In 't nuujs

Oetgebreider nuujsberichte kan me vènje op Wikinuujs. Aw nuujsberichte waere nao e tiedsje gearchiveerd. Zuug veur de belankriekste berichte 't jaorartikel.

2019

jannewarie

15 jannewarie

• Vereinig Keuninkriek: 't Door premier Theresa May veurgesjtèld Brexit-akkaord tösje 't Vereinig Keuninkriek en de Europese Unie weurt in 't Liegerhoes mit 202 taege 432 sjtumme verwórpe.
• Oes-Afrika: De Keniaanse huidsjtad Nairobi weurt opgesjrik door 'nen terroristische aansjlaag, dae Al Shabaab haet opgeëis.
• Kuns en cultuur: De Amerikaanse musicalactries Carol Channing sjtörf op 97-jäörige laeftied.

13 jannewarie

• Midde-Europa: Paweł Adamowicz, de börgemeister van de Poolse sjtad Danzig, weurt door 'ne 27-jäörige man denaergesjtaoke en sjtörf einen daag later aan zien verwónjinge.

11 jannewarie

• Belsj: Op de A25 (E25) kórtbie Waezet is 'nen aktivis van de gael zjilees doedgevare gewaore.

10 jannewarie

• Afrika: Félix Tsisekedi weurt oetgerope tot winner van de presidentsverkezinge in Congo-Kinshasa. Alóm weurt aan dezen ónverwachden oetsjlaag getwiefeld.

7 jannewarie

• Afrika: In Gabon deit 't laeger 'ne mislökde coup.
• Duutsjlandj, Oesteriek, Zjwitserlandj: Inne Pruse sjtad Breme weurt bondsdaaglid en AfD-veurzitter Frank Magnitz mishanjeld. Hae ligk mit zjwaor verwónjinge in 't krenkehoes.

6 jannewarie

• Zuudoes-Azië: Keuning Mohammed V van Maleisië kunjig zien aaftrejje aan. Keuninge van Maleisië zitte noets permanènt, meh 't is veur 't iers det 'ne keuning oet eige bewaeging opsjtap.

3 jannewarie

• Nederlands Limburg: In Venlo is Mieke Schreurs, de bedinkster van 't frietei, op 86-jäörige laeftied euverleje.
• Weitesjap: 't Chinees ruumdetuug Chang'e 4 lantj es ierste minsjelik tuug op d'n achterkantj van de Maon.

2 jannewarie

• Sjport: De Nederlandse sjaatsster Paulien van Deutekom sjtörf op 37-jäörige laeftied aan lóngkanker.
• Naord-Europa: Bie e treinóngelök in Denemarke zeen ach doeje gevalle. Zèsteen luuj rake gewóndj.
• Belsj Limburg: Aksieveurders, de zoegenaamde gael zjilees, blokkere mit vuurwirk en sjtökke hout de A25 (E25) op de grens bie Èèsjde.

1 jannewarie

• Belsj (Limburg): Op 't Belsj vèntj veur 't iers saer 1977 'n groetsjaolege gemeintelike herindeiling plaatsj. In Limburg versjiene de fusiegemeintes Audsberge (oet Miëve-Roj en Glabbek) en Pelt (oet Neerpelt en Pelt).
• Nederlandj/Nederlands Limburg: In Nederlandj zien groetsjeepse herindeilinge in diverse provincies. In Limburg óntsjteit de gemeinte Baekdale (oet Nut, De Óngerbenk en Sjènne).
• Zuud-Amerika: Jair Bolsonaro weurt beëidig es presidentj van Brazilië.
• Weitesjap: New Horizons vluug veurbie 't Kuiperreemobjek 2014 MU69.
• Duutsjland, Oesteriek en Zjwitserlandj: Oesteriek veurt 't homohoewelik in.
• Kuns en cultuur: De Nederlandse rapper Feis (echte naam Faisal Mssyeh) kump op 32-jäörige laeftied óm in 'n sjeetpartie.
• Nederlandj: Silvesteraovend verlöp mit väöl incidente. D'r valle ouch twie vuurwirkdoeje: eine in 't Friese Morra en eine in Enschede.
• Sjport: Michael van Gerwen wintj 't Waereldkampiónsjap Darte door in 't finaal te winne van Michael Smith.

2018

december

31 december

• Oes-Europa: Inne Róssische sjtad Magnitogorsk is e flatgeboew deils ingesjtort. Daobie kómme 38 luuj óm 't laeve.

30 december

• Afrika: In Congo-Kinshasa zeen presidentsverkezinge. D'n oetsjlaag is de daag dao-op óngerwerp van groete controverse.

28 december

• Kuns en cultuur: D'n Israëlische sjriever Amos Oz sjtörf op 79-jäörige laeftied.

26 december

• Kuns en cultuur: D'n Amerikaansen acteur Frank Adonis sjtörf op 83-jäörige laeftied.
• Weitesjap: D'n Amerikaanse natuurkundige Roy J. Glauber (Nobelpries in de Natuurkunde 2005) sjtörf op 93-jäörige laeftied.

22 december

• Zuudoes-Azië: 'nen Tsunami, veroerzaak door 'n oetbersting van de vulkaan de Krakatau, veroerzaak in Indonesië hóngerde doeje.
• Politiek: De Britse politicus en diplomaat Paddy Ashdown sjtörf op 77-jäörige laeftied aan blaoskanker.
• Weitesjap: De Belzje wiskónjige Jean Bourgain sjtörf op 64-jäörige laeftied.

21 december

• Duutsjlandj, economie: In Bottrop geit de Prosper-Haniel, de lètste koel van 't landj, toe.
• Oes-Europa: Door 'n explosie in 'n koel in 't oeste van Tsjechië zeen zeker daarteen kómpels óm 't laeve gekómme.

18 december

• Belsj: Naodet 't Charles Michel neet lök óm 'n gedoogcoalitie te vènje in 't parlemènt, deent hae zien óntsjlaag in bie de Keuning. Hiemit weurt de regering-Michel II nao teen daag demissionair. Vervreugde verkezinge waere neet gepland.

16 december

• Sjport: 't Belsj hierehockeyèlftal weurt veue 't iers in zien historie waereldkampión daor in de finaal de shoot-out van Nederlandj te winne.

15 december

• Belsj: Politicus Philippe Moureaux (PS) sjtörf op 79-jäörige laeftied.

14 december

• Nederlands Limburg: Bij 'ne brand in 'n appartemintecomplex in 't centrum vaan Mestreech is 'n vrouw um 't leve gekoume.

13 december

• Nederlands Limburg: Op de A73 ter huuegde van Berg weurt 'nen doeje man gevónje. Naeve de autobaan weurt ouch 'n zjwaorgewónje vroumes in häör auto aangetroffe.
• Belsj: Sjpikkelantj en politicus Jean-Pierre Van Rossem sjtörf op 73-jäörige laeftied.

12 december

• Nederlands Limburg: Bie 'n óngelök in De Grashook zeen twie luuj óm 't laeve gekómme.

11 december

• Frankriek: Inne Franse sjtad Sjtraasburg äöpent 'ne man 't vuur op bezeukers van 'ne krismert. Daobie zeen oetintelik vief doeje (de sjötter neet mitgetèld) en èlf gewónje gevalle.

10 december

• Afrika/Waereldwied: De regeringe van 164 lenj numme in Marrakech 't VN-Migratiepak aan.
• Zuud-Europa: In 'n discotheek inne ómgaeving vanne Itteljaense havesjtad Ancona, ane Adriatische Zie, kómme zès luuj óm 't laeve, naodet pennik oetbrik.

9 december

• Kuns en cultuur: De Nederlandse sjilder Aat Veldhoen sjtörf op 84-jäörige laeftied.

8 december

• Belsj: De N-VA verliet de regering-Michel I nao 'n waek van ónènsigheid euver 't VN-Migratiepak. De regering geit wiejer mit 'n mènjerheidscoalitie.

7 december

• Duutsjlandj: Annegret Kramp-Karrenbauer volg Angela Merkel op es partieleister van de CDU.

6 december

• Kuns en cultuur: Pete Shelley, fróntjman van punkband The Buzzcocks, sjtörf op 63-jäörige laeftied aan 'nen hertaanval.
• Kuns en cultuur: De Belsj-Limburgse actries Désirée Viola pleeg op 26-jäörige laeftied zelfmaord.

5 december

• Nederlandj, Wes-Europa, Zuud-Europa: In Nederlandj zeen vief verdachte opgepak tiedes 'n groete Europees gecoördineerde aksie taege de 'Ndrangheta, 'ne mechtige maffia-clan oet 't Zuud-Itteljaense Calabrië. Ouch in Tegele, Zitterd, Mechele, Gènk en Laoneke zeen invalle gewaes.

4 december

• Belsj: Premier Charles Michel besjlut óm 't VN-Migratiepak te teikene. Dit is taege de zin van de regeringspartie N-VA, die al haet gedreig de regering te doon valle.

1 december

• Nederlands Limburg: De buuttereedner Pierre Cnoops is gehiemeld op 80-jäörige laeftied.

november

30 november

• Vereinigde Sjtaote: George H.W. Bush, d'n 41e presidentj van de Vereinigde Sjtaote, sjtörf op 94-jäörige laeftied.

28 november

• Kuns en cultuur: De Nederlandsen acteur Manfred de Graaf sjtörf op 79-jäörige laeftied aan kanker.

26 november

• Kuns en cultuur: D'n Amerikaansen animator Stephen Hillenburg, bekind vanne kingerserie SpongeBob SquarePants, sjtörf op 57-jäörige laeftied aan ALS.
• Kuns en cultuur: D'n Italiaanse rezjisseur Bernardo Bertolucci sjtörf op 77-jäörige laeftied.
• Weitesjap: De Marslenjer InSight landj succesvol op de bojem van Mars. 't Tuug mót de kómmenden tied gróndjóngerzeuk op de planeet gaon doon.
• Weitesjap: De Chinese geneticus He Jiankui bewaert de ierste twie genetisch gemanipuleerde minsekènjer op de waereld te höbbe gezat. Zien bewaering is nog neet ónaafhenkelik bevestig.

25 november

• Oes-Europa: Ruslandj nump drie Oekraïense marinesjeper in besjlaag. 't Grensincidentj escaleert flót; de Oekraïne kunjig de sjtaot van belag aaf.

23 november

• Belsj Limburg: 'ne Verdachte veur vief versjillende brandjsjtichtinge in Alleke weurt gepak.

21 november

• Nederlandj: Inwoeners van 37 gemeintes keze in 't kader vanne fusering op 1 jannewari 2019 'ne nuje raod. Ein van die nuuj gemeintes is Baekdale, die zal óntsjtaon oete hujige gemeintes Nut, Óngerbenk en Sjènne. 't CDA is dao de groetste partie.

20 november

• Nederlands Limburg: De pelitie hilt 'n groete actie taege kempteelt in veural de Westelike Koel, meh ouch in d'n Oestelike Koel, Braobent, Geljerlandj en 't Belsj. Neugeteen woeninge en zeve sjoppe waere doorzoch.

18 november

• Weitesjap, Nederlands Limburg: In d'n insekteval in de ENCI-kojl bij Mestreech vint me daarteg veur Nederland oonbekinde soorte insekte, boevaan 'rs twie zelfs nog gaaroet neet bekind waore.

17 november

• Sjport: De paerdssjportorganisatie F.E.I. besjlut per direk te sjtoppe mit de Waereldrutersjpaele. Veur de editie van 2022 kós geine kandidaat waere gevónge.

16 november

• Weitesjap: De definitie van de kilogram versjuuf van 'n ijkgewich in Paries nao 'n waerde gebaseerd op de constante van Planck.

14 november

• Wikimedia: De Limburgse editie van Wikinuujs kump online.

12 november

• Kuns en cultuur: D'n Amerikaanse scenaris en sjtripoetgaever Stan Lee sjtörf op 95-jäörige laeftied.

10 november

• Belsj: In Zelzate (provincie Oes-Vlaandere) sjlete sp.a en PVDA e besjtuursakkaord. 't Weurt d'n ierste kier dat de extreemlinkse PVDA in 'n Belzje gemeinte geit mitbesjikke.

9 november

• Vereinigde Sjtaote: Bie bósbrenj in Californië kómme 74 luuj óm 't laeve, dewiel zeker doezend luuj es vermis gelle. 't Sjtedje Paradise weurt volledig verweus.

7 november

• Vereinigde Sjtaote: Bie 'n sjeetpartie in 'n nachclub inne Amerikaanse sjtad Thousand Oaks valle 12 doeje.

6 november

• Vereinigde Sjtaote: Bie tösjetiedse verkezinge veur 't Congres pakke de Democrate de mierderheid in 't Hoes vaan Aafgevaerdigde, dewiel in de Senaat de Rippeblikeinse Partie häör mierderheid zjus oetboewt.

4 november

• Oceanië: Nuuj-Caledonië verkeus in e rifferendum óm bie Frankriek te blieve. 57,29% van de kezers sjtump taege ónaafhenkelikheid, taegeneuver 42,71% veur. De opkóms waor bezunger hoeg.

2 november

• Kuns en cultuur: D'n Amerikaansen trómpöttis Roy Hargrove sjtörf op 49-jäörige laeftied.

oktober

29 oktober

• Duutsjlandj: Angela Merkel kunjig aan aaf te trejje es veurzitster van 't CDU en zich in 2021 neet mie verkeesbaar te sjtèlle.
• Zuudoes-Azië: E vleegtuug mit 189 luuj aan baord sjtort denaer in de Javazie. Allezelaeve zeen alle inzittende ómgekómme.

28 oktober

• Zuud-Amerika: D'n extreemrechse kandidaat Jair Bolsonaro wintj de twiede runj van de Braziliaanse presidentsverkezinge. Hae krieg 55,1% van de geljige sjtumme, taegeneuver 44,1% veur zienen opponentj Fernando Haddad.
• Sjport: Max Verstappen wintj de Grand Prix van Mexico. Lewis Hamilton weurt veerde en haolt zoe ziene viefde Formule 1-titel binne.

27 oktober

• Vereinigde Sjtaote: 'ne Man äöpent 't vuur bie 'n synagoog in Pittsburgh. Èlf luuj kómme óm.
• Vereinig Keuninkriek: D'n Thaise zakeman Vichai Srivaddhanaprabha, eigenaer van Leicester City en Oud-Heverlee Leuven, sjort kort bie 't sjtadion van zien club in zienen helikopter denaer.

