Paumezóndig

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Paumezóndig of Palmzóndig ies bie de Katholieke de zóndig veur Paosje. 't Ies 't begin van de Gooj week. In de Griekse kèrk waor diet in de 4e ièw en in de Latiense kèrk in de 7e ièw al ‘ne fièsdaag ter herinnering aan de fièstelike bínnekóms van Jezus in de sjtad Jeruzalem. De luuj sjtruide olieftekskes en paumetekskes op de grónd ter ière van häöm, dae zoon van David woort geneump. Tekskes van de paumesjtroek, in Nederland van 't inheems paumebuimke of buxusplant, weure dan in de kèrk gezegend en oetgereik. Luuj sjteke zoan tekske op 't graaf van 'ne doaje of achter 'n kruusbeeld thoes um ónheil aaf te were. Bie de viering in de kèrk weurt 't passieverhaol veurgeleze.

Folklore[bewirk | brontekst bewerken]

'n Gebruuk ies um op paumezóndig 'ne paumepaosje of palmebessem (palmpasen) te laote wieje in de kèrk. Diet ies ein, meistal door kinger verseerd kruus, behange mèt paumetekskes, sjloek en fruit. Zoane paumepaosje weurt daonao aan emes cadeau gegeve.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Paumezóndig&oldid=339031"