Raod veur 't Limburgs

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De Raod veur 't Limburgs is ein commissie van persoeane die door Gedeputeerdje Staote beneump is óm zörg te drage veur 't Limburgs. Dae Raod adviseert ouch Gedeputeerde Staote bie 't te veure taalbeleid.

De Raod veur 't Limburgs is de werkgaever vanne streektaalfunctionaer. Same mit dem veurtj de Raod 't werk oet. De Raod zaet waat de streektaalfunctionaer doon mót en zörg mit d'r veur det 't werk gooj kwaliteit haet.

Wirkwies[bewirk | brón bewèrke]

De Raod veur 't Limburgs is 'n adviescommissie van Gedeputeerdje Staote van de Provincie Limburg. De Raod óngerzeuk de consequenties van de erkinning van 't Limburgs volges 't Europees handjves veur regionaal tale van de Europese Raod. Daobie óntwikkeltj de Raod veurstèlle veur de wiejer oetveuring van deil II van 't handjves en adviseert hae Gedeputeerdje Staote van Limburg euver 't te veure taalbeleid. Ouch initieert de Raod projecte womit d'n aandach veur de Limburgse streektaal wuuert óngerstuuendj. Dees projecte waere doorgaons in samewirking mit de Limburgse streektaalfunctionaer, Ton van de Wijngaard, oetgeveurdj.

De leje van de Raod veur 't Limburgs waere beneump door Gedeputeerde Staten. Zie vertaengewäördige weitesjappelike instèllinge en maotsjappelike en cultureel organisaties oet Limburg en de aangrenzendje gebejer, inclusief 't Pruses en 't Belsj. Wiejer make drie streektaalambassadeurs deil oet van de Raod. Häör specifieke taak is 't promote van 't Limburgs en 't oetdrage van 't provinciaal streektaalbeleid bie 't groeate publiek.

Samestèlling[bewirk | brón bewèrke]

De Raod veur 't Limburgs is es volg samengestèldj:

  • Prof. dr. R. van Hout, Radboud Universiteit Numwaege, veurzitter
  • Lic. R. Keulen, Katholieke Universiteit Leuve
  • Dr. G. Cornelissen, Institut für Landeskunde und Regionalgeschichte, Bonn
  • Dhr. L. Heijenrath, Veldeke-Limburg
  • Mw. Drs. K. Jansen-Rompen, Provincie Nederlands Limburg
  • Dhr. R. Godschalk, Jóngere Netwerk Limburg
  • Mw. R. Sprooten, streektaalambassadeur
  • Dhr. N. Wolfs, streektaalambassadeur
  • Dhr. F. Pollux, streektaalambassadeur

Brónne[bewirk | brón bewèrke]