26 oktober

• Vereinigde Sjtaote: Nao 'n waek van bómme gerich aan democratische kopsjtökker en anger progressief Amerikane arresteert de pelissie 'ne 56-jäörigen inwoener van Florida.

25 oktober

• Weitesjap: De Japanse sjeikónjige Osamu Shimomura, winner van de Nobelpries in de Sjemie 2008, sjtörf op 90-jäörige laeftied.
  (sjterfdaag ónbekèndj)

24 oktober

• Belsj: In Antwerpe is 'nen boewvakker euverleje door 'nen ingesjtortde sjteiger. Einen angere raakde gewóndj.
• Belsj Limburg: Bie 'n bótsing tösse e böske en 'nen auto in Pelt rake zeve luuj gewóndj; vief daovan zeen sjoelkinger.

23 oktober

• Oes-Azië: Presidentj Xi Jinping van China deit de Hong Kong-Macau-Zhuhaibrök, 'n brök van 55 kilomaeter euver de zie die Hong Kong en Macau mit 't Chinees vastelandj verbèntj, officieel aope.

21 oktober

• Oes-Azië: In Taiwan óntsjpaort 'nen trein. Achteen luuj kómme óm, 160 raoke gewóndj.

20 oktober

• Nederlandj: Wim Kok, vakbóndjsman, politicus en premier van twie kabinètte, sjtörf op 80-jäörige laeftied.
• Weitesjap: De Europese ruumdevaertorganisatie ESA lanceert 't ruumdetuug BepiColombo, wat in 2025 bie Mercurius mót aankómme.
• Zuud-Azië: Nao drie jaor van oetsjtèl waere in Afghanistan parlemèntsverkezinge gehauwe. De Taliban dreige alóm mit aansjlaeg.
• Vereinigde Sjtaote, Róslandj: D'n Amerikaanse presidentj Donald Trump zaet 't nucleair waopevedraag mit Róslandj op, ómdet dit lèste landj 't al jaore zoew sjènne.
• Vereinig Keuninkriek: 700.000 luuj demonstrere in Lonje taege de aankómmende Brexit en veur e nuuj rifferendum hie-euver.

17 oktober

• Oes-Europa: Op 'n sjoel inne sjtad Kertsj, oppe Krim, sjut 'ne lierling óm zich haer. Neugeteen luuj kómme óm 't laeve.
• Oes-Europa, Nederlands Limburg: I Roemenië weëd 'ne drugsbaron oet Gebrook veroerdeild tot nuëgetieën joare celsjtroaf.

15 oktober

• Nederlands Limburg: In de Zittesje wiek Ophaove wurt bie 'ne woningbrandj ei drugslab óntdek, es de woning explodeert.

14 oktober

• Belsj: Op 't Belsj weurt gesjtump veur de gemeinte- en provincieraod. Groete versjuvinge blieve lenjelik gezeen oet, al verluus sp.a sjterk en geit de wins gooddeils nao Groen. In Limburg blief CD&V de groetste.

10 oktober

• Belsj, Sjport: Diverse traineurs, sjeidsrichters en anger topfigure oet 't Belsj vootbal waere opgepak in 'n groete fraudezaak.

9 oktober

• Nederlandj, Politiek: Rob Jetten weurt verkaore tot fractieveurzitter van D66. Hae volg Alexander Pechtold op, dae drie daag ieder bekèndj maakde dat hae aaftraoj.

8 oktober

• Weitesjap: De Nobelpries in de Economie weurt oetgereik aan William D. Nordhaus "veur 't integrere van klimaatverangering in macro-ikkenomische langetermienanalyse" en aan Paul M. Romer "veur 't integrere van technische innovatie in macro-ikkenomische langetermienanalyse".

7 oktober

• Zuud-Amerika: In de Braziliaanse presidentsverkezinge haolt d'n extreemrechse kandidaat Jair Bolsonaro zoeget 46% van de sjtumme. Ziene veurnaamsten oppenentj Fernando Haddad haolt 29%. De twie runj is op 28 oktober.
• Nederlands Limburg: Sjtaotelid Willem Dierks (PVV) sjtörf op 63-jäörige laeftied.

6 oktober

• Kuns en cultuur: De Sjpaanse operazengeres Montserrat Caballé sjtörf op 85-jäörige laeftied.

5 oktober

• Politiek: De Nobelpries veur de Vrei weurt toegekèndj aan Denis Mukwege en Nadia Murad "veur häör insjpanninge óm 'n èndj te make aan 't gebroek van seksueel geweld as waope in oorlog en gewaopend conflik."
• Nederlands Limburg: In Ni-jwieërt weurt 'nen besjtelauto mit daorin d'n euverlejen besjtuurder oet 't kanaal Wèssem-Ni-jwieërt gehaold.
• Nederlands Limburg, economie: 't Bors bedrief NedCar geit doezend jobs sjrappe.
• Nederlands Limburg, Natuur en milieu: In Vild weurt 'ne wouf gezeen.
• Kuns en cultuur: 'nen Aafdrök van Banksy zie werk Balloon girl weurt veur good ein miljoen póndj verkoch en rit zichzelf kort denao aan sjtökker.

4 oktober

• Nederlandj: De militaire veiligheidsdeens MIVD maak bekèndj dat 'r 'ne groete Russischen hack-aanval op de systeme van 't OPCW (de internationaal organisatie taege sjemische waopes) haet veurkómme.
• Kuns en cultuur: De Belzje tillevisieprizzentator Walter Capiau sjtörf op 80-jäörige laeftied.

3 oktober

• Weitesjap: De Nobelpries in de Sjemie weurt toegekèndj aan Frances H. Arnold, George P. Smith en Gregory P. Winter "veur de geleide evolutie van enzyme."

2 oktober

• Weitesjap: De Nobelpries in de Natuurkónde weurt toegekèndj aan Arthur Askin, Gérard Mourou en Donna Strickland "veur baanbraekende oetvènjinge op 't gebeed van laserfysica."

1 oktober

• De Stint weurt op alle Nederlandse waeg verbaoje, nao 't óngeval van 20 september.
• Weitesjap: De Nobelpries in de Genaeskónde weurt toegekèndj aan James P. Allison en Tasuku Honjo "óm hun óntdèkking van kankertherapie door 't óngerdrökke van negatief immuunregulatie."
• Kuns en cultuur: De Franse zenger Charles Aznavour sjtörf op 94-jäörige laeftied.

september

29 september

• Natuur en milieu, Belsj: De rizzeltate vaan 't Curieuzeneuzen-projek, wobie börgers oet gans Vlaondere de lochvervoeling höbbe gemaete, waere geprizzenteerd. Zoewel de zuverste as de voelste loch is in Limbörg te vènje.

28 september

• Natuur en milieu, Zuudoes-Azië: 't Indonesisch eilandj Celebes weurt geraak door 'ne krachtigen aerdsjóddel en 'nen dao-opvolgenden tsunami. Me vreis veur doezende doeje.
• Kuns en cultuur: De Nederlandse volkszenger Koos Alberts sjtörf op 71-jäörige laeftied aan blaoskanker.

27 september

• Kuns en cultuur: D'n Amerikaanse rockmuzikant Marty Balin (bekèndj van Jefferson Airplane) sjtörf op 76-jäörige laeftied.

25 september

• Nederlands Limburg: De rechbank in Mestreech verklaort jóngereclub ’t Waeske oet Göttekaove sjöljig aan d'n doed van 'ne 15-jäörige bezeuker aan wae ze alcohol gesjöd hauw en veroerdeilt ze tot 'n geldboete.
• Vereinigde Sjtaote: D'n Amerikaanse kemik Bill Cosby weurt veroerdeild tot teen jaor gevangenissjtraof, wovan zeve jaor veurwaerdelik, óm 't drogere en misbroeke van vrouwluuj.

21 september

• Zuudoes-Azië: Trần Đại Quang, de zittende presidentj van Vietnam, sjtörf op 61-jäörige laeftied.

20 september

• Nederlandj: Bie 'n óngeval mit 'nen elektrischen bakfiets (Stint) op 'nen euverwaeg kórtbie Oss zeen veer kinger óm 't laeve gekómme. E viefde kindj en 'nen begeleijer raakde zjwaorgewóndj.
• Afrika: 'nen Tanzaniaanse vaerpóntj zink op 't Victoriameer. Minstens 136 luuj kómme óm.

19 september

• Kuns en cultuur: De Nederlandse actries Sjoukje Hooymaayer sjtörf op 78-jäörige laeftied.

18 september

• Midde-Oeste: Veur de kus van Syrië weurt e Róssisch vleegmesjien denaergesjote.

17 september

• Sjport, Vereinigde Sjtaote: De Sjpaanse golfster Celia Barquín weurt vermaord gevónje in Ames (Iowa).

16 september

• Sjport: De Brit Simon Yates wintj de Runj van Sjpanje. Hiemit höbbe Britse coureurs alle drie de groete fietsrenrunje van 't jaor gepak.
• Sjport: De Keniaan Eliud Kipchoge löp op de marathon van Berlien e waereldrecord: 2:01:39.

15 september

• Oes-Azië, Natuur en milieu: De zier zjwaor orkaan Mangkhut kump in de Filipiene aan landj en eis dao teentalle sjlachoffers.
• Nederlandj, Kuns en cultuur: De Sint-Urbanuskirk in Bovenkerk (gemeinte Amstelveen, Naord-Hollandj) van Pierre Cuypers brentj gans aaf.

14 september

• Nederlands Limburg: Op 'n sjool in Remunj nump 'ne leerling 'ne biel en 'n buks mit, die d'r ouch aafsjuut.
• Kuns en cultuur: De Nederlandse zengeres Anneke Grönloh sjtórf op 76-jäörige laeftied.

13 september

• Duutsjlandj: De pelitie óntruump 't activistekamp in 't Hambacher Forst bie Hambach. Me wilt deze bósj kappe óm nao broenkaole te graove.

12 september

• Nederlands Limburg: 't Aopenbaar Ministerie eis gevangenissjtraofe tot neuge jaor taege in de zaak róndj de gewelddaojige poging Benaouf A. oet de gevangenis van Remunj te bevrieje.
• Europa: 't Europees Parlemènt nump de 'atoombómproceduur' aan taege Hongarieë. 't Parlemènt meint det premier Viktor Orbán de democratische gróndjrechte te wied haet oetgehaold.

10 september

• Kuns en cultuur: De Nederlandse sjilder Co Westerik sjtörf op 94-jäörige laeftied.

9 september

• Naord-Europa: Bie parlemèntsverkezinge in Zjwaede wintj de rechs-populistische Sverigedemokraterna henjig; de Sociaal-democratische partie liekentj aevel toch de groetste te blieve.
• Sjport: De Serviër Novak Djokovic wintj de US Open bie de mansluuj daor in drie sets (6-3, 7-6 (7-4), 6-3) van Juan Martín del Potro te winne.

8 september

• Sjport: De Japanse Naomi Osaka wintj de US Open bie de vrouwluuj daor in twie sets (6-2, 6-4) Serena Williams te versjlaon.

7 september

• Kuns en cultuur: D'n Amerikaanse rapper Mac Miller sjtörf op 26-jäörige laeftied aan 'nen euverdosis.

6 september

• Zuud-Azië: 't Hoeggerichshoof van India decriminaliseert homoseksualiteit.
• Kuns en cultuur: D'n Amerikaansen actäör Burt Reynolds sjtörf op 82-jäörige laeftied.
• Sjport: De alderierste UEFA Nations League geit van sjtart.

5 september

• Belsj: 'n Tv-oetzenjing tuint Schild & Vrienden, 'n invloodrieke jäögbewaeging in Vlaonjere, es 'n extreemrechse organisatie. Diverse politici die oet de bewaeging kómme waere óntsjlaoge of sjtappe zelf op.

2 september

• Zuud-Amerika, Kuns en cultuur, Weitesjap: 't Nationaal Museum van Brazilië in Rio de Janeiro brentj oet.

augustus

28 augustus

• Belsj Limburg: In Ieële kump 'n vroumes óm 't laeve bie 'nen heftigen brandj.
• Nederlands Limburg/weitesjap: In Riêkelt weurt óngerzeuk gedaon nao de sjemische samesjtelling van vuursjtein oet 'n zèsdoezend jaore aaj mien.
• Nederlands Limburg: Beej 'n aafvalverwerkingsbedrief in Blierik is 'nen heftigen brand oetgebraoke, dae óngertösse ónger controle is.

27 augustus

• Nederlandj/Nederlands Limburg: In Rotterdam versjient de Mesjtreechsen terreurverdachte Mohammad G. veure rechter. Hae weurt verdach van betrokkeheid bie de gewelddadige óntveuring en maord van e Brits echpaar in Zuud-Afrika.

26 augustus

• Nederlands Limburg/Zuud-Europa: Jos B., de verdachte van de maord op Nicky Verstappen, weurt in Sjpanje opgepak.
• Belsj: In Spa weurt 'nen agent doedgesjote. De drie verdachte kómme oet Nederlands Limburg.

25 augustus

• Vereinigde Sjtaote: D'n Amerikaanse senator en vreugere presindentskandidaat John McCain sjtörf op 81-jäörige laeftied.

24 augustus

• Sjport: De Sjpaanse fietsrenner Javier Otxoa sjtörf op 43-jäörige laeftied.

23 augustus

• Kuns en cultuur: D'n Duutsje prizzentator Dieter Thomas Heck sjtörf op 80-jäörige laeftied.

22 augustus

• Nederlands Limburg: De pelitie wies 'ne 55-jäörige man oet Zumpelveld aan es verdachte in de zaak Nicky Verstappen. De man weurt vermis en zit dènkelik óngergedaoke.
• Kuns en cultuur: Ed King, ex-gitaris van Lynyrd Skynyrd, sjtörf op 68-jäörige laeftied.

18 augustus

• Afrika, Politiek: De Ghanesen diplomaat Kofi Annan, secretair-ginneraal van de Vereinigde Naties tösje 1997 en 2006, sjtörf op 80-jäörige laeftied.

16 augustus

• Kuns en cultuur: De Amerikaanse soulzengeres Aretha Franklin sjtörf op 76-jäörige laeftied aan alvleiskleerkanker.

14 augustus

• Zuud-Europa: Bie Genua sjtort e sjnaelwaegviaduk in. Hiebie valle 43 doeje.

