Kruusbeeld

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Kruus mèt kruusbeeld op de Keuteberg

'n Kruusbeeld ies ein kruus woa-op ein aafbeelding sjteit of ein beeld hingk, van de sjtervende of gesjtorve Christus. De krusiging weurt bie de katholieke eder jaor herdach op Goje vriedig. 't Gebruuk van kruusbeelde weurt toegepas in 't Weste en 't sjtamp waarsjienlik oet 't land tösje Rien en Maas oet 950.

Crucifix ies 't Latiens woord veur kruusbeeld.

Op de hónderde waeg- en veldkruzer, die op sjplietsinge en krusinge van waeg sjtoon in Zuud Limburg, in de Voorsjtreek en in Belsj Limburg hingk meistal 'n kruusbeeld. Ouch moerkruzer, graafkruzer en kruzer in kèrke zint veurzeen van zoan beeld. In sjmeediezere kruzer zint sóms ander heilige verwèrk (Maria, Petrus, Ingele). 'n Kruusbeeld mèt de treurende Maria en Johannes de Duiper neump me calvarie.

Es de brónk of processie trèk (meistal mèt de kèrmes of op sacramentsdaag) en de route löp langs 'n kruus, weurt 't kruusbeeld verseerd mèt 'ne krans of mèt blome.

Commons
Op de pazjena Kruusbeeld van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Kruusbeeld&oldid=339047"