Wikipedia:De kaffee

Van Wikipedia

Important: Please refrain from using ContentTranslation2. This tool is unfit for the Limburgish language. We have decided to forbid its use until further notice.


Please don't bother us with any translation requests for articles. These disrupt the ordinary work on this Wikipedia and are more often than not intended for POV pushing. If you do, this may result in an infinite block.


Wilkóm in de kaffee
Voog hie e nuuj berich toe

Hie in de kaffee kans te kalle, praote, zjwetse, tatere, awhore, leutere, klasjenere euver al wat rillevant is veur ós projek en de Wikimedia-welt daoboete. Höbs te 'n vraog euver wie al hie functioneert, dan sjtil ze ós hie. Wils te aan 'n artikel of e gans projek beginne en mós te dao toewsjtumming veur höbbe, dan biste hie ouch op de gooj plaots. En intersante mitdeilinge zien natuurlik al eve wilkom.

Hawt astebleef wel de Wikiquette in de gater: blief vruntelik, gank neet mitein sjelle of keke, wach röstig op 'n antwoord. Zoe hawte veer de Wikipedia e bitteke laefbaar.

In de Limburgse kaffee weurt natuurlik beer gesjöd, wien of 'n aelske gedrónke. Whisky en port zint ouch veurraodig, dus euver de grènze kieke doont veer toch waal. Veur de luuj, die geinen alcohol drinke is d'r koffie, thee en milk. Water, Sherry en champagne mótte veer nog bie de naober haole.
Veur debie e sjtök vla of 'n waffel, huidvleisj of rommedoe op zjwart broad,
'n tas sóp, e bruèdsje mèt sjink, 'ne zoere hièring, e videeke of gewoon get neutsjes.

Geneet, mer drink mit maote, en sjmiet neet mit aw reskes drank.

"Alles mit maote", zag de snieder. Doe sloog 'r zie vrouw mit d'n èllestek.

En natuurlik loestere v'r ónderwiel nao muziek of zinge gezellig same e leedsje mèt.

As te gei Limburgs sjpriks:
Schroom niet om hier in het Nederlands te schrijven!
Man kann hier auch auf Deutsch schreiben!
N'hésitez pas à écrire en français !
You can write in English here!
Jo kinne hjir ek yn it Frysk skriuwe!
Je kunt hier ook in andere Nederlandse en Vlaamse streektalen schrijven!
...and we might even understand other Germanic or Romance languages.

En as te waal Limburgs sjpriks, mer neet wits wies te 't kans sjrieve: probeer 't ins!


Zuug veur awwer discussies archief 2005, archief 2006 (1), archief 2006 (2), archief 2007 (1), archief 2007(2), archief 2008, archief 2009, archief 2010/11, arsjief 2011-13, arsjief 2013/14, Arsjief 2015-16, Arsjief 2016-17, Arsjief 2018-19, Arsjief 2018-21, Arsjief 2021-23, Arsjief 2023-24


ContentTranslation2[brón bewèrke]

Leef lui,

Gisteraovend heet iemes vaan boete drei artikele aongemaak mèt 'ne vertaoltool dee luustert nao de naom Content translation 2. 't Rizzeltaot is e bizaar slech Limbörgs mèt wäörd oet allerlei versjèllende dialekte, plus gans get Hollandse wäörd.

Iech wèl gere veurstèlle tot v'r 't gebruuk daovaan veurluipeg verbeeje, en wel um de volgende reies:

  • Veur 't Limbörgs wèrk 't veuresnog neet. Dat kump doortot 't wäörd vaan alle dialekte ougs, meh ouch umtot de Limbörgse sjriftraditie hendeg klein is. AI kin veur 'n klein sjrieftaol wie 't Limbörgs noets zoe good wèrke wie veur 't Nederlands of Ingels.
  • Zelfs al zouw deze tool verbeterd weure, daan mooste otomatische vertaolinge ummer nog zelf naoloupe. Zègke ze wat bedoeld weurt, zelf al zien de zinne grammaticaol correk? Dat werk kump daan op eus sjouwere, dewijl lui vaan boete, die de taol neet kinne, mer rösteg mèt mesjienevertaolinge koume aonzètte. Dat kós wel ins versjrikkelek oet de hand loupe.
  • De praktijk heet gelierd tot neet-sprekende gebrukers die hei 'n artikel plaotse - of 't noe 'n vertaolverzeuk is, 'n neet-vertaolde teks in get aanders, 'n mesjienevertaoling of 'n handmaotege poging tot Limbörgs - dat dèks doen mèt 'n aander doel es 't bouwe vaan 'n encyclopedie. Ze promote hun politieke ideeë, of de stad boe ze in woene, of hun relizjie, of hunnen hobby, of e produk boe ze zelf belaank bij höbbe. 't Zien dèks (neet ummer trouwens) neet de oonderwerpe boe veer op zitte te wachte. Die drei vaan gistere waore e good veurbeeld.