11 augustus

• Kuns en cultuur: D'n Trinidadees-Britse sjriever V.S. Naipaul (Nobelpries veur de Literatuur 2001) sjtörf op 85-jäörige laeftied.

7 augustus

• Nederlands Limburg: In Blierik brent 'n febrik oet. Ómwoeënende kampe mèt aosemnoeëd en stankuueverlas.

6 augustus

• Zuud-Europa: Oppe sjnelwaeg kórtbie de Italiaanse sjtad Bologna óntplof 'ne tankwage. Daobie vèlt eine doeje. Mier es zestig luuj rake gewóndj.

4 augustus

• Sjport: Feyenoord wintj de Johan Cruijffsjaol daor PSV nao penanties te versjlaon.

juli

29 juli

• Nederlands Limburg: In Heie is 'n fietsrenster óm 't laeve gekómme bie 'n óngelök mit 'ne tractor.
• Nederlands Limburg: Oppe Ruiver is e kindj van dreej jaor verdrónke in 't zjwumbad van e recreatiepark.
• Sjport: Geraint Thomas wèntj de Runj van Frankriek. Tom Dumoulin weurt twiede.

28 juli

• Nederlands Limburg: In Awstroa is 'ne man um 't laeve gekoame bei e gewelddadig incident. Drei manslüj woeëde aagehaode.

26 juli

• Zuud-Europa: Door bósjbrenj inne buurt vanne Greekse huidsjtad Athene kómme mier es tachetig luuj óm 't laeve.
• Nederlands Limburg: Op versjillende plaatse óntsjtaon heftige windjhoze, ónwaer, raege- en hagelbuje.

25 juli

• Weitesjap: Astrofysici óntdekke e groet óndergrónds zaatwatermeer op Mars.

23 juli

• Nederlands Limburg: I Heële en umgeëving is 'ne lichte eëdsbeëving mit 'n krach va 2,4 óp de sjoal va Richter geweës.

21 juli

• Nederlandj: Börgemeister Femke Halsema deit de Noord/Zuidlijn van d'n Amsterdamse metro officieel aope. De boew haet vieftien jaor gedoerd en is hoegeliks boete 't oersjprunkelik budget gevalle.

20 juli

• Nederlands Limburg: In e netuurgebeed get ten zude va Gebrook is 'ne groeëte brand oetgebroake.

15 juli

• Nederlands Limburg: Beej 'n óngelök op de Venraojsewaeg ter huuegte van Haors is ein doeëje gevalle. Dreej ander inzittende raakde gewónd. 't Doeëjelik slachoffer is 'n maedje oet Venlo.
• Sjport: Frankriek wintj 't Waereldkampiónsjap hierevootbal 2018 daor in de finaal mit 4-2 van Kroatië te winne.
• Sjport: Novak Đoković wintj Wimbledon bie de mansluuj veur de veerde kier daor in drie sets (6-2, 6-2, 7-6) Kevin Anderson te versjlaon.

14 juli

• Nederlands Limburg: Bei 'ne ónval i Kirchroa is 'ne jóng van tieën um 't leëve jekoame.
• Sjport: Angelique Kerber versjleit Serena Williams in twie sets (6-3, 6-3) en wintj 't vrouwetoernooj van Wimbledon.

11 juli

• Duutsjlandj, Oesteriek en Zjwitserlandj: Beate Zschäpe vanne neonazistische terreurbewaeging Nationalsozialistischer Untergrund (NSU) haet laeveslang gekrege veur 't medeplaege van teen maorde op Pruse van Törkse aafkóms.

9 juli

• Vereinig Keuninkriek, politiek: Twie Britse ministers, David Davis en Boris Johnson, numme óntsjlaag oet ónvrei euver de 'weike Brexit', dae premier Theresa May veursjteit.
• Nederlandj: In Hilversum weurt 'n 22-jäörege vrouw oet Mestreech um 't leve gebrach.

8 juli

• Kuns en cultuur: De Britse componis en dirizjènt Oliver Knussen sjtörf op 66-jäörige laeftied.

6 juli

• Oes-Azië: De Japanse sekteleijer Shoko Asahara weurt opgehange. Zien Aum Shinrokyo-sekte deeg in 1995 in Tokio 'nen terroristischen aanval mit sarin.

3 juli

• Nederlands Limburg: In Hèrkebósj is 'n waterleijing gesjprónge.

2 juli

• Nederlands Limburg: In Stein weurt e lichaam oet 't Julianakanaal gehaold.

1 juli

• Duutsjlandj: Ten zuje van Mönchengladbach wuurt de A44 euver 'n lèngde van óngevier tieën kilomaeter heräöpend. Dit sjtök woort in 2005 aafgebraoke in verband mèt d'n daagboewwinning van broenkaol.
• Nederlands Limburg, natuur en milieu: Door extreem druugde breke in Midde-Limburg versjèllende natuurbrenj oet. Teentalle hoezer in Hèrkebósj zitte zónger water.
• Kóns en cultuur: De Nederlandse kónstenaer Armando sjtörf op 88-jäörige laeftied.
• Belsj Limburg: Op 't Albertkanaal in Laoneke is 'ne jetskieër oet Zittert doejelik veróngelök.

juni

28 juni

• Nederlands Limburg: Get ten zude van 't dörp De Smákt weurt e 25 hektaar groet zonnepark aangelag. 't Weurt in 2019 geäöpend en zal 7.700 hoeshajes van sjtroum veurzeen.

27 juni

• Belsj Limburg: De Lommelse sjepe Anick Berghmans weurt in verdènking gesjtèld van benjvörming en deefstal mit braak. Zie en häöre vrundj zouwe betrokke zeen bie plofkrake.

25 juni

• Zuudoes-Europa, Midde-Oeste, politiek: De zittende presidentj Erdoğan wintj mit 'n absolute mierderheid de Törkse verkezinge. Zien AK-partie haet 42,5% vanne sjtumme behaold.

24 juni

• Midde-Oeste: 't Vaarverbod veur vrouwluuj in Saoedi-Arabië weurt opgeluf.

23 juni

• Weitesjap: 'nen Arsjeoloog deit oonderzeuk nao Julius Caesar. Lang woort aongenome dat Caesar noets in de Lieg Len is gewees, meh volges d'n oonderzeuker brach hee zeker de haaf vaan zienen oonsuccesvolle campagnetied door in 't zuie vaan Limburg.

22 juni

• Nederlands Limburg: Alle vmbo-exames vaan 't Sint-Maartenscollege en 't PortaMosana-college in Mestreech weure oongeldeg verklaord.

20 juni

• Nederlands Limburg, natuur en milieu: Op de Sint-Pietersberg weurt e hiel zèldzaom kapelke gespot.
• Belsj Limburg: Langs d'n A2 (E314) ter huuegde van Heuze-Zolder weurt 'nen doeje man gevónje. De man is aafkómstig oet Hôtele-Helichtre.
• Nederlands Limburg: Op e parkeerterrein in Gelaen weurt 'nen doeje man gevónje.

19 juni

• Nederlands Limburg: In e hotel in Sjènne wört 'ne man opgepak veur 't levere van wapes aan Franse terroriste, die vervolg woorte veur 't planne van terroristische aansjlaeg in 2016. Dees terroriste hure bie de gróp terroriste dae verantwaordelik wört gehawte veur de aansjlaeg in Brössel en Paries.
• Naord-Amerika, politiek: De VS trèkke zich truuk oet de VN-minsjerechteraod.

18 juni

• Nederlands Limburg: E besjtèlböske veurt in op e grupke Pinkpopbezeukers. Hiebie vilt einen doeje en drie zjwaorgewónje; de besjtuurder veurt wiejer.
• Nederlandj: De richter verbèd de motorclub Satudarah.
• Kuns en cultuur: D'n Amerikaanse rapper Jahseh Dwayne Onfroy, baeter bekèndj es XXXTentacion, weurt op 20-jäörige laeftied doedgesjote.

17 juni

• Nederlands Limburg, kuns en cultuur: Twie sjtraotname in de Mesjtreechse wiek Amie kriege hön aw name in 't Amies trök. Zoe geit de Ambyerstraat-Noord "Dörpssjtraot" heite en e groet deil vân de Ambyerstraat-Zuid "Hoofsjtraot".

14 juni

• Duutsjlandj, Oesteriek, Zjwitserlandj: De pelissie in Kölle pak 'ne 29-jaorige Tunesiër op. Bie höm zouw d'n oeters giftige sjtóf ricine zien aangetroffe. 't Gief aevel nog gein aanwiezinge, det hae 'nen terroristischen aanval wilde oetveure.
• Sjport: In Róslandj geit 't Waereldkampiónsjap hierevootbal 2018 van sjtart. 't Gaslandj versjleit Saoedi-Arabië mit 5-0.

13 juni

• Sjport: 't Waereldkampiónsjap hierevootbal van 2026 weurt toegewaeze aan Canada, Mexico en de Vereinigde Sjtaote, die hun gezamelik bod dat van Marokko versjleit.
• Nederlands Limburg: Bie 'n óngelök oppe Napoleonsbaan ter huuegde van Hale kump 'ne 42-jaorige man oet Gratem óm 't laeve.
• Nederlands Limburg: In 't veurmaoleg Sphinx-gebouw aon de Boschstraot is 'nen doeje gevalle, wie 'n lif nao oondere stortde.

12 juni

• Oos-Azië: Presidentj Donald Trump van de Vereinigde Sjtaote en leier Kim Jong-un van Naord-Korea belègke in Singapore 'nen top en sjlete 'n akkaord euver de complete denuclearisatie van Naord-Korea.

11 juni

• Nederlands Limburg: Aan d'r randj van 't dörp Sjilvend (gemeinte Óngerbenk) waere 25 hoezer aagesjloate op 'ne Duutsje glaasvaezelkabel.
• Nederlands Limburg: In Venlo haet 'n staek- en scheetpartie plaatsgevónde. Twieë manne rake daobeej gewónd.
• Nederlands Limburg: Beej 'n óngeluk op d'n doorgaonde waeg tösse Lottem en Brokeze is 'n vrommes van 37 um 't laeve gekómme.
• Duutsjlandj: In Vaerse wuurt 'n maedje van 15 doeëdgesjtaoke.

10 juni

• Nederlandj: De Surinaams-Nederlandsen imam Abdullah Haselhoef kump op 49-jäörige laeftied um bie 'n auto-óngelök.

8 juni

• Kuns en cultuur: D'n Amerikaansen tv-kok Anthony Bourdain begeit op 61-jäörige laeftied zelfmaord.

7 juni

• Sjport: De Nederlandse fietsrenner Arie den Hartog sjtörf op 77-jäörige laeftied.

4 juni

• Kuns en cultuur: D'n Amerikaansen dichter en proto-rapper Jalal Mansur Nuriddin (Last Poets) sjtörf op 73-jäörige laeftied.

3 juni

• Natuur en milieu: De Volcán de Fuego in Guatemala beers oet, mit minstens 69 doeje es gevolg.

1 juni

• Zuud-Europa: Mariano Rajoy weurt mit 'n aangenome motie van wantroewe aafgezat es premier van Sjpanje.

mei

31 mei

• Nederlands Limburg, weitesjap: Op Brightlands Greenport Venlo haet de Universiteit van Mestreech twieë niej ónderzeukscentra en 'n laboratorium in gebroek genaome. Heej wuurt ónderzeuk gedaon nao de gezóndheid en veiligheid van aeteswaar.
• Zuud-Europa, politiek: Italië krieg esnog e kabinet besjtaond oete Viefsjterrebewaeging en Lega Nord.
• Economie: D'n Amerikaanse presidentj Donald Trump veurt heffinge in op sjtaal en aluminium oete Europese Unie.

29 mei

• Belsj: Luuk weurt opgesjrik door 'nen terroristischen aansjlaag. Drie luuj waere doedgesjote, d'n daeder weurt later ouch doedgesjote door de pelissie. IS haet d'n aansjlaag opge-eisj.

27 mei

• Zuud-Europa, politiek: Naodet d'n Italiaanse presidentj Sergio Mattarella weigert d'n econoom Paolo Savona es minister van Financië te acceptere, brik óngerhanjelaer Giuseppe Conte de vörming van 'n regering mit Lega Nord en de Viefsjterrebewaeging aaf. Hie-op sjrief Mattarella nuuj verkezinge oet en formeert hae 'n technocratische regering mit Carlo Cottarelli es premier.
• Sjport: Chris Froome wintj de Runj van Italië. Titelverdeidiger Tom Dumoulin weurt twiede.

26 mei

• Nederlands Limburg, Natuur en Milieu: In Limburg haet 'ne lichten aerdsjóddel mit 'n krach van 3,2 plaatsgehad mit 't epicentrum in Roeaj.
• Sjport: Real Madrid wintj veur d'n driede kier achterein de UEFA Champions League daor FC Liverpool mit 3-1 te versjlaon.

25 mei

• Nederlandj, Oes-Europa, Oceanië: Nederlandj en Australië sjtelle Róslandj officieel aansjprakelik veur 't denaersjete van vleegmesjien MH17.
• Groet-Brittannië en Ierlandj: In Ierlandj weurt e referendum gehaje, det de abortuswètgaeving mót verrume.

22 mei

• Nederlands Limburg, Natuur en Milieu: De Zuud-Limburgse gemeintes Zittert-Gelaen en Meersje weure hel getróffe door noedwaer en watereuverlas.
• Kuns en cultuur: D'n Amerikaanse sjriever Philip Roth sjtörf op 85-jäörige laeftied.

17 mei

• Vereinigde Sjaote, Natuur en milieu: De Hawaïaanse völkaan Kilauea bers oet, naodet 'r al e paar waeke verhoeg actief waor.

16 mei

• Duutsjlandj, Natuur en milieu: 'nen Tornado rich groeëte sjaaj aan in Vaerse en ömgaeving. Veural 't dörp Bósheim wuurt hel getróffe.

15 mei

• Kuns en cultuur: Twie aafgeplekde pazjena's van 't daagbook van de innen aorlog ómgekómme Anne Frank waere óntcieferd en aopebaar gemaak.
• Kunst en cultuur: 'ne Kunshistoricus óntdèk 'n ónbekindj sjilderie van Rembrandt. 't Geit óm e portret(fragment) van 'ne jonge maan oet circa 1634.
• Oes-Europa: Presidentj Poetin äöpent de Krimbrök, die de Krim en 't vastelandj van Róslandj verbindj.

