Frans Pollux

Van Wikipedia
Gank nao: navigatie, zeuke

Dit artikel is gesjreve in 't Venloos. 't Weurt gewaardeerd óm in dit artikel 't Venloos aan te hauwe of aan te gaeve welk anger dialek gebroek is.


Frans Pollux (Tegele, 1 juni 1977) is einen echte Venlonaer en zoon van 'ne bekende en gewaardeerde Limburgse buutereedner. Tot veur kort (2006) waar hae nog de stadsdichter van Venlo. Maar toen d'r in Venlo vuuël minse op Geert Wilders hadde gestump, haet Frans bedank. Frans Pollux is ouk al sinds jaor en daag de zinger van Neet oet Lottum, eine Venlose en Limburgse dialectband. Frans Pollux is ook leedjesschriever veur de vastelaovend. Hae wuurt ouk wal betiteld als de nieje Frans Boermans. Hae haet de Venlose revue geschreve: Altied 't zelfde leedje.
De teks en de muziek van De kriebels van Bram & Ruud, de winnende sjlager van 't LVK in 2008, waore ouk van häöm.


De volgende sectie van dit artikel is gesjreve in 't Norbiks.

Ander waerk[bewirk | brontekst bewerken]

Pollux zaeëtelt, es vertegenwoordiger van de Provincie Limburg, in d'r Raod veur 't Limburgs, 'n dör de Provins beneumd orgaan dat tesame mit Veldeke Limburg sjtrieëktaal-beleidsvörsjtille nao de Provinciaal Uvverigheed deed.
Pollux is dör de Provins aa-gesjtaot es ambassadeur van 't Limburgs.
Frans Pollux presenteerde bies december 2007 an d'r regionale zender L1 -radio 't jongereprogram De bende van Pollux.
Pollux modereert debatte, zoewie o.m. 't PvdA-verkiezingsdebat (2006) mit Wouter Bos in de Bonbonnière in Mestreech.
Pollux sjrieft maondeleks 'ne column op de opiniepagina van Dagblad de Limburger.
Pollux is lid van de jury van d'r Veldeke-literatuurpries saer 2008.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Frans_Pollux&oldid=353728"