Moderator

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


'ne Moderator (van 't latiense moderati dat matige betekent) haet es taak um 'n discussie, 'n debat of 'n gesjprek in gooj bane te leie. Hae kèn vraoge sjtèlle, emes 't woord geve of wegpakke of eventueel toehuèrdersj bie de discussie betrèkke. Hae ies dan 'n soort gesjpreksleider.

Internet[bewirk | brón bewèrke]

De term moderator weurt ouch gebruuk veur emes, dae op Internet bepaalde privileges haet, die hae kèn gebruke en toepasse um 'n forum, mailinglies en websites netjes te houte of 'n discussie te leie. Um die taak good te kènne doon, höbbe moderatorsj dèks rechte um beriechte en aanvöllinge van gebrukersj aan te passe, te corrigere of weg te goaje.

Moderatorsj were geach ziech aan bepaalde reigelsj te houwe zoawie zie ouch moete kieke of ander gebrukersj dat doon (o.a. de Nettiquette). Deit 'r dat neet, dan kèn bie de sysop, systeembeheerder of nètwerkbeheerder 'n klach were ingedeend.

Vereiniginge[bewirk | brón bewèrke]

'ne Moderator waor ónder katholieke sjtudentevereiniginge en ander vereiniginge zoa-es Gidse, Verkennersj of Scouting, 'ne geistelike, dae door de kèrk (religie) waor aangeweze um 't katholiek gehalte van de vereiniging te bewake. Nao 1968 woort dit moderatorsjap aafgesjaf.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Moderator&oldid=352408"