14 mei

• Vereinigde Sjtaote/Midde-Oeste: Presidentj Donald Trump verplaatsj de Amerikaanse ambassaad in Israël van Tel Aviv nao Jeruzalem. Dees verplatsjing is henjig controversieel, ómdet Jeruzalem volgens 't internationaal rech neet gans bie Israël huurt. Bie proteste oppe grens tösje de Gazasjtrook en Israël kómme 58 Palestiene óm 't laeve, mier es 2.700 zien gewóndj geraak.
• Nederlands Limburg: In Heitse kómme 11.500 hoonder óm bie 'ne sjtalbrandj.
• Kuns en cultuur: D'n Amerikaanse journalis en sjriever Tom Wolfe sjtörf op 88-jäörige laeftied.

13 mei

• Sjport: Club Brugge weurt kampión voetbal van 't Belsj.
• Sjport: Roda JC verleërt mit 1-2 van Almere City FC en dejradiert doamit noa de Ieësjte Diviesjoeën.

12 mei

• Kuns en cultuur: Netta Barzilai wintj veur Israël 't Eurovisiesongfestival mit 't leedje Toy. Nederlandj weurt achteende, 't Belsj kaom neet tot de finaal.
• Sjport: Hamburger SV, de lèste club die saer de oprichting in 1963 ónaafgebraoke in de Bundesliga sjpaelde, degradeert nao de Twiede Bundesliga.

11 mei

• Nederlands Limburg: In Meersje weurt 'n bóm oet d'n Twjède Waereldoorlog tot óntploffing gebrach.

9 mei

• Nederlands Limburg: In D'Oospel kómme 23.000 hoonder óm bie 'ne sjtalbrandj.
• Sjport: De Belzje profvoetbalclub Lierse SK vreug faillissemèntj aan.

8 mei

• Politiek: Presidentj Donald Trump zaet de nucleairen deal mit Iran op.

4 mei

• Sjport: De Runj van Italië geit van sjtart mit 'nen tiedrit in Jeruzalem. Tom Dumoulin, d'n titelverdeidiger, pak de wins en de raos triko.
• Kuns en cultuur: De Nederlandse sjriefster Renate Dorrestein sjtörf op 64-jäörige laeftied.

3 mei

• Zuud-Europa: De Baskische aafsjeiingsbewaeging ETA hèlt formeel op te besjtaon.
• Nederlands Limburg: In e park in Broensem brik 'ne brandj oet. 't Besjtrieje van d'r brandj verleep meujzaam. Vuur zoeëwied bekind vele d'r evvel ging gewónje.

2 mei

• Kuns en cultuur: De Nederlandse violis Herman Krebbers sjtörf op 94-jäörige laeftied.

1 mei

• Nederlands Limburg: In Blierik is 'ne man ómgekómme beej e bedriefsóngeval.

april

29 april

• Zuud-Amerika: De Boliviaanse politicus en ginneraal Luis García Meza sjtörf op 88-jäörige laeftied.

28 april

• Sjport: Jónk Ajax weurt kampión van de Ierste Devisie, Fortuna Zitterd weurt twiede. Ómdet belofteteams neet nao de Ieredevisie maoge, promoveert Fortuna noe direk.

27 april

• Politiek, Oes-Azië: De leijers van Naord- en Zuud-Korea óntmoete einanger inne gedemilitariseerde zone en zègke te sjtraeve nao e vraejesverdraag, det de Koreaanse Krieg formeel mót beëindige.

25 april

• Naord-Europa: D'n Daensen oetvènjer en excentriekeling Peter Madsen weurt tot laeveslank veroerdeild óm de verkrachting, maord en lieksjènnis op de Zjwaedse journaliste Kim Wall.

24 april

• Nederlands Limburg, kuns en cultuur: In Wieërt waere euverbliefsele van 'ne vieftiende-iewse tiendsjuur gevónje. Daobie woort ouch e sjkelèt zónder huid en ónderbein aangetroffe.
• Belsj Limburg: In Belsj Limburg wuurt 't sjtartsein gegaeve veur 'ne róndwaeg rónd Hôtele-Helichtre. De nuje waeg zal 'ne sjakel inne naord-zuudverbinding (N74) vörme en daomèt de verkiersdoorstruiming en de laefbaarheid mótte verbaetere.

23 april

• Oos-Europa: De Oekraïnse Prizzedent Petro Porosjenko laot weite bij 't Oecumenisch patriarchaot vaan Constantinopel oonaofhenkelekheid aon te vraoge veur de Oekraïens-Orthodoxe Kèrk. Dit zaw beteikene tot de Oekraïense Kèrk ziech los maak vaan de Russisch-Orthodoxe Kèrk.
• Naord-Amerika: Inne Canadese sjtad Toronto riet 'ne 25-jaorige man mèt e böske in op vootgangers. Hiebie kómme teen luuj óm 't laeve, viefteen luuj rake gewóndj. Me geit neet oet van e terroristisch motief. D'n daeder is inmiddels opgepak.
• Belsj: Salah Abdeslam en Sofien Ayari waere óm hun betrokkeheid bie de aansjlaeg in Brussel van 15 miert 2016 veroerdeild tot 20 jaor gevangenis en 'n boete van eder 12.000 euro.
• Vereinig Keuninkriek: Prinses Catharina van Cambridge (Kate Middleton) bevilt van häör driede kèndj. 't Jungske hèt voloet Louis Arthur Charles.
• Nederlands Limburg: Bie 'n gaaslekkage in 'n keuling van Sligro in Wieërt zien vief luuj neet tegooj gewaore.

22 april

• Sjport: De Luxembörger Bob Jungels wintj Luuk-Bastenake-Luuk bie de mansluuj, en de Nederlandse Anna van der Breggen wintj bie de vrouwluuj.
• Zuud-Azië: 'ne Zelfmaordterroris haet 'nen bómaansjlaag geplaeg op e kentoer, woe Afghaanse börgers zich kinne laote registrere veur de parlementsverkezinge in oktober dit jaor. 57 luuj kómme óm 't laeve, 119 raakde luuj raakde gewóndj. IS haet d'n aansjlaag opge-eisj.
• Sjport: Feyenoord wintj d'n 100en KNVB-baeker daor mit 3-0 AZ te versjlaon.
• Nederlands Limburg: In Gelaen rake tweë luuj gewóndj biej 'n sjeetpartie oppe Awwe Riekswaeg. Ein sjlachoffer euverleej later.
• Wetensjap: Professer Arjen Versloot maak de vónds bekèndj van e zeventienden-iews gedich in 't Wes-Fries, 't dan al bekans oetgesjtorve Fries dialek van Naord-Hollandj. Tot zowied waore in die taal allein glosse bekèndj.

21 april

• Oos-Azië: De Naord-Koreaanse leijer Kim Jong-un kunjig aan te sjtoppe mèt zien kernpreuve en raketteste.

20 april

• Kuns en cultuur: De Zjwaedsen dj Avicii (artiestenaam van Tim Bergling) sjtörf op 28-jäörige laeftied.
• Nederlands Limburg: In D'Oospel wuurt 'ne doeje man gevónje. Hae is aan 'ne netuurlike doed gesjtorve.

19 april

• Midde-Amerika: Miguel Diaz-Canel, tot noe toe vice-presidentj, weurt aangesjtèld es presidentj van Cuba. Hae volg Raul Castro op, dae wel sikkertaer-ginneraal van de Communistische Partie blief.

18 april

• Nederlands Limburg: In de Maas beej Venlo wuurt 'n liek gevónje van 'ne 76-jaorige man, dae tiedes 't zwumme verdrónk.
• Nederlands Limburg: In 't boetegebeed van Venlo brik 'n neteurbrendje oet. Inkel tieëntalle veerkante maeters greun ginge in vlamme op. Nemes raakde gewónd.
• Sjport: De Fransoos Julian Alaphilippe wèntj de Waalse Piel bie de mansluuj. De Nederlandjse Anna van der Breggen wèntj veur de veerde kier bie de vrouwluuj.
• Belsj: André G. weurt tot 27 jaor gevangenis veroerdeild in de Kesjtielmaord.
• Wikimedia: De Wikipedia's in 't Gorontalo, Ingoesjetisch en Lingua Franca Nova en de Wikisource in 't Baskisch waere gecreëerd.

17 april

• Nederlands Limburg: 'ne 50-jaorige fietsrenner van d'n Amstel Gold Race is in Berg en Terbliet ten val gekómme. Hae euverleej in 't krenkehoes.

16 april

• Kuns en cultuur: Rapper Kendrick Lamar krieg de Pulitzer Prize in de meziek veur zien album DAMN. 't Is veur 't iers dat dae pries nao 'n rapper, jae nao 'ne musicus boete de klassieke en jazzwaereld geit.

15 april

• Sjport: D'n Daen Michael Valgren Andersen wintj d'n 53en Amstel Gold Race bie de mansluuj, en de Nederlandse Chantal Blaak wintj de viefde editie bie de vrouwluuj.
• Nederlands Limburg: In Valkeberg begint me aan d'n boew van 'n umsjtreje hotel.
• Sjport: PSV versjleit AFC Ajax en weurt veur de 24en kier kampioen voetbal van Nederlandj.

14 april

• Midde-Oeste: De westerse coalitie veurt 'n aantal bómbardeminte op Syrische regeringsdoele oet, es vergeljing veur de gifgaasaanval dae 't rezjiem ieder taege zien eige börgers deeg.
• Nederlands Limburg: In Wieërt veel 'ne maan van 'n flat. Hae euverleej ter plekke. De pelissie vermeud zelfmaord.
• Nederlands Limburg: In Mergraote weëde 'n aantal wuuëninge óntruumd noa 'n gaaslekkage.
• Duutsjlandj: De "Kulturausschuss" geit neet akkoord mèt 't verzeuk van de Krööchtener heimatvereiniging öm twieëtalige ingangssjilder (Pruus en Limburgs) in eur gemeinte in te veure.

13 april

• Kuns en cultuur: D'n Tsjechisch-Amerikaanse rezjisseur Miloš Forman sjtörf op 86-jäörige laeftied.
• Nederlands Limburg: De provincie Limburg zet 't plan veur d'n bouw van neuge windturbines in de gemeinte Venlo door. Ierder woort 't plan door de gemeinteraod nog aafgekeurd.
• Duutsjland: Justitie in Krieëvel klaag de 61-jaorige heilpraktiker Klaus Ross aan. Hae zouw verantwaordelik zien veur d'n doeëd van dreej patiënte in zien neteurgenaespraktiek in Brüggen.

12 april

• Sjport: De Nederlands-Limburgse sjeidsrechter Reinold Wiedemeijer sjtop per direk mit fluite van profmatche.

11 april

• Nederlands Limburg: In de Maas bie Vaors weurt e liek gevónje. 't Geit óm 'nen Belsj dae zichzelf van 't laeve haet berouf.
• Zuudoos-Azië: Op Java kómme 82 luuj óm 't laeve door zelfgemaakde giftige sjterke drank.
• Naord-Afrika: In 't naorde van Algerieje sjtort e militair vleegmesjien denaer. Daobie kómme 257 inzittende óm 't laeve.

9 april

• Oos-Europa, politiek: D'n Hongaarse premier Viktor Orbán wintj mèt 'n ruum mierderheid de parlementsverkezinge.
• Zuud-Azië: Bie e bösóngelök in India kómme zeker 27 sjoelkinjer óm 't laeve.

8 april

• Nederlands Limburg: Bij 'n gekraakde sporthal in Mestreech weure agente aongevalle wie ze e lewejeg fies wouwe stèllègke. Sommege vaan hen rake leechgewoond. Hölp van de Mobiel Einheid woort ingesjakeld. In totaal woorte nege lui aongehawwe.
• Sjport: Peter Sagan wintj de 116e editie van Paries-Roubaix. De Belzje renner Michael Goolaerts kump te val en sjtörf inkel oere later op 23-jäörige laeftied.
• Sjport: De Keniaan Kenneth Kipkemoi wintj de Marathon van Rotterdam bie de mansluuj in 2:05:44. Zien landjgenoete Visiline Jepkesho wintj bie de vrouwluuj in 2:23:47.

7 april

• Duutsjland, Oosteriek en Zjwitserlandj: In Münster riet e besjtelböske in op e drök terras. Twie luuj kómme óm 't laeve, zeker twintig luuj rake gewóndj, woerónger twie Nederlanders. D'n daeder haet zich naodeen van 't laeve berouf. Me geit neet oet van e terroristisch motief..

6 april

• Oes-Azië: Park Geun-hye, ex-presidèntj van Zuud-Korea, weurt óm corruptie tot 24 jaor gevangenis en 'n boete van ómgeraekendj 13 miljoen euro veroerdeild.
• Naord-Amerika: In Canada veróngelök 'n bös mèt ieshockeysjpeulers. Viefteen luuj kómme óm 't laeve.
• Duutsjlandj: In Veeëse weure twieë manne opgepak veur de maord van 'ne 54-jaorige man oet Krööchte. Ierder woorte ouch 'n 52-jaorige vrouw oet Nüss en eur zoon opgepak. Dees vrouw zouw de aansjtichster van de maord zien.

5 april

• Nederlands Limburg, Kuns en cultuur: Kórtbie Wel weure crematiereste oet d'n Iezertied gevónje. 't Geit volges arsjeologe óm 'n zeldzaam vónds.
• Kuns en cultuur: D'n Amerikaansen jazzpianis Cecil Taylor sjtörf op 89-jäörige laeftied.
• Kuns en cultuur: De Nederlands-Limburgse beeldhouwer Arthur Spronken sjtörf op 87-jäörige laeftied.

2 april

• Weitesjap: De Chinese ruumdesjtatie Tiangong-1 vergeit baove de Groete Oceaan in d'n atmosfeer. 't Tuug haet van 2011 tot 2016 deens gedaon.
• Afrika: Winnie Mandela, verzatssjtriejster taege de apaartheid en ex-vrouw van Nelson Mandela, sjtörf op 81-jäörige laeftied.

1 april

• Sjport: De Nederlanjer Niki Terpstra wintj de Runj van Vlaandere bie de mansluuj; zien landgenoete Anna van der Breggen wintj bie de vrouwluuj.

miert

30 miert

• Nederlands Limburg: I Kirchroa jeet ing hal mit ouw auto's i vlamme óp. Neëve de enorm materiel sjoa zörg dit vuur ernste loeëtversjmótsoeng in d'r wije jejend.
• Midde-Ooste: Bie gevechte tösse Palestiene en Israelische soldate oppe grens vanne Gazasjtrook zien zeker vief demonstrante gedoed, 365 luuj raakde gewóndj.
• Belsj: De Belsje regering kónjig aan, det ze de kerncentrales van Doel (bie Antjwerpe) en Tihange in 2025 definitief wèl sjlete.