Alles biejein liek m'ch daorum tot v'r 't gebruuk vaan dezen tool mer beter gans kinne verbeje - wat in de praktijk trop zal neerkoume tot v'r zoe aongemaakde artikele in principe direk wisse. Zeet g'r 't daomèt ins? Steinbach 🦇 (euverlègk) 3 fib 2024 14:06 (CET)Reageren[reageer]

Joa, ich bin 't doa mit ins. --Zjweëgelke (euverlègk) 3 fib 2024 14:36 (CET)Reageren[reageer]
Gans mit èns. Ich zeen oppe euverligkpagina dao ouch vanne klènder spraoke bezwaore, meh dao wuuert netuurlik neet op gereageerd. Jaomer det v'r 't neet gewuuen oet kónne zitten op dees site... --OosWesThoesBes (euverlègk) 3 fib 2024 19:35 (CET)Reageren[reageer]

@User:Steinbach: Ich weit neet of luuj ieës nao de kaffee gaon en dan onna specefiek hiebaove det laeze. Kónne v'r det neet baeter gewuuen bie MediaWiki:Newarticletext of MediaWiki:Sitenotice zitte? --OosWesThoesBes (euverlègk) 28 fib 2024 19:45 (CET)Reageren[reageer]

Die ierste liek m'ch wel e good idee. Iech naom ummer aon tot veer niks kóste doen aon wat centraol dao-euver beslote waor, meh de höbs geliek: mèt dat beriech kinne v'r dat gemekelek aonpasse. Steinbach 🦇 (euverlègk) 28 fib 2024 19:47 (CET)Reageren[reageer]

Kristalle jubileum Wikipedia[brón bewèrke]

Daag allemaol,

Dit is e bezunder jaor veur us allemaol: de Limbörgse Wikipedia besteit twinteg jaor! Iech vin tot v'r daobij stèl mote stoon. Wie perceis, dat wèl iech gere mèt uuch bespreke.

Wat goon v'r perceis vere?[brón bewèrke]

't Klink mesjiens raar, meh 't is nog lesteg veur te zègke sinds wienie de Limbörgse Wikipedia noe besteit. Miejer data koume daoveur in aonmerking.

  • Op 29 augustus woort 't domein gecreëerd. Dat góng toen nog gewoen op aonvraog: "diech wèls 'ne Wikipedia in die-en-die taol? Daan make v'r diech eine!" G'r snap dus tot 't op deen daag nog geinen inhaajd gaof. De ierste versie vaan 't Veurblaad vint g'r hei.
  • Op 5 september sjreef 'nen oonbekinde gebruker oet Stein demèt aon de haol; heer sjreef de ierste kemissie in 't Limbörgs op 't Veurblaad. Later dee maond maakde heer - iech dink tot 't dezelfde waor - ziech bekind es "André", heer deeg oonder dat account ein bewèrking.
  • Op 6 november weurt 't Veurblaad vaan 'n korte kemissie oetgebreid tot get substantieels, nao 't aajd model vaan de Franse Wikipedia wat väöl klein wiki's in deen tied ouch hantere.
  • Op 24 november koume de ierste artikele. Nederlands Limburg versjijnt daan um kwart veur zès in de vreuge mörge - in 't Nederlands, gekopieerd vaan nl: natuurlek.
  • Ouch op 24 november melt Guaka ziech aon. Heer is daan al betrokke bij aander Wikipedia's en heet dus al ervaoring. Heer zouw ouch 't IP kinne zien wat op 6 november aon de geng is. In eder geval begint heer daan direk Nederlands Limburg nao 't Nuts te vertaole. Häöm zeen iech es de vaajer vaan de Limbörgse Wikipedia. Es iech instap, ind december vaan dat jaor, heet de Limbörgse Wikipedia nege artikele. Begin vaan 't nui jaor melt ouch Cicero ziech aon. In de loup vaan 2005 kump 't projek mèt us drei good tot leve.

