Caïro
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Caïro (Arabisch القاهرة al-Qāhirah, Koptisch ⲕⲁϩⲓⲣⲏ Kahire; in de volksmoond مصر Maṣr, lètterlek Egypte) is de hoofstad vaan Egypte. De stad ligk aon de basis vaan de Nijldelta en heet neet minder es 10 mieljoen inwoeners; in de veurstei woene nog ins zoeväöl lui. Caïro is heimèt 't politiek, economisch, cultureel en intellectueel midde vaan gans 't land. De stad woort in 969 gestiech es fort bij de al bestaonde stad Foestaat. Foestaat en Caïro woorte de residentie vaan 't Fatimidekalifaot en greujde daodoor snel. Oet dezen tied stamp nog d'n Al-Azjarmoskee, nog ummertouw e beeldbepaolend monumint. Nao 't oetereinvalle vaan 't kalifaot waor Caïro nog deil, dèks hoofstad, vaan versjèllende staote en greujden 't oet tot de groetste stad in d'n islamitische wereld. In 1517 evels woort Egypte oonder de voot gelope door 't Osmaans Riek en raakde Caïro zien centraol positie kwiet aon Constantinopel. Wie 't centraol gezag vaan de sultan begós te verdwijne, bleujde ze op oonder de ummer oonaofhenkeleker oonderkeuning. Ouch oonder Brits koloniaol bewind en es hoofstad vaan 't oonaofhenkelek Egypte greujde de stad door.
Dit artikel is e sjtumpke. De kans Wikipedia helpe door 't aan te völle