29 miert

• Zuud-Amerika: Bie 'ne brandj in e pelissiebureau inne Venezolaanse sjtad Valencia zien zeker 68 gevangene óm 't laeve gekómme.
• Nederland: 't Kabinet wèl de gaaswinning in Groninge in 2030 definitief sjtopzètte.
• Nederlands Limburg: De Greune Luiper baove d'n A2-tunnel in Mesjtreech is vaerdig en weurt fiestelik ge-äöpendj door Keuning Willem-Alexander.

28 miert

• Kuns en cultuur: Twie sjilderieje van de könstenaer Frans Everts verhoeze tiedelik nao 't Rieksmuseum in Amsterdam. De twie deuk verbeelde twie wichtige sjlage die tiedes d'n Tachetigjaorigen Aorlog óm de sjtad Vènlo woorte oetgevochte. Ze woorte in 1613 in opdrach van 't Venloos sjtadsbesjtuur gemaak.
• Nederlands Limburg: 't Sjtadsbesjtuur van Mesjtreech besjlut tot d'n boew van e daartig hektaar groet zónnepanelepark inne dunbevolkde wiek Laonekerveld.

27 miert

• Duutsjlandj: In e hotel in Krieëvel pak de pelissie 'ne 45-jäörige man oet Vaerse op, dae verdach weurt van seksueel misbroek mit minderjaorige.

26 miert

• Nederlandj: Ex-verzatsheld en ex-politicus Johan van Hulst (CHU, CDA) sjtörf op 107-jäörige laeftied.
  (sjterfdaag ónbekèndj)
• Belsj Limburg: In Miëve kump e maedje óm 't laeve bie e zjwaor óngeval.

25 miert

• Oes-Europa: Bie 'ne brandj in e winkelcentrum inne Róssische sjtad Kemerovo kómme 64 luuj óm 't laeve.
• Duutsjlandj, Oosteriek, Zjwitserlandj, Zuud-Europa: Ex-regiopresidentj van Catalonië Carles Puigdemont is opgepak in Duutsjlandj. Zien arrestatie veroerzaak väöl ophöf inne Catalaanse sjtaej.

24 miert

• Belsj: In 'n woening in Herstal (Provincie Luuk) weure twie doej vrouwe aangetroffe. Ze zien mit metssjtaeke óm 't laeve gebrach. D'n daeder is vermeudelik gevlöch nao Genk.

23 miert

• Frankriek: Bie 'n terreuraksie in 't Zuud-Franse Trèbes kómme veer luuj óm 't laeve. Islamitische Sjtaot zouw de verantwaordelikheid höbbe opge-eisj.

21 miert

• Politiek: In Nederlandj weurt gesjtump veur de gemeinteraodsverkezinge en 't raodgaevend referendum euver de zoegeneumde sjleipwèt. Euver 't algemein verlere de PvdA, D66 en de SP sjterk. GroenLinks en DENK behaole väöl sjtumme in de groete sjtaej inne Randsjtad en de PVV deit veur 't iers op groeter sjaol mèt. In Nederlands Limburg winne veural de lokaal partieje, 't CDA aevel veural in 't naorde en in 'n aantal Zuud-Limburgse gemeintes. 'n Klein mierderheid van 49,5% waor taege de sjleipwèt.

20 miert

• Natuur en milieu: De lètste mennelike witte naordelike naashaore is ingesjlaope. Hae waor 45 jaore aad, wat 'nen oetzunjerlik hoege laeftied is. 't Gief nog twie laevende vruikes van dit type.
• Nederlands Limburg: 't Treinverkier tösse Vènlo en Indhove vèlt sjtil nao 'n aanriejing mit 'ne persoen bie 't bedriefsterrein Trade Port West.
• Natuur en milieu, Nederlands Limburg: In de Pieël bie Mael braeke versjillende natuurbrenj oet.

19 miert

• Nederlandj: Op de N270 bie Hèllemed kómme vief luuj óm bie 'n ernstig óngelök. Veer luuj raakde gewóndj.

17 miert

• Oos-Europa, politiek: De zittende president Vladimir Poetin wint de Róssische verkezinge. Hae zouw 76,5% van de sjtumme höbbe behaold, 't bèste rizzeltaat oets.
• Sjport: Standard Luuk wintj veur d'n achste kier de Belzje voetbalbaeker daor Racing Genk mit 1-0 te versjlaon.

16 miert

• Nederlands Limburg: Emile Roemer weurt beëdig es waornummend börgemeister van Haerle. Daomit is hae de ierste SP-börgemeister in Nederlandj.
• Kuns en cultuur: De Nederlandsen dichter F. Starik, pseudoniem van Frank van der Möhlen, sjtörf op 59-jäörige laeftied.

15 miert

• Belsj: Bie 'ne brandj bie de kerncentraal van Tihange zeen versjillende wages op 't parkeerterrein in brandj gevlaoge.
• Duutsjlandj: In Dölke weurt 'n vleegtuugbóm gevónje.

14 miert

• Wetesjap: De Britse natuurkondige Stephen Hawking hiemelt op 76-jaorige laeftied.

13 miert

• Nederlands Limburg: Mestreech geit es ierste stad in Nederland e milieuvignèt veur oto's inveure. Aw dieselwagele en zier aw benzinewagele goon dat vaanaof 2019 nudeg höbbe um de binnestad in te kinne.

12 miert

• Duutslandj, Oosteriek, Zjwitserlandj: Door Der Spiegel weurt bekindgemaak det aad SS-lid Oskar Gröning op 96-jäörige laeftied is euverleje.
• Zuudoes-Azië: Op 't vleegveld vanne Nepalese huidsjtad Kathmandu veróngelök e vleegmesjien. 49 inzittende kómme óm 't laeve, 22 ligke in 't krenkehoes.

11 miert

• Oes-Azië: 't Chinees Voukscongres sjtump in mit e veursjtèl óm de beperkinge in doer aan 't presidentsjap aaf te sjaffe. Hiemit breit presidentj Xi Jinping zien mach aanzeenlik oet.
• Belsj Limburg: In Nerotere is 'ne wouf doedgereje.

10 miert

• Nederlands Limburg: Bie 'n auto-óngelök in Ech is 'n 15-jaorig maedje oet Brach óm 't laeve gekómme. 'n Anger 14-jaorig maedje oet Ech raakde zjwaorgewóndj.

9 miert

• Nederlands Limburg, kuns en cultuur: De Haerlese sjtadsdichter Harrie Sevriens is op 61-jäörige laeftied euverleje.

8 miert

• Nederlands Limburg, weitesjap: In Broensem weure 85.000 jaore aaj sjpäör van de Neanderthaler óntdèk. 't Geit óm vuursjteine veurwerpe, e sjtökske verglaas houtskaol en get oker. De lètste vóndste zeen tamelik zeldzaam.
• Belsj Limburg: Renaud Hardy weurt veroerdeild tot laeveslang gevangenis óm twie lösmaorde, twie poginge tot maord en verkrachting mit foltering.

7 miert

• Nederlands Limburg: Pierre Knubben (75), d'n echgenoet van Beppie Kraft, is gehiemeld nao e lank krenkdebèd.
• Nederlands Limburg: Kestiel Hael weurt gerèstereerd. D'r kómme appartemente veur bejaorde.
• Belsj Limburg: De pelitie deit invel in versjillende Limbörgse clubhoezer en woenhoezer van de Hells Angels. Ónger mie nazi-attribute en hiel väöl waopes waere in besjlaag genómme.

5 miert

• Nederlands Limburg: 't Treinverkier róndj Remunj vèlt sjtil vanwaege 'n bóm-melding. Inkel maeters van 't sjpaor woort 'n bóm oet d'n Twiede Waereldaorlog gevónje.

4 miert

• Zuud-Europa: In Italië weurt gesjtump. De rechse Viefsjtarebewaeging en Lega höbbe de meiste sjtumme behaold.
• Duutsjlandj, Oosteriek en Zjwitserlandj, politiek: Leje van de SPD sjtumme veur 'n nuuj coalitie mit de CDU.
• Duutsjlandj, Oosteriek en Zjwitserlandj, politiek: In Zjwitserlandj sjtump me veur 't behaud van 't kiek- en luustergeld.
• Sjport: Wesley Sneijder, mit 133 interlandjs recordsjpaeler veur 't Nederlands hierevootbalilftal, beènjig zien interlandjcarrièr.
• Kuns en cultuur: De 90e Academy Awards (Oscars) waere oetgereik. The shape of water krieg d'n Oscar veur 'bèste film', Gary Oldman en Frances McDormand waere tot bèsten acteur en actries oetgerope.

3 miert

• Oos-Europa: Inne Oekraïense huidsjtad Kiev weurt e tentekamp van aksieveurders taege de regering geruump. Agente en aksieveurders rake sjlaags; teen luuj rake gewóndj, hónderd luuj weure gearresteerd.
• Belsj Limburg, Nederlands Limburg: Op de autobaan tösse Maasmechele en Zumpelveld woort 'ne 47-jaorige Belsj in e gesjtaole autoböske achtervolg. Daonao woort hölp ingesjakeld van de Nederlandse pelissie, wie hae de brök bie Sjtein euversjtook. Hölp vanne Pruse pelissie woort ouch ingesjakeld. D'n besjtuurder keerde nao 't passere vanne grens óm en ramde oetintelik e winkelke in 't centrum van Nut. De man verzat zich hevig tiedes zien arrestatie.
• Kuns en cultuur, Nederlands Limburg: Vlorp krieg percies 73 jaore nao de bevrieding 'n aorlogsmónnemènt. 't Dörp herdènk daomèt de hónderd sjlachoffers (daartig börgers en zevetig soldaote) die tiedes Operatie Grenade vele.

2 miert

• Afrika: In Ouagadougou, de huidsjtad van Burkina Faso, weurt de Franse ambassade mierder kere aangevalle. Daobie zien meugelik teentalle luuj óm 't laeve gekómme. Ach terroriste woorte oetgesjakeld.
• Kuns en cultuur, Nederlands Limburg: In Haerle zien reste van e Romeins badhoes gerèstereerd. Deile van 't badhoes zien ouch gereconstrueerd, zoedet me e beeld krieg wie 't oets d'roet mós zeen.

1 miert

• Kuns en cultuur: Twan Huys sjèt oet mit NOVA en Nieuwsuur en geit euver nao RTL wo d'r de prizzentasie van RTL Late Night euvernump van Humberto Tan.
• Natuur en milieu, Nederland, Nederlands Limburg: De Piel bie Griendsveen weurt getroffe door 'ne groete veenbrandj.

fibberwarie

26 fibberwarie

• Kuns en cultuur: De Nederlandse presentatries Mies Bouwman sjtörf op 88-jäörige laeftied.
• Centraal- en Oos-Europa: De Sjlowaakse journalis Ján Kuciak weurt vermaord aangetroffe in zien hoes in Velka Maca, 65 kilomaeter ten ooste vanne huidsjtad Bratislava.

25 fibberwarie

• Sjport: De Olympische Wèntjersjpaele in 't Zuud-Koreaans Pyeonchang waere aafgesjlaote. Nederlandj waor mit ach gouwe, zès zilvere en zès brónze medaljes bezunger succesvol, 't Belsj had mit eine kier zilver zien ierste Olympische wèntjermedalje saer 1998.

23 fibberwarie

• Economie, Nederlands Limburg: 't Borse bedrief NedCar haet e good jaor achter de rök en kóndig aan mier auto's te zölle producere.
• Natuur en milieu, Nederlands Limburg: Inne gemeinte Roerdale weurt 'ne wouf gesignaliseerd.

24 fibberwarie

• Kuns en cultuur: De Indiase actries Srivedi Kapoor sjtörf op 54-jäörige laeftied.

21 fibberwarie

• Kuns en cultuur: D'n tv-evangelis Billy Graham sjtörf op 99-jäörige laeftied.
• Nederlands Limburg: In Ech kump 'ne fietser óm 't laeve nao 'n aanriejing mit 'nen trein.

20 fibberwarie

• Economie, Zuud-Amerika: De Venezuelaanse regering begint mit de verkoup vanne cryptovaluta petro.

18 fibberwarie

• Midde-Ooste: In Iran sjtort e vleegmesjien op waeg van Teheran nao Yasuj denaer. Alle 66 inzittende kómme óm.

17 fibberwarie

• Natuur en milieu, Centraal-Amerika: De Mexicaansen deilsjtaot Oaxaca weurt opgesjrik door 'nen aerdsjóddel mit 'n magnitude van 7,2. Niemes kump aevel óm 't laeve. De Mexicaanse minister van Binnelandse Zake Alfonso Navarrete Prida reis per helikopter nao 't getroffe gebeed. Dizze sjtort denaer, woebie daarteen luuj ómkómme. De minister euverlaefde 't óngelök.

14 fibberwarie

• Nederlandj: Aad-premier Ruud Lubbers (CDA) sjtörf op 78-jäörige laeftied.
• Afrika: Jacob Zuma trejt ónger zjwaoren drök aaf es presidentj van Zuud-Afrika.
• Vereinegde Staote: Bie 'n sjeetpartie op Marjory Stoneman Douglas High School in Parkland, Florida, valle 17 doeje.

13 fibberwarie

• Nederlandj: Minister Halbe Zijlstra (VVD) van Boetelandse Zake trejt aaf naodat hae bliek te höbbe gelaoge euver 'n óntmoting mit de Russische presidentj Vladimir Poetin.
• Nederlandj, politiek: Mit 'n klein minderheid weurt in de Ierste Kamer veur de donorwèt van kamerlid Pia Dijkstra (D66) gesjtump. Me mót noe oetdrökkelik aangaeve det me gein donor wil weure, angers weurt me automatisch geregistreerd es donor.
• Naord-Europa: Prins-gemaol Hendrik van Daenemark sjtörf op 83-jäörige laeftied.

12 fibberwarie

• Nederlands Limburg: 't Treinverkier tösje Zittert en Remunj vèlt sjtil nao 'n aanriejing t'r huugde van Brach. Ein persoen is daobie óm 't laeve gekómme.
• Belsj Limburg: In Sjtokrooie (gemeinte Hasselt) sjtort e vleegmesjiensje neer. De twie inzittende kómme óm 't laeve.
• Oosteriek: Bie e treinóngelök innen Oosterieksen deilsjtaot Sjtiermarke kump ein persoen óm 't laeve, 22 luuj rake gewóndj.