Wat moot noe goon gebäöre[brón bewèrke]

Dit moot geveerd weure! Limbörgers en Wikipediaone mote dit wete, jehzeker! V'r goon 't melde op d'n Hollandse Wikipedia (wat perceis, dao kom iech nog op trök), bij meta etc. En natuurlek bij Veldeke, bij de gezètte en bij 1Limburg. En es 't uuch 'tzelfde is, wèl iech ouch hiel gere de lui vaan vreuger debij rope, nostalgisch ingestèld wie iech bin.

Meh... MEH....

Kinne v'r us zoe vertuine?[brón bewèrke]

Nein en nog ins nein! Dat geit zoe neet. V'r loupe debij wie e vètteg lieske. Hei moot ech nog gans get gebäöre ietot v'r de peers en de naobers kinne opzeuke.

Um mer e paar vaan de groetste pijnpunte te neume:

  • Sommege Limbörgse artikele, die v'r eigelek al in 2005 hejje mote höbbe, gief 't nog ummer neet! Wèt g'r, tot euver de miejerheid vaan de dörper in Belsj Limbörg nog gein artikel is? Iech vin 't 'n sjan! (En daobij loer is natuurlek ouch nao mien eige want iech waor al deen tied presint um get traon te doen.) Dat moot ech, ech weure aongepak dit jaor.
  • Somege artikele bestoon wel meh zien versjrikkelek verwaarloes. Nederlands Limburg kin anno 2024 ech neet mie zoe - erger verawwerd kin zoeget neet. Ouch artikele wie Geert Wilders en Max Verstappen zien väöls te laank blieve ligke. Dat zien toch artikele die väöl lui wel geïntrèsseerd zalle aonklikke; es ze dit vinde, höbbe ze astrein genóg vaan de Limbörgse Wikipedia! Dus: wat v'r aonmake mote v'r up to date hawwe (al geef iech touw tot iech zelf al deen tied geine zin had um get aon Wilder te doen; ouch hei höb iech dus sjöld).
  • Ouch 't Veurblaad, de ierste paasj dieste tegekums, is al väöls te laank 'tzelfde. Dat heet ouch 'n rei natuurlek: v'r make väöls te wieneg nui artikele aon um dat eder maond te wissele. Meh eder jaor get aanders, kom op, dat moot toch kinne?
  • 'tzelfde gelt veur de Unmenge aon neet-aofgemaakde artikele. V'r höbbe in de loup vaan de jaore 'n cultuur gekweek boe artikele haaf aofgemaak blieve ligke, dewijl hun oteurs rösteg aon get aanders beginne. Dat moot stoppe. Ietot 't 24 november is, mote de wio's verdwene zien. (En jao, ouch hei is e mea culpa gepas).

Iech hej m'ch Wikipedia anno 2024 trouwens ouch wel groeter gedruimp es 'r noe is, meh dat kin nog wel. V'r goon dit jaor vas wel de 15.000 euver, dat is e sjiek roond getal. En iech höb gelierd de kwaliteit väöl belaankrieker te vinde es de kwantiteit. Zoeväöl Wikipedia's in klein taole stoon vol mèt robot-geginnereerde stumpkes - mèt bekaans niks eigelek. Daan doen veer 't nog neet zoe slech!

En nog get positiefs ouch?[brón bewèrke]

Wiezoe al dat gezóks? V'r höbbe toch get te vere, jeh neet daan? Jehzeker! En dat goon v'r ouch doen.

Ierstens vin iech 't opknappe vaan Wikipedia wie bove besjreve al 'n vering op ziech, zeker es 't lök. Twiedens wèl iech ouch get fiesteleks doen. Iech dink daan in de ierste plaots aon 'ne sjriefwèdstrijd. Dao kinne v'r daan ouch lui vaan boete veur vraoge, beveurbeeld in de Hollandse kaffee. Zouwe v'r kinne dinke euver 'ne leuke pries, al waor 't mer 'n vlaoj? :)

Ouch de huugdepunte vaan 20 jaor Wikipedia verdene 't veur 't vootleech te koume. Eus bèste artikele, complete series etc. kinne daan op 't Veurblaad koume. Same, of in toerbeurt, edere maond 'n aandert. Dat is wel eve get aanders es vief'nhaaf jaor 'tzelfde artikel! En natuurlek mèt 't bijpassend fiestelek veurblaad.

Dus lui...[brón bewèrke]

Noe wèl iech uuch wel ins hure. Goon v'r dit vere? En doen v'r dat daan wie iech 't veur miech zeen, of gans anders? Laot uuch mer hure, Wikipediaone vaan vendaog en gistere, Ooswesthoesbes, Stephan 0796, Zeiverklaos, Luuk043, Pahles, Aelske, LightPhoenix, Guaka, Cicero, BertK, Pivos, Mergelsberg! Steinbach 🦇 (euverlègk) 10 fib 2024 22:48 (CET)Reageren[reageer]

Det gaon v'r zeker viere! :) De ieërlikheid verplich mich waal te zègke det ich op 't moment nieks d'raan kan doon, went 't is vastelaovendj. Zeker zón artikel ei wie Max Verstappe mót ich toch waal es Moferter kónnen oetbreie. --OosWesThoesBes (euverlègk) 11 fib 2024 11:35 (CET)Reageren[reageer]
Alaaf Owtb! Gelökkeg höbbe v'r nog wel e paar maond de tied um dit in orde te make. :) Steinbach 🦇 (euverlègk) 11 fib 2024 12:10 (CET)Reageren[reageer]
Dreimoal kreftig alaaf! 🎉 Natuurlig goa v'r dat vere! Dit joar wil ich mich weer concentrere op topografische óngerwerpe en 't beihaote van 't nuitsuueverzich. Wiejer zou ich mieë wille sjrieve uuever de Duutsje taal en höar dialekte. Meh ieësj de basis en vuur mich persuuenlig besjteet zie ooch oet artikele uuever dörper en anger topografische name in de Euregio. :) --Zjweëgelke (euverlègk) 11 fib 2024 14:09 (CET)Reageren[reageer]

Announcing the results of the UCoC Coordinating Committee Charter ratification vote[brón bewèrke]

You can find this message translated into additional languages on Meta-wiki. Help mit 't euverzètte nao dien spraok

Dear all,

Thank you everyone for following the progress of the Universal Code of Conduct. I am writing to you today to announce the outcome of the ratification vote on the Universal Code of Conduct Coordinating Committee Charter. 1746 contributors voted in this ratification vote with 1249 voters supporting the Charter and 420 voters not. The ratification vote process allowed for voters to provide comments about the Charter.

A report of voting statistics and a summary of voter comments will be published on Meta-wiki in the coming weeks.

Please look forward to hearing about the next steps soon.

On behalf of the UCoC Project team,

RamzyM (WMF) 12 fib 2024 19:23 (CET)Reageren[reageer]

De WikiconNL 2024 inschrijving is geopend![brón bewèrke]

De WikiconNL vindt plaats op zaterdag 18 mei bij Beeld & Geluid aan de Media Parkboulevard 1 in Hilversum. Schrijf je in via deze link.

De WikiconNL is de jaarlijkse conferentie over Wikipedia, Wikimedia, digitaal erfgoed en onderwerpen zoals auteursrecht en (linked) open data. Het thema dit jaar is 'tussen strijd en samenwerking'. Binnen dit thema is er aandacht voor nieuwe technologische ontwikkelingen en hun impact op Wikipedia en vrije kennis, hoe conflicten in de wereld de Wikimedia projecten kunnen beïnvloeden en is er aandacht voor samenwerking achter de schermen om consensus te bereiken over de inhoud. Kijk op deze pagina voor meer informatie en de oproep voor sprekers. ThamaraGroenleer (euverlègk) 28 fib 2024 12:56 (CET)Reageren[reageer]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Wikipedia:De_kaffee&oldid=463958"