraote mèt David Cameron es hoof.[43]
- 6 mei
Bij de Britse parlemintsverkezinge haolt gein vaan de partije 'n mierderheid, veur 't iers sinds 1974. De derde partij, de Liberaol Democraote, haolt evels neet zoeväöl zetele es verwach.[44]
Referenties
[brón bewèrke]- ↑ BBC News - Yorkshire Ripper Peter Sutcliffe dies
- ↑ BBC News - Labour suspends Jeremy Corbyn over reaction to anti-Semitism report
- ↑ The Irish Times - Election 2020 exit poll: FF 22%, FG 22%, SF 22% - three-way tie for share of vote
- ↑ AP News - Author Mary Higgins Clark, ‘Queen of Suspense,’ dead at 92
- ↑ BBC News - Harry and Meghan drop royal duties and HRH titles
- ↑ De Standaard - Britse conservatieve denker Roger Scruton overleden
- ↑ Nu.nl - 'Verkrachter die vaakst toesloeg in Britse rechtshistorie' krijgt levenslang
- ↑ BBC News - Prince Andrew stepping back from royal duties
- ↑ CNN - Brexit deal agreed as EU leaders endorse Boris Johnson's plan
- ↑ BBC News - Supreme Court: Suspending Parliament was unlawful, judges rule
- ↑ BBC.com - Parliament to be suspended in September
- ↑ BBC News - Boris Johnson wins race to be Tory leader and PM
- ↑ BBC.com - Theresa May to resign as prime minister
- ↑ BBC News - Lyra McKee murder: Journalist shot dead during Derry rioting
- ↑ BBC News - Brexit: UK and EU agree delay to 31 October
- ↑ BBC News - MPs reject May's EU withdrawal agreement
- ↑ BBC News - Brexit: MPs reject Theresa May's deal for a second time
- ↑ BBC News - Brexit: Theresa May's deal is voted down in historic Commons defeat
- ↑ BBC News - Ex-Lib Dem leader Paddy Ashdown dies aged 77
- ↑ BBC News - Reactions as Johnson and Davis resign
- ↑ De Standaard online - De nieuwe prins heeft een naam
- ↑ NOS - Explosie in metro Londen, 'het had veel erger kunnen zijn'
- ↑ NRC Handelsblad - Britse politie pakt verdachte aanslag metro op
- ↑ http://news.sky.com/story/west-london-fire-live-fire-service-chief-confirms-there-have-been-fatalities-10915010 Sky NEWS - LIVE: Govt failed to grasp scale of tragedy - Labour]
- ↑ NRC Handelsblad - Zeven doden bij terreuraanvallen in hartje Londen
- ↑ NRC Handelsblad - IS eist verantwoordelijkheid voor aanslag Londen op
- ↑ BBC News - Manchester Arena attack: 22 dead and 59 hurt
- ↑ BBC - Theresa May to seek general election on 8 June
- ↑ De Limburger - Aanslag Londen houdt verband met islamitische terreur
- ↑ NRC Handelsblad - Massagraf gevonden bij voormalig Iers weeshuis
- ↑ NOS.nl - Doodgeschoten Cox was politiek talent en fervent EU-voorstander
- ↑ Sky News - Labour's Khan Wins London Mayoral Election
- ↑ BBC News - Election results: Conservatives on course for majority
- ↑ BBC News - Royal baby: William and Kate name their son George
- ↑ BBC - Woolwich attack: Killed man was a serving soldier
- ↑ BBC News - Ex-Prime Minister Baroness Thatcher dies
- ↑ The Times - Europe referendum dividing lines set: Cameron ‘Yes’ Miliband ‘No’
- ↑ BBC News - Phone-hacking hearing: Key quotes
- ↑ BBC News - News of the World to close amid hacking scandal
- ↑ BBC News - Obituary: Claude Choules
- ↑ The Irish Times - Polls open till 10pm as nation votes in election
- ↑ BBC News - Ed Miliband is elected leader of the Labour Party
- ↑ Times Online - Gordon Brown hands power to Cameron in emotional Downing Street speech
- ↑ Times Online - Britain wakes up to a hung Parliament
Nuujsarchieve
[brón bewèrke]Awwer versies van dit blaad
[brón bewèrke]1 april 2005 -
30 mei 2005 -
1 augustus 2005 -
12 december 2005 -
2 februari 2006 -
11 april 2006 -
27 december 2006 -
24 juni 2007 -
19 april 2008
_pictogram.svg){kind=small}