11 fibberwarie

• Rusland: Vlöch 793 van Saratov Airlines van Moskou nao Orsk sjtort kort nao zien opsjtiege denaer. Alle 71 inzittende kómme óm.
• Zuud-Amerika: Bie 'n óntploffing tiedes 'n carnavalsoptoch in 't Boliviaanse Oruro kómme ach luuj óm 't laeve; zeker veertig luuj rake gewóndj.
• Nederlands Limburg: Bie 'n explosie in 'n appartement in Vènlo raak d'n bewoener zjwaorgewóndj.

9 fibberwarie

• Zuudoos-Azië, Zuud-Amerika: 't Internasjonaal Sjtraofhof begint 'n óngerzeuk nao de Filipiense president Rodrigo Duterte en de Venezuelaanse president Nicolás Maduro. Beide presidente weure verdach van misdade taege de minsjelikheid.
• Sjport: De Olympische Wintjersjpaele waere officieel geëuependj in Pyeongchang, Zuud-Korea.

5 fibberwarie

• Nederlandj: In Amsterdam begintj de zaak taege krimmeneel Willem Holleeder, dae van 'n aantal liquidaties weurt verdach.
• Belsj: Salah Abdeslam en Sofiane Ayari sjtaon in Brussel terech veur terrorisme.

4 fibberwarie

• Sjport, Nederlands Limburg: Op 't WK veldrieje bie de mansluuj wint ouch 'ne Belsj: Wout Van Aert.
• Sjport: De Philadelphia Eagles winne d'n 52en Super Bowl daor mit 41-33 de New England Patriots te versjlaon. 't Is pas hun ierste euverwinning.

3 fibberwarie

• Sjport, Nederlands Limburg: In Valkeberg ies 't WK veldrieje veur de vrouwluuj. Winnaeres weurt de Belzjin Sanne Cant.

2 fibberwarie

• Kuns en cultuur: D'n Amerikaanse soulzenger Dennis Edwards (The Temptations) sjtörf op 74-jäörige laeftied.

1 fibberwarie

• Kuns en cultuur: De Nederlandsen dichter Menno Wigman sjtörf op 51-jäörige laeftied aan 'n dóbbel lóngóntsjtaeking.
  (sjterfdaag ónbekèndj)
• Nederlandj: 't Sjtaotstoezich op de Koele adviseert óm de gaaswinning oet 't veld van Slochteren van 21,6 nao 12 km³ trök te bringe.

jannewarie

31 jannewarie

• Kuns en cultuur: De Belzje zengeres Rita Deneve sjtörf op 73-jäörige laeftied.

28 jannewarie

• Sjport: Roger Federer wèntj de Australian Open bie de mansluuj daor in vief sets (6-2, 6-7 (7-5), 6-3, 3-6 en 6-1) van Marin Čilić te winne. 't Is al zien twintigste grand slameuverwinning.

27 jannewarie

• Zuudoes-Azië: Bie 'nen bómaansjlaag inne Afghaanse huidsjtad Kaboel valle 95 doeje en 158 gewónje. D'n Taliban haet de verantwaordelikheid opgeëis.
• Zuud-Amerika: In 'nen disco de Braziliaanse sjtad Fortaleza vèntj 'n sjeetpartie plaatsj wobie 14 luuj waere doedgesjote. Dènkelik geit 't óm 'n crimineel aafraekening.
• Sjport: Caroline Wozniacki wèntj de Australian Open bie de vrouwluuj. 't Is häör ierste grand slamwins.
• Economie: De Zjwaedsen óngernummer Ingvar Kamprad, bekèndj as oprichter van IKEA, sjtörf op 91-jäörige laeftied.
• Kuns en cultuur: D'n Amerikaanse Sjtripteikenaer Mort Walker (bekèndj van Beetle Bailey, Nederlands Flippie Flink) sjtörf op 94-jäörige laeftied.

26 jannewarie

• Oes-Azië: Bie 'nen brandj in e Zuud-Koreaans krenkehoes valle 37 doeje en mier es zevetig gewónje.
• Nederlands Limburg: Op 'n paersjconferentie in Mestreech kunjig de pelitie aan groet DNA-óngerzeuk te doon in De Heibloom en Broensem. Doel is óm de maordenaer van Nicky Verstappen te vènje.
• Wetensjap: In 'n grot op de berg Karmel in Israël waere minstens 177.000 jaor auw fossiele van Homo sapiens gevónge. Ieder naom me aan dat de moderne minsj pas hoegoet 120.000 jaor geleie oet Afrika waor vertrokke.

25 jannewarie

• Belsj, Economie: Carrefour geit in 't Belsj 1233 jobs sjrappe. Ónger mie d'n hypermerret in Gènk zal slete.
• Zuud-Azië: De historische Bollywoodfilm Padmaavat kump in India in de bioscope, oondanks hel proteste en bedreiginge.

24 jannewarie

• Nederlands Limburg: Aan de Bergstraot in Venlo stort 'n hoes in. 't Guuef gein gewónde.
• Sjport: In Lausanne weurt geloot veur de ierste editie van de UEFA Nations League, 'n interlandjvoetbaltoernooj wat later dit jaor zal beginne. Nederlandj kump in 'n gróp mit Duitsland en Frankriek, 't Belsj tröf Ieslandj en Zjwitserlandj.
• Kuns en cultuur: De Britse zenger Mark E. Smith, bekèndj van The Fall, sjtörf op 60-jäörige laeftied.
• Kuns en cultuur: De Nederlandse stripteikeneer Jan Steenman sjtörf op 84-jäörige laeftied.

23 jannewarie

• Kuns en cultuur: De Zuid-Afrikaansen jazztrompöttis Hugh Masekela sjtörf op 78-jäörige laeftied.

20 jannewarie

• Kuns en cultuur: De Franse chef-kok Paul Bocuse sjtörf op 91-jäörige laeftied.
• Midde-Ooste: Törkieë begint 'n offensief in de Naord-Syrische provincie Afrin, óm de separatistische Koerdische YPG te verdrieve.
• Kuns en cultuur: De Britse bassis Jim Rodford, bekèndj van The Kinks, sjtörf op 76-jäörige laeftied aan 'ne val van de trep.
• Kuns en cultuur: Op 't festival Eurosonic Noorderslag geit de Poppries 2017 nao Kensington.

19 jannewarie

• Kuns en cultuur: De Amerikaanse actrice Dorothy Malone sjtörf op 92-jäörige laeftied.

18 jannewarie

• Belsj Limburg: Bie 'ne westersjtörm wejt in Roj 't daak van 'n sjaol aaf.

16 jannewarie

• Nederlands Limburg, Kuns en cultuur: De Venlose vastelaoveszenger Wiel Vestjens is op 81-jäörige laeftied euverleje.
• Duutsjlandj: Bie 'n ernstig busóngelök in 't sjtedje Eberbach, in Baden-Württemberg, rake 48 luuj gewóndj. Vief of zès zien d'r sjlech aan toe.
• Sjport: De Braziliaanse voetballer Ronaldinho sjtop definitief mit voetballe. Hae waor saer 2015 al neet mie op 't huugste niveau actief.

15 jannewarie

• Belsj: Op de Paardenmarkt in Antwerpe óntplof e gebouw. De oerzaak liek gebrekkig óngerhaud aan 't gaaswerk.
• Kuns en cultuur: Dolores O'Riordan, zengeres van The Cranberries, sjtörf op 46-jäörige laeftied.
• Kuns en cultuur: D'n Amerikaanse gospelzenger Edwin Hawkins sjtörf op 74-jäörige laeftied.
• Nederlands Limburg: Bie 'n auto-óngelök in Bor kump ein persoen óm 't laeve. 'ne Angere raakde zjwaorgewóndj.

14 jannewarie

• Nederlands Limburg: I Lemieësj brank ee hotel oes.
• Sjport: D'n Amerikaansen autocoeräör Dan Gurney sjtörf op 86-jäörige laeftied.

13 jannewarie

• Belsj Limburg, Natuur en milieu: Bie Bóggetj is 'ne wouf gezeen; 't is d'n ierste dae zich in 100 jaor in Vlaondere vertuint.

11 jannewarie

• Kuns en cultuur: De Belzje cabaretière Lies Lefever sjtörf op 37-jäörige laeftied.

8 jannewarie

• Nederlandj, Natuur en milieu: In Groninge weurt 'nen aerdsjóddel mit 'n krach van 3,4 op de Memènt-Magnitudesjaol geveuld. D'n aerdsjóddel, de zjwaorste in Groninge saer 2012, is 't gevolg van gaaswinning.

7 jannewarie

• Nederlands Limburg: Bie 'nen brandj in Sjlennich zien zeve luuj gewóndj geraak. 'ne 89-jaorige man is veer daag d'rnao aan zien verwónjinge euverleje.
• Kuns en cultuur: De Franse zengeres France Gall sjtörf op 70-jäörige laeftied.
• Nederlands Limburg, Natuur en milieu: Óngerzeukers melle dat de wil kat zich definitief weer in 't Heuvellandj haet gevestig. Ze woort dao de lèste jaore al dèkser gezeen.

6 jannewarie

• Zuud-Amerika: In Peru zien 52 luuj óm 't laeve gekómme bie e busóngelök.
• Weitesjap: Apollo-astronaut John Young is op 87-jäörige laeftied euverleje.

5 jannewarie

• Natuur en milieu, weitesjap: Weitesjappers vanne NASA óntdèkke det 't laok inne ozonlaog significant kleinder is es in 2016.

4 jannewarie

• Afrika: Bie e treinóngeval in 't Zuud-Afrikaanse Kroonstad valle achtien doeje, 254 luuj rake gewóndj.
• Kuns en cultuur: De Britse rockmuzikantj Ray Thomas (bekèndj van Moody Blues) sjtörf op 76-jäörige laeftied.

1 jannewarie

• Belsj Limburg, Nederlands Limburg: De grens tösse Nederland en 't Belsj weurt gecorrigeerd t'r huugde vaan Èèsjde en Ternejje. Door kanalisering leep de aw grens neet mie euveral door de Maos.

2017

december

28 december

• Duutsjlandj: 'ne Bezaope vrachwagechauffeur veroerzaak op d'n A61 bie Vaerse 'n ernstig óngelök, woebie 'n agente ómkwaam. 'nen Angere raakde zjwaorgewóndj.
• Naord-Amerika: Bie 'nen brandj in 't New Yorkse sjtadsdeil The Bronx kómme twelf luuj óm 't laeve.

27 december

• Oes-Europa: Bekans veerhóngerd Oekraïense en Róssische kreegsgevangene van 't pro-Russisch conflik innen Donbass weure vriegelaote. De gevangeneruul is óngerdeil van 't Minskakkoord.

26 december

• Natuur en milieu: Tyfoon Tembin raas euver 't Filipiense eilandj Mindanao. Mier es 260 luuj kómme daobie óm 't laeve.

21 december

• Politiek: In Catalonië winne de separatistische partieje de vervreugde regionaal verkezinge.

18 december

• Politiek, Oesteriek: Sebastian Kurz weurt geïnstalleerd as bondjskanseleer van Oesteriek

17 december

• Nederlands Limburg: In Blierik raak 'ne 35-jaorige Venlonaer zjwaorgewóndj bie 'n sjtaekpartie.

16 december

• Politiek: In Oesteriek zölle de conservatief ÖVP en de rechse FPÖ 'n nuuj coalitie vörme onger de leiing van Sebastian Kurz.
• Politiek: Aad-politicus Frans van der Spek vanne Pacifistisch Socialistische Partij (PSP) is op 93-jäörige laeftied euverleje.

14 december

• Nederlands Limburg: In de Mestreechse buurt Malpertuis weure twie lui doedgestoke en diverse aandere verwoond. Daojer en slachoffer koume oet 't Syrisch milieu.
• Nederlands Limburg: 'ne Veurbiegenger vindj e liek bie 'n rotonde aan de Klagefurtlaan in Venlo. De pelissie hèlt rekening mit e misdrief.

11 december

• Kuns en cultuur: Op 't terrein van Château Sint-Gerlach bie Houtem weure reste van 'ne Romeinse waeg gevónje.
• Nederlands Limburg: Bie 'ne woeningbrandj in Ospel kump 'ne persoen óm 't laeve.

10 december

• Nederlands Limburg: Bie 'ne woeningbrandj in Linne kump 'n bejaarde vrouw óm 't laeve.

9 december

• Midde-Oeste: De Irakese premier Haider al-Abadi verklaort det d'n aorlog taege IS in zien landj is aafgelope. De terreurbewaeging zouw gein controle mier höbbe euver Irakees gróndjgebeed.
• Nederlands Limburg: E Limburgs model oet Zittert is euverleje nao 'ne val van e balkon inne Maleisische huidsjtad Kuala Lumpur.

8 december

• Nederland: Minister van Binnelandjse Zake Kajsa Ollongren zet 'n sjtreep door de herindeiling vanne gemeintes Haerle en Landjgraaf.

7 december

• Oceanië: In Australië weurt 't homohoewelik ingeveurd.

6 december

• Kuns en cultuur: De Franse rockmuzikant Johnny Hallyday sjtörf op 74-jäörige laeftied aan lóngkanker.
• Politiek: D'n Amerikaanse president Donald Trump erkèntj Jeruzalem es óngedeilde huidsjtad van Israel. Dit leide tot groete proteste inne Arabische waereld.

5 december

• Zjwitserlandj: In Zjwitserlandj is de veurmalige Roemeense keuning Michaël van Hohenzollern-Sigmaringen op 96-jäörige laeftied gesjtorve.
• Duutsjlandj: Bie 'n bótsing tösse twie treine op 't sjpaor bie Meerbusch, kórtbie Krieëvel, rake 47 passagiers gewóndj. Drie zien d'r sjlech aan toe.
• Natuur en milieu: Ane Sri Lankaanse enne Indiaas weskös rich de cycloon Ockhi väöl sjaoj aan; mier es zestig luuj kómme óm 't laeve.

4 december

• Midde-Oeste: De veurmalige president van Jeme, Ali Abdullah Saleh, weurt vermaord door Houthi-rebelle.
• Noord-Amerika: 't Amerikaanse Hoeggerechshof geit völlig akkoord mit 't nuuj inreisverbod van president Donald Trump.

november

29 november

• Zuudoes-Europa: De veurmalige Bosnisch-Kroatischen aorlogsmisdadiger Slobodan Praljak weurt door 't Joegosjlaviëtribunaal veroerdeild tot twintig jaore gevangenissjtraof. De man plaegde direk nao d'n oetsjpraok zelfmaord door cyaankali in te sjlikke, e doejelik gif.

24 november

• Midde-Oeste: Inne Egyptische kösplaats Arish weure bie 'n moskee bómme tot óntploffing gebrach. Op det moment waor 't vriedaagmiddaaggebed ane gang. Luuj, die de moskee kóste óntvlöchte, woorte naergesjote. D'n aansjlaag is opgeëis door Islamitische Sjtaot en waor gerich op soefi's.

22 november

• Zuudoes-Europa: D'n Bosnisch-Servischen aad-ginneraal Ratko Mladic weurt door 't Joegosjlaviëtribbenaal veroerdeild tot 'n laeveslange gevangenissjtraof waeges aorlogsmisdade tiedes d'n Bosnischen Börgeraorlog.

21 november

• Afrika: Robert Mugabe nump óntsjlaag as presidentj van Zimbabwe en dreug de mach euver aan de kort geleie óntsjlage vice-presidentj Emmerson Mnangagwa.

19 november

• Sjport: De vreuger Tsjechische tennisster Jana Novotná sjtörf op 49-jäörige laeftied aan kanker.
• Naord-Amerika: D'n Amerikaanse massamaordenaer en sekteleier Charles Manson sjtörf op 83-jäörige laeftied.
• Nederlands Limburg: Op d'n A73 veroerzaak 'ne sjpoekriejer, 'ne 26-jaorige Pool, e ernsjtig óngeluk. Daobie kump hae zelf óm 't laeve, mer ouch de 22-jaorige Poolse vrouw, mit wem hae is gebóts. De sjnelwaeg en de Roertunnel woort daorop in bei richtinge aafgesjlote.

18 november

• Kuns en cultuur: D'n Australischen hardrockgitaris Malcolm Young, bekèndj van AC/DC, sjtörf op 64-jäörige laeftied.
  (sjterfdaag ónbekèndj)

15 november

• Afrika: 't Laeger van Zimbabwe nump in 'ne coup de mach euver van presidentj Robert Mugabe.

14 november

• Economie: Vekansie-aanbeder Corendon investeert fors in Mestreech Aoke Airport. 't Aantal besjtumminge wuurt van drie nao twelf in zès lenj oetgebreid.
• Sjport: 't Nederlands hierevoetbalèlftal wintj ziene lèste match ónger Dick Advocaaat mit 0-3 van Roemenië. Advocaat haet noe e recordaantal van 37 euverwinninge es bóndjscoach.

12 november

• Natuur en milieu: Op de grens tösse Iran en Irak vèntj 'nen aerdsjöddel plaats mit 'n krach van 7,3 op de MM-sjaol. Daobie valle zaeker viefhónjerd doeje.
• Afrika: In e natuurpark in Zambia wuurt 'ne 64-jaorige Remunjenaar doejelik getroffe door 'nen aanval van 'nen olifant. Dit zouw gebeurd zien wie hae 'n Belgische vrouw perbeerde te redde. Zie kwam ouch óm 't laeve.

8 november

• Kuns en cultuur: 't Louvre deit 'n dependance aop in Abu Dhabi (Vereinigde Arabische Emirate). 't Óntwerp veur 't geboew kump van Jean Nouvel.

5 november

• Naord-Amerika: Bie 'n sjeetpartie in 'n kèrk in 't Texaanse Sutherland valle 26 doeje.
• Natuur en milieu: In aanloup nao de VN-klimaottop inne Duutsje sjtad Bonn protestere doezende luuj bie de daagboewmien in Hambach.

1 november

• Nederlands Limburg: Nao 'n dinkelike aafraekening kump 't in Blierik tot relle met de pelitie.
• Sjport: De Ghanese voetballer Abubakari Yakubu, in Nederlandj bekèndj van Ajax en Vitesse sjtörf op 35-jäörige laeftied.

oktober

31 oktober

• Noord-Amerika: In de sjtad Nuuj-York in de Vereinigde Sjtaote weurt 'nen terroristischen aansjlaag gepleeg woebie mierder luuj óm 't laeve kómme en nag mier waere verwóndj.

29 oktober

• Sjport: Max Verstappen wintj de Grand Prix van Mexico, dewiel Lewis Hamilton 't wereldkampioensjap binnehaolt.

28 oktober

• Kuns en cultuur: De Nederlandse zenger Gert Timmerman sjtörf op 82-jäörige laeftied aan alvleisklierkanker.
• Nederlands Limburg: Op de A73 bie Zjwame veroerzaak 'ne quad e ernsjtig óngeluk, waobie zaeve gewónje valle. Drie daovan zien d'r sjlech aan toe.

27 oktober

• Zuud-Europa: 't Parlemèntj van Catalonië reup de ónaafhenkelikheid oet. Daenzelfden daag sjteit de Sjpaanse senaat de lenjelike regering toe óm Catolonië ónger curateel te sjtèlle.
• Sjport: De Nederlandse voetballer en trainer Hans Kraay sr. sjtörf op 81-jäörige laeftied.

26 oktober

• Nederlandj: 't Kabinèt-Rutte III weurt beëidig.

24 oktober

• Kuns en cultuur: Rock 'n rollzenger Fats Domino sjtörf op 89-jäörige laeftied.

21 oktober

• Sjport: D'r Nol Hendriks, ieërelid en ieëder besjtuursjlied va Roda JC, sjterft op 80-jöarije leëftsied.
• Belsj Limburg: In Hasselt brenje twie aw loodse van Philips oet.

20 oktober

• Weitesjap: De asteroïed ʻOumuamua weurt waorgenome. Nao óngerzeuk bliek 't te gaon óm 'n interstellair objek, wat 't Zonnesjtèlsel bezeuk meh noets óm de Zon haet gedrejd.

19 oktober

• Zuud-Europa: De Sjpaanse regering van Mariano Rajoy pas artikel 155 van de gróndjwèt toe óm Catalonië zien autonomie aaf te pakke. De Catalaanse regiopremier Carles Puigdemont dreig hie-op einziejig de ónaafhenkelikheid oet te rope.
• Nederlands Limburg/Belsj: De gemeintes Vols en Gulpe-Wittem teikene protes aan taege de veurgenome hereupening van de zinkkoel in Blieberig.

18 oktober

• Oes-Azië: In China begèntj 't Neugeteende Congrès van de Communistische Partie. Westerse waornummers verwachte dat presidentj Xi Jiping zien mach zal wille vergroete.

17 oktober

• Midde-Oeste: De Syrische Democratische Tróppe vereuvere de leste verzatshaerde in Raqqah. Hiemit höbbe ze IS zien (veurmaolige) huidsjtad gans ingenome.

16 oktober

• Zuud-Europa: Bie bósbrenj in Portugal en Sjpanje kómme 36 luuj óm 't laeve.
• Vereinig Keuninkriek en Ierlandj: Orkaan Ophelia raos euver Ierlandj. 't Is oetzunjerlik dat 'ne sjtörm mit orkaankrach Europa bereik.
• Midde-Oeste: 't Iraaks laeger vereuvert Kirkoek op de Koerde, die 't ieder van IS hadde gepak.

15 oktober

• Afrika: 'n Autobom in Mogadishu, de hoofsjtad van Somalië, zörg veur hóngerde doeje en gewónje.

13 oktober

• Weitesjap/Nederlands Limburg: 't Venlose bedrief Mito Medical Products haet 'n nuuj methode óntwikkeld óm bórskanker in 'n nog vreuger sjtadium óp 't sjpaore, es wies huuj meugelik waor.
• Nederlands Limburg: De ministerraod geit akkoord mitte sameveuging van de gemeintes Haerle en Landjgraaf.

12 oktober

• Natuur en milieu: Bie euversjtruiminge in Vietnam valle tientalle doeje.

11 oktober

• Nederlands Limburg: Twee krimmenele perbere 'ne helikopter te kape. Allezelaeve waore de twee van plan topkrimmeneel Benaouf A. oet de gevangenis van Remunj te bevrieë. Eine van de twee weurt in 't dörp Roostere doodgesjote door de pelissie.
• Natuur en milieu: Bie netuurbrenj innen Amerikaanse sjtaat Californië valle mier es daartig doeje.

10 oktober

• Nederlandj/politiek: VVD, CDA, D66 en ChristenUnie prizzentere e regeerakkaord, wat de waeg vriemaak veur e kabinèt-Rutte III.

9 oktober

• Weitesjap, Economie: De Nobelpries in de economie geit nao d'n Amerikaan Richard H. Thaler "óm zien biedrage aan de behavioristische economie."

6 oktober

• (Internationaal): De Nobelpries veur de vrae weurt toegekèndj aan de Internationaal Campagne tot Aafsjaffing van Kernwaopes.
• Nederlands Limburg: Oppe militair basis van Broensem is 'nen Amerikaanse soldaot door e óngeluk óm 't laeve gekómme.

5 oktober

• Nederlandj: Politicus Eberhard van der Laan (PvdA) sjtörf op 62-jäörige laeftied aan lóngkanker.
• Kuns en cultuur: De Nobelpries in de literatuur weurt oetgereik aan de Japanees Kazuo Ishiguro "dae in romans mit groete emotioneel krach d'n aafgróndj ónger óns bedregelik geveul van verbènjing mit de waereld haet bloetgelag."

4 oktober

• Weitesjap: De Nobelpries in de sjeikónde geit nao de Zjwister Jacques Dubochet, de Pruus Joachim Frank en de Brit Richard Henderson "óm de óntwikkeling van cryo-elektronemiscroscopie veur 't in hoeg resolutie waornumme van opgelosde biomolecule".

3 oktober

• Weitesjap: De Nobelpries in de natuurkónde geit nao Rainer Weiß, Barry C. Barish en Kip S. Thorne "óm hun doorsjlaaggaevende biedrage aan de LIGO-detector en de waornumming van zjwuurtekrachsgolve".
• Nederlands Limburg: Veurmalig PVV-prominent Michael Heemels weurt dore rechbank in Mestreech veroerdeild tot veertien maonde cel waeges verduustering.
• Nederlandj: Jeanine Hennis-Plaschaert (VVD) trejt aaf es minister van Defensie nao diverse sjandale op häör ministerie. Staotssecretair Klaas Dijkhoff nump häör functie waor.

2 oktober

• Weitesjap: De Nobelpries in de genaeskónde geit nao de Amerikane Jeffrey C. Hall, Michael Rosbash en Michael W. Young "óm hun óntdèkking van de moleculair percesse achter de biologische klok".
• Kuns en cultuur: D'n Amerikaanse zenger Tom Petty sjtörf op 66-jäörige laeftied aan 'nen hertsjtilsjtandj.

1 oktober

• Zuud-Europa: De Regioregering van Catalonië hilt e rifferendum euver de aafsjeiing van Sjpanje. De Sjpaanse regering blokkeert dit en perbeert mit väöl pelissiegeweld de sjtumming te veurkómme. Bie confrontaties tösse de Sjpaanse pelissie en Catalaanse separatiste raakde volges de lokaal regering 844 luuj gewóndj, waovan twie ernsjtig. Get mier es twie miljoen van de vief miljoen keesgerechtigde in Catalonië höbbe gesjtumd; daovan zouw 90 procent veur ónaafhenkelikheid zien.
• Vereinigde Sjtaote: Bie e countryfestival in Las Vegas äöpent 'ne sjerpsjötter 't vuur op 't pebliek. Hiebie valle mie es 50 doeje en hóngerde gewónje; dit maak 't tot de sjlimste sjeetpartie oet de historie van 't landj.
• Sjport: Max Verstappen haolt op de Grand Prix in Maleisië zien twiede euverwinning.
• Duutsjlandj: 't Homohoewelik weurt ingeveurd.

september

29 september

• Kuns en cultuur: In 'n oeterweerd vanne Maas tösse de Gelderse dörpkes Dreumel en Alphen weure väöl archeologische vóndste gedaon. 't Geit ónger mier óm Romeinse daakpanne, twelf Laot-Romeinse en vreug-Middeliewse sjepe en musketkogels oete zaeventienden iew. Op dees plaats woorte al ierder aerdewirk, reste vanne mammoet, miensjelike reste en wapes gevónje.

27 september

• Kuns en cultuur: D'n Amerikaansen oetgaever Hugh Hefner, bekèndj van Playboy, sjtörf op 91-jäörige laeftied.

25 september

• Midde-Oeste: De regering van Iraaks Koerdistan hilt e rifferendum euver ónaafhenkelikheid.

24 september

• Politiek: In Duutsjlandj vinje de bóndjsdaagverkezinge plaatsj. De CDU van Angela Merkel blief mit 33,0% vanne sjtumme de groetste en de SPD blief mit 20,5% de twiede. Bei partieje verleze aevel volges de letste oetsjlaeg respectievelik roem 8 en roem 5 procent ten opzichte van 2013. Winnaersj zien de liberaal FDP en 't AfD, die 10,7% en 12,6% van de sjtumme höbbe behaold. Zie wónne respectievelik óngevaer 5 en roem 7 procent ten opzichte van 2013. Daomit höbbe ze de keesdurpel gehaold en daodoor zien ze noe ouch vertaegewoordig innen Duutsjen Bóndjsdaag.

23 september

• Kuns en cultuur: D'n Amerikaanse soulzenger Charles Bradley sjtörf op 68-jäörige laeftied aan maogkanker.
  (sjterfdaag ónbekèndj)

20 september

• Sjport: Tom Dumoulin pak es ierste Nederlandse maan de wereldtitel tiedrije.

19 september

• Noord-Amerika: In Mexico vèntj, einsele waeke nao de veurige zjwaoren aerdsjóddel, 'ne nujen aerdsjóddel plaats mit 'n krach van 7.1. Zeker ouch Mexico-sjtad weurt hel geraak.
• Nederlands Limburg: 't Opebaar Ministerie eis 22 maond gevangenis taege ex-PVV-sjtaotelid Michael Heemels. Heemels weurt verdach van 't verduustere van fractiesubsidie veur ónger mie 'n drank- en drugsversjlaving.

18 september

• Natuur en milieu: Orkaan Maria rich op Dominica enorm verweustinge aan en raos op volle krach aaf op Puerto Rico.

15 september

• Weitesjap: De NASA beènjig de Cassini-Huygensmissie daor de Cassini-sonj in d'n atmosfeer van Saturnus te doon verbrenne.
• Vereinig Keuninkriek en Ierlandj: 'n Geïmproviseerde explosief góng aaf in e metrotoesjtel inne Britse huidsjtad Lónje. Niemes raakde aevel zjwaorgewóndj. 'ne 18-jaorige verdachte woort inne kösplaats Dover opgepak. IS zouw d'n aansjlaag höbbe opgeëis.

13 september

• Sjport: 't IOC wies de Olympische Zomersjpaele van 2024 aan Paries toe, en die van 2028 aan Los Angeles. Bei sjtaej waore de ènsigste kandidate.

12 september

• Kuns en cultuur: Riem de Wolff, zenger van d'n indorockband de Blue Diamonds, sjtörf op 74-jäörige laeftied.

10 september

• Sjport: Chris Froome wèntj de 72e Runj van Sjpanje. Ieder dit jaor haet hae al de Runj van Frankriek gewonne.
• Sjport: De US Open weurt bie de mansluuj gewonne door Rafael Nadal (6–3, 6–3, 6–4 taege Kevin Anderson) en bie de vrouwluuj daor Slaone Stevens) (6–3, 6–0 taege Madison Keys).

6 september

• Naord-Amerika, Natuur en milieu: Irma, 'nen orkaan van de viefde (zjwaorste) categorie en 'nen drök van mer 914 mB, kump aan landj en veroerzaak ónger mie op Sint Maarten en Anguilla versjrikkelike sjaoj. De daog denao raos ze euver de Maagde-eilenj, Puerto Rico, Cuba en Florida, wo ze aafzjwaak tot 'ne tropische sjtörm.
• Kuns en cultuur: D'n Duutsje muzikantj Holger Czukay, mit-oprichter van Can, sjtörf op 79-jäörige laeftied.
  (sjterfdaag ónbekèndj)

3 september

• Kuns en cultuur: Walter Becker, gitaris van rockbandj Steely Dan, sjtörf op 67-jäörige laeftied.

1 september

• Afrika: D'n Hoeggerichshaof van Kenia verklaort de verkezinge van 8 augustus jl. óngeljig. De zittende, herkaoze presidentj Uhuru Kenyatta accepteert dees oetsjpraok.

augustus

31 augustus

• Midde-Oeste: De sjtrategische Naord-Irakees sjtad Tel Afar weurt heraoverd op Islamitische Sjtaot.

28 augustus

• Wes-Afrika: 't Doejetal es gevolg van moddersjtroume in 't Wes-Afrikaanse landj Sierra Leone löp op bis baove de doezend.

27 augustus

• Sjport: Op 't Europees Kampioensjap hockey pak zoewel 't Nederlands hiere- as 't Nederlands damesteam d'n titel. In bei gevalle is 't Belsj d'n angere finalis.

26 augustus

• Sjport: D'n Amerikaan Floyd Mayweather wintj 'ne boksmatch van d'n Ierse koewvechter Conor McGregor. McGregor hauw de gepensioneerde bokser oetgedaag; 't gevech waort van teveure henjig ónger de aandach gebrach.

25 augustus

• Natuur en milieu, Vereinigde Sjtaote: Orkaan Harvey kump aan landj in Texas. Hae zörg dao veur teentalle doeje en enorm materieel sjaoj.

17 augustus

• Zuud-Europa: Op de La Rambla, ein zier bekinde promenade in Barcelona, is e besjtelböske ingerede op luuj. 't Nederlandse Minesterie van Boetelandse Zake meld det drie Nederlanders bie de aansjlaag gewóndj zien geraak. Ein vrouw oet 't Belsj is óm 't laeve gekómme. IS zouw d'n aansjlaag höbe opgeëis. Nao d'n aansjlaag woorte klopjachte op meugelike daders georganiseerd. In Alcanar woort 'n explosief tot óntplóffing gebrach bie de arrestatie van eine van de verdachte. Twie verdachte kwame hie óm 't laeve. 'n Angere veurtvluchtige woort nao e incident op de Avinguda Diagonal in 't dörp Sant Just Devern doedgesjote. Inne kösplaats Cambrils, hónjerd kilomaeter ten zuje van Barcelona reed 'nen auto opnuuj op luuj in; dees keer woorte de terroriste aevel gesjtop. Daonao volgde 'n sjeetpartie. De pelissie sjakelde veer verdachte ónmiddelik oet, 'ne viefde sjtorf get later in 't krenkehoes. D'n besjtuurder van 't böske woort oetindelik op 21 augustus 2017 doedgesjote in 'n wiengaard kórtbie 't dörpke Subirats. Veer verdachte (de euverlaevende vanne terreurcel) zien opgepak en weure veurgeleid veur de rechter.

16 augustus

• Nederland: In Swifterbant (gemeinte Dronten, Flevolandj) kómme 40.000 hoonder óm bie 'ne sjtalbrandj.

15 augustus

• Nederlands Limburg: In Wiert verdrink 'ne drónke man inne Zuud-Willemsvaart.

14 augustus

• Nederlands Limburg: In Mesjtreech weurt de nuuj Naorderbrök op häör plek gezet. 't Geit óm e twiehónjerd maeter lang brökdèk van beton. De operatie mós hiel secuur verloupe. 't Sjtadsverkier óngervóndj aevel gein neumeswaerdige hinder.
• Nederland: In 't Twentse Agelo kómme doezende verkes óm bie 'ne sjtalbrandj.

12 augustus

• Naord-Amerika: De gouvernäör van d'n Amerikaanse sjtaat Virginia roop de noedtoesjtandj oet nao gewelddadige proteste tösse extreem-rechse en antifascistische demonstrante in Charlottesville. De extreemrechse demonstrante protestere taege 't plan óm 't sjtandbeeldj van 'ne zujelike ginneraal oet d'n börgerkrieg van 1861-'65 eweg te hale. Bie twie incidente kómme drie luuj óm 't laeve. Eine pelissiehelikopter mit twie inzittende crashte en ein 39-jaorige vrouw kwam óm 't laeve toen 'nen auto in de demonstrerende menigte reed. Mier es 38 anger luuj rake gewóndj, waovan vief ernsjtig.

11 augustus

• Midde-Oeste: In 't Israelische Haifa sjtörf holocausteuverlaevende Yisrael Kristal op 113-jäörige laeftied es aadste man oppe waereld.
• Naord-Afrika: Bie e treinóngeluk bieje Egyptische sjtad Alexandrië kómme 43 luuj óm 't laeve, 122 luuj rake gewóndj.

8 augustus

• Oes-Azië: Bie 'ne aerdsjöddel in de Sjinese provincie Sichuan sjterve twintig luuj; 431 luuj rake gewóndj.
• Sjport: Real Madrid pak de Europese Supercup daor Manchester United mit 2-1 te versjlaon.
• Kuns en cultuur: D'n Amerikaanse countryzenger Glen Campbell sjtörf op 81-jäörige laeftied.
• Zuud-Amerika: D'n Argentiense politicus Jorge Zorreguieta, veural bekèndj es de vajer van keuningin Máxima van de Nederlenj, sjtörf op 89-jäörige laeftied.
• Belsj: Bie 't dörpke Hun, in de provincie Name, is 'nen auto in de Maas gereje. Twie laeveloze inzittende woorte later geborge.

7 augustus

• Nederlands Limburg: 'ne 16-jaorige Syrischen asielzeuker verdrink in e zjwembad in Blierik.

6 augustus

• Sjport: Nederlandj wintj 't EK damesvoetbal in eige landj daor mit 4-2 van Denemarke te winne. 't Is d'n ierste kier dat 't ilftal zoe'ne pries pak.

1 augustus

• Weitesjap: In de Israelische huidsjtad Jeruzalem höbbe archeologe sjpaore óntdèk van de Babylonische verweusting van 586 veur Christus. Dees datering löp geliek mit 't Biebelse verhaol euvere verweusting vanne Juudse sjtad.

juli

28 juli

• Duutsjlandj, Oesteriek en Zjwitserlandj: 'ne 26-jaorige oetgeprocedeerden asielzeuker oet de Vereinigde Arabische Emirate sjtook in op luuj in 'n supermert in de Duutsje sjtad Hamburg. Daoveur sjtool hae e mets oet dezèlfde winkel. Kórt d'rnao woort hae euvermeisterd en gearresteerd. D'n dader is vermeudelik psychisch labiel en is ouch bekind es islamis.

23 juli

• Sjport: De Brit Chris Froome wintj veur de veerde kier de Runj van Frankriek.

21 juli

• Zuudoes-Europa: Op 't Greekse eilandj Kos zien twie doeje en zaeker hónjerd gewónje gevalle nao 'nen aerdsjöddel mit 'n krach van 6,7 op de sjaol van Richter. Inkel historische geboewer woorte besjaedig. 't Kórtbiegelaege Törkse Bodrum woort getroffe door 'ne kleine tsunami.

20 juli

• Kuns en cultuur: D'n Amerikaanse rockmusicus Chester Bennington, bekèndj van Linkin Park, begeit op 41-jäörige laeftied zelfmaord.
• Belsj/Nederlands Limburg: In de melgergrotte bie Kan vluug hóngerd kubeke maeter hui en sjtru in de brandj. 't Oetbrenje doert mierder daag en zörg veur groete roukeuverlas.

18 juli

• Nederlands Limburg: In Panninge kump eine scooterriejer óm 't laeve bie 'n bótsing mit 'nen auto.

17 juli

• Nederlands Limburg: In Zöstere kump eine persoen óm 't laeve bie e auto-óngelök. D'n euverleje man is aafkómstig oet Zitterd.

16 juli

• Sjport: In Utrech begintj 't Europees Kampioensjap voetbal veur vrouwluuj.
• Nederlands Limburg: In Wiert is 'nen besjtelbus euvere kop gevlaoge. D'n besjtuurder kwam óm 't laeve.

15 juli

• Nederlandj: Op d'n A73 bie 't Naord-Brabantse Haps zien drie luuj óm 't laeve gekómme bie e óngelök. 't Betref twie Pole en eine Roemeen. 'ne Veerde bleef óngedeerd. Alle verblaeve in Baolder.
• Nederlands Limburg: Bie 'ne sjtalbrandj in e eierbedrief in Ni-jwieërt zien 76.000 hoonder ómgekómme.
• Nederlandj: Oppe Gelderse dörp Els zien twie jóng luuj van zaevetien óm 't laeve gekómme bie e treinóngeval.

14 juli

• Nederlands Limburg: Bie 'n bótsing tösse 'ne scooter en 'n vrachwage in Sjtein is 'ne 17-jaorige jóng óm 't laeve gekómme.
• Weitesjap: De Iraanse wiskóndige Maryam Mirzakhani sjtörf op 40-jäörige laeftied.

13 juli

• Kuns en cultuur: De Chinese sjriever en dissidentj Liu Xiaobo, dae in 2009 de Nobelpries veur de Literatuur won, sjtörf op 61-jäörige laeftied.
• Natuur en milieu: 'n Iessjots mit e oppervlaak van 5.800 km² (zoe groet wie Gelderlandj) braek aaf van de Antarctische iesplaat Larsen C.

12 juli

• Nederlandj: De Nederlandse ex-minister en ex-veurzitter van de Ierste Kamer Gerrit Braks (CDA) sjtörf op 84-jäörige laeftied.
  (sjterfdaag ónbekèndj)

9 juli

• Midde-Oeste: De Irakese sjtad Mosoel weurt heraoverd op terreurorgenisasie Islamitische Sjtaot.
• Kuns en cultuur: De lèste editie van Sensation kump in de Johan Cruyff Arena tot 'n èndj mit 'n optrejje van DJ Tiësto. 't Dancefestival woort in 2000 veur d'n ierste kier gehauwe.

7 juli

• Politiek: In de Duutsje sjtad Hamburg geit de nuuj G20-top van sjtart, ónger leijing van bondskanseleer Angela Merkel. In de sjtad waert heftig gedemonstreerd, veural door extreem-linkse demonstrante. Väöl winkels en geboewer woorte geplunjerd en besjaedig. 476 pelissie-agente rake gewóndj en veerhónjerd luuj woorte gearresteerd. Ouch linkse media berichte euver gewónje ónger de demonstrantie, mer wieväöl is nog neet dudelik.
• Nederlands Limburg: 't Limburgs Parlement sjtömt euver de veurgenaome fusie tösse de gemeintes Haerle en Landjgraaf.

3 juli

• Duutsjlandj, Oesteriek en Zjwitserlandj: Op 'n autobaan in d'n Duutsje deilsjtaot Beiere zien 18 doeje en daartig gewónje gevalle bie e ernsjtig busóngeluk.
• Nederlands Limburg: In Venlo is 'nen automobilis euverleje nao e ernsjtig óngeval op e kruutspunt op de Eindhovesewaeg (N556).

2 juli

• Nederlands Limburg: In Sjteil waert e doed kindj gevónje. 't Haet zichzelf van 't laeve berouf.
• Sjport: Duutsjlandj wèntj de Confederations Cup van 2017 daor in de finaal mit 0-1 van Chili te winne.

1 juli

• Nederlands Limburg: Bie 'ne kaffee in Remunj is de luifel baove 't buffèt ingestort dewiel väöl luuj in de kaffee zote.
• Sjport: Mit 'nen tiedrit in Dusseldörp begintj de 104e Runj van Frankriek.

Nuujsarchieve

Awwer versies van dit blaad

1 april 2005 - 30 mei 2005 - 1 augustus 2005 - 12 december 2005 - 2 februari 2006 - 11 april 2006 - 27 december 2006 - 24 juni 2007 - 19 april 2008

Thematische archieve

• Wikipedia
• Politiek
• Economie
• Kuns en cultuur
• Sjport
• Weitesjap
• Natuur en milieu

Geografische archieve

Belsj Limburg Nederlands Limburg Belsj en Luxemburg Nederlandj Duutsjlandj, Oesteriek en Zjwitserlandj Vereinig Keuninkriek en Ierlandj Frankriek Zuud-Europa Naord- Midde- en Oes-Europa

Europa algemein Midde-Oeste Centraal- en Zuud-Azië Oes- en Zuudoes-Azië Afrika Oceanië Naord-Amerika Midde-Amerika Zuud-Amerika