Annie Schreuders-Derks

Van Wikipedia
Gank nao: navigatie, zeuke

Dit artikel is gesjreve in 't Zösters. 't Weurt gewaardeerd óm in dit artikel 't Zösters aan te hauwe of aan te gaeve welk anger dialek gebroek is.


Annie Schreuders-Derks (*1943) haet häör laeveslang interesse in de Limburgse volkscultuur geconcretiseerd in häör volkskundig bureau “NostalNu” (heimwieë nao vreuger mit ein eigetieds kleuërke). De door häör bieeingebrachde collectie geuf ein good beeld van ’t laeve van de Limburgse vrouw in al zien facette in de lètste óngerhawve ieëw. Vanaaf 1988 woor ze mitwirker van ’t Limburgs Volkskundig Centrum in Lömmerich (Limbricht). In 1994 begoos zie mit ein eige volkskundig bureau en museum in häör woonhoes in Zöstere. In 2003 wórt det verplaats nao ein nuje rumer locatie in Ech. Dao wórt ‘t “Museum van de Vrouw” opgerich. Dao is Annie es conservator aan verbónje gebleve tot häör pensionering 01-01-2011. Daonao haet zie häör bureau, weer opgepak en trèk zie mit häör verhaole door de ganse provincie. Annie ies lid van de Commissie Veldeke-Volkscultuur.

Werk[bewirk | brón bewèrke]

Annie ies 'n sjriefster oet Zöstere die sjrief in 't Nederlands en in 't Zösters. Thema's en onderwerpe zint volkscultuur, fièsdaag, gebruke, eetgeweuntes en ander Limburgse tradities. Ze sjrief ouch verhaole en gediechte in 't Zösters dialek.

  • Verhaole in “Limburgs dierbaar Woord”, 1987.
  • 1992, Uit Anna’s Santenkraam: (Nederlands) Volksgebroeke róndj heilige. Ootgegaeve door Stichting Charles Beltjens, Zitterd
  • 2011, Susteren weerspiegeld: Zoa zagte ze in Zöstere. Verhaole in ’t Zösters. Oetgegaeve door Heemkundeverenigig “de Natuurvrienden” Zöstere.
  • 2012, (Nederlands) De 4-deilige serie: De hele Santenkraam. Limburgse Almanak euver tradities en heilige in lente, zomer, herfs en winter. Oetgegaeve door TIC Mesjtreech
  • In ènkel nummers van serie LiLiLi.
  • Biedrages in Platbook 6, