Sacramentsdaag

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Sacramentsdaag in Brazilië.

Sacramentsdaag (Festo Corporis Christi in 't Latien) ies e hoagfiès binne de Roams-Katholieke kèrk dat vèlt op de twiède dónderdeg nao Pinkstere. Op diet fiès viert me dat Jezus ziech es broad en wien wilt geve aan de geluivige. In de (dagelikse) H. Mis of Eucharistieviering weurt de hostie aan de aanwezige oetgedeild. De geluivige kriege dan via dit broad krach en wiesheid veur 't dageleks leve. De ièrbeed die in de Roams-Katholieke daag veur de geconsacreerde hostie besjteit weurt op deze sacramentsdaag extra benaodrök.

Op deze daag, of soms ouch op de zóndeg nao Sacramentsdaag, trèk de sacramentsprocessie oet, woabie de preester de geconsacreerde hostie in 'ne monstrans door de sjtraote van de parochie rónddreug.

In versjillende leng, woa-ónder Duutsjland, Portugal en Brazilië ies Sacramentsdaag 'ne officiële fièsdaag. In 1264 ies sacramentsdaag door Paus Urbanus ingesjtèld veur de waereldkèrk.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sacramentsdaag&oldid=462291"