Constantinopel

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Kaart van Constantinopel enne moere.

Constantinopel of Byzantium is 'n stad ane Bosporus en hètj allewiel Istanboel.

Constantinopel is 'n aaj Griekse stad, gestich door kolonisten oet Megara n 667 v.Chr. Zie neumdje de stad Byzantion nao häöre keuning Byzantas. De stad stèldje zich ane kantj van Pescennius Niger in dem ziene stried veure Romeinse keizerstroean en woort in 193-195 belegerdj door ziene rivaal Septimius Severus. De stad woort zwaor besjajig in dees belegering, meh Septimius Severes, dae keizer woort, herboedje de stad en die wón snel zien vreuger welvaart trögk.

Keizer Constantijn de Groeate woort dore gesjikdje lokaasje vanne stad aangetróch en in 330 woort die herstif es Nova Roma of Konstantinoupolis. Dao woort gezag det hae de stad kreeg aangewezen in 'ne profetischen druim. Constantinopel woort de nuuj houfstad van 't Romeins Riek, ouchal beheel Roeame zien politische en ikkenomische privileges.

Constantinopel waas de houfstad van 't Romeins Riek, daonao van 't Byzantiens Riek en in 1453 woort de stad ingenómme dore Ottomane. Ouch van die häör riek woort de stad de houfstad en ze sting bekèndj ónger versjillige name, worónger Constantinopel.

In 1923, doe 't modern Törkieje woort gestif, woort de houfstad verplaats nao Ankara. In 1930 woort de naam officieel verangerdj in Istanbul, 'ne naam dae is aafgelèdj van 't Grieks stin poli det "inne stad" mèntj.