Veldeke (vereineging)

Van Wikipedia
Gank nao: navigatie, zeuke
Dit artikel is in mierder Limburgse dialekte gesjreve. Perbeer estebleef waal mer ei dialek per alinea aan te hauwe.


De volgende sectie van dit artikel is gesjreve in 't Mestreechs.

De vereineging Veldeke is 'n conglomeraat vaan lui die ziech inzètte veur de Limburse volkscultuur, in 't bezoonder veur de dialekte. Zie is opgeriech in 1926 en (sins inkel jaore) georganiseerd in twelf kringe, boevaan 'n stad of 'n groet dörp miestal de naomgever is. De lede vaan 'ne krink organisere dèks plaotselik activiteite, wie lezinge, dictees of concerte vaan dialekartieste. De spelling (Veldekespelling) die de vereineging heet samegestèld (lètste versie in 2003), is aongenómme door de provincie Limburg. Zie weurt door väöl (semi-)officieel instanties en persone gebroek, beveurbeeld door streektaolfunctionarisse Ton van de Wijngaard en Mieke Steegs. Verhaole en gediechter vaan häör lede weure gepubliceerd in 't tiedsjrif Veldeke. De vereineging is genump nao Heinric van Veldeke, d'n ajdst bekinde vertegewoordeger vaan de Limburgse literatuur.


De volgende sectie van dit artikel is gesjreve in 't Valkebergs.

Op veursjpraok van Veldeke kreeg 't Limburgs dialek in 1997 de officeel sjtatus van sjtreektaal (Europese minderheidstaal). Dao kaom 'ne Raod veur 't Limburgs en 'ne officiële sjtreektaalfunctionaris. Veldeke Limburg is 'n vereiniging, die door de provincie Nederlands Limburg same mèt de Raod veur 't Limburgs es 'begroatingsinsjtèlling' is erkènd. De Raod veur 't Limburgs is officieel ingesjteld door de provincie en daodoor indirek democratisch gekoze. Veldeke Limburg ies 'n vereiniging die in 2007 rónd de 2000 leje vertegenwoordig.

Kring[bewirk | brontekst bewerken]

De kring van de vereiniging, die same Veldeke-Limburg vörme, zin de volgende:

Wèrkgroepe in 't besjtuur[bewirk | brontekst bewerken]

Lièrgank Limburgs[bewirk | brontekst bewerken]

In 2003-2004 vóng de ièrsjte, pos-HBO Lièrgank Limburgs plaats aan de Hogeschool Limburg in Zittert. De Twiède versie waor in 2007.
In de lièrgank kaome relevante aspecte aan de orde, op 't terrein van:

Limburgse plaatsname[bewirk | brontekst bewerken]

In 2000 woort 'n lies van Limburgse plaatsname gemaak door dialectoloog Frens Bakker. Zuug 't lemma Lies van plaatse in Nederlands Limburg. De lies geuf de officieel sjpelling van alle Limburgse sjtae en dörper, in 't dialek van de betreffende plaats.

Officieel sjpelling Limburgs[bewirk | brontekst bewerken]

In 1982 sjreef Jan Notten de "ièrsjte aanwiezinge veur de sjpelling van 't dialek". Oetgaonde van dezen opzat woort in 2003 de nuuj Veldeke-sjpelling samegesjtèld door de wèrkgroep Pierre Bakkes, Herman Crompvoets, Jan Notten en Frans Walraven. De Raod veur 't Limburgs en de provincie Limburg haet dees sjpelling es de officieel sjpelling van 't Limburgs aangenómme.

Tiedsjrifte[bewirk | brontekst bewerken]

  • 't Tiedsjrif, dat Veldeke oetgeuf en dat 6 kièr per jaor nao alle leje, in alle kring, weurt toegesjtuurd hèt: 't Veldeke-orgaan of Veldeke.
  • In 2006 weurt Veldeke 'n kwartaalblaad.
  • In 2006 versjient 't ièrsjte, speciaal veur de jeug gesjreve jaormagazine in A4-formaat: 't Jeugmagazine Veldeke (JMV)
  • In 2007 hèlt 't Veldekeblaad, nao 80 jaor, op te besjtoon en kriege de lede dat jaor 'n aantal nuujtsbreve en 'n Veldeke-jaorbook.
  • Veldeke haet ouch 'n paar bloomlezinge oetgegeve, mèt 'n selectie van de publikaties oet 't orgaan:
  • Saer 2006 geuf Veldeke-Limburg eder jaor 'n Jeugdmagazine Veldeke oet, mèt sjteun van de provincie. 't Blaad weurt versjpreid ónder de lièrlinge van groep 8 in de basissjoale van Nederlands Limburg.
  • Saer 2008 wèrk Veldeke, same mèt sjtiechting LiLiLi en 't Hoes van de Kunste, mèt aan de oetgaaf van "Platbeuk", woa-in verhaole en gediechte sjtoon in 't Limburgs.

Sjtudies en Literatuur[bewirk | brontekst bewerken]

  • 1984, 2e herzene versie. De Chineze van Nederland ies 'n book van Jan Notten mèt opsjtèlle euver de Nederlands-Limburgse dialekte.
  • In 2007 geuf Veldeke 'n populair-weitesjappelik book oet mèt de titel Riek van Klank. De inhoud besjteit oet 'n besjrieving van de sjtreektaal, de dialekte van 't gans Limburgs taalgebied, zoawaal Nederlands Limburg es Belsj Limburg. In de neuge hoofsjtökker kómme aan de orde:

Veldeke literair reeks[bewirk | brontekst bewerken]

Van 1992 tot 2001 were door de wèrkgroep Veldeke Literair, bloomlezinge oetgegeve in de Veldeke Literair Reeks. Dao versjene 12 deile.

Veldeke literatuurpries[bewirk | brontekst bewerken]

Eder jaor reik de vereiniging de Veldeke-literatuurpries oet aan 'ne diechter(es) of sjriever (sjriefster) in 't plat. De sjriefwedsjtried , georganiseerd door Veldeke Literair haet es doel um 't sjrieve in 't Limburgs te sjtimulere en de auteurs de kans te geve ziech te mete mèt ander sjrieversj. De insjrieftermien eindig op 15 september.

Wèrkgroep Volkscultuur[bewirk | brontekst bewerken]

De werkgroep volkscultuur van Veldeke-Limburg hèlt ziech bezig mèt volkscultuur en folklore in Limburg. De commissie Volkscultuur haet 'n subsite op de website van Veldeke-Limburg mèt o.a. volksgebruke, rouwtekste in 't plat, historie en heemkunde, veur de jeug, literatuur en muziek, folklore en Limburgse recepte. De lede van de commissie geve lezinge euver volkscultureel onderwerpe. De Commissie geuf, in samewèrking mèt eine Veldekekrink lèsbreve oet, die allenei handele euver 'n thema dat typisch ies veur Limburg. Volkscultuur (en de Limburgse sjtreektaal) in sjtand houte en bevordere ies de doelsjtèlling van Veldeke.

Veurzieter ies Yvonne de Vries oet Remung. Besjtuurslede zint: Nettie Engels-Geurts, Annie Schreuder-Derks, Riky Simons Julicher en Els Lahey-Diederen.

Lèsbreve veur de basissjoale in Limburg[bewirk | brontekst bewerken]

Lèsbreve zin beukskes, gesjreve in ein van de Limburgse dialekte, die handele euver ein bepaald aan Limburg gerelateerd ónderwerp. De doelgroepe zin de groepe 7 en 8 van de basissjoale. Alle sjoale in Nederlands Limburg kriege, of kènne, zoan beukske besjtèlle. De inhoud bevat historie, actualiteit, literatuur, muziek, knutselopdrachte, vraog en antwoord. De commissie Volkscultuur brach i.s.m. mèt ein van de 12 Veldekring de volgende lèsbreve oet.

Extern links[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Veldeke_(vereineging)&oldid=337551"