Toeareg

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Gebeed boe de Toeareg inheims zien.

De Toeareg (otoniem Imuhagh) zien Berbers sprekende nomade in de Sahara en de Sahel, in hun eige spraokgebruuk Tinariwen geneump. De naom Toeareg kump oet 't Arabisch en is 't miervoud vaan targī, wat eigelek iemes oet Targa (in Libië) beteikent. Volgens hun eige euverlievering zien ze in de veerden en viefden iew, oonder hun legendarische keuningin Tin Hinan, vaanoet de umgeving vaan de Marokkaanse oaas Tafilalt. Traditioneel hele ze dromedarisse en geite. Allewel tot de Toeareg ziech nao d'n inval vaan de Arabere (zevenden iew) gaw tot d'n islam bekierde, höbbe ze dao ummer 'ne gans eige drej aon gegeve en hiel väöl vaan hun traditioneel cultuur behawwe. Vrouwlui genete, zeker veur d'n islamitische wereld, oetgebreide rechte; daobij is 't femiliesysteem matrilineair. Hun zöch nao vrijheid heet ze dèks in opstand gebrach tege oosterse machhöbbers, westerse kolonisatore en de diverse len boe ze allewijl touw hure. In versjèllende vaan die len bestoon separatistische beweginge.


Wiki letter w.svg  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Toeareg&oldid=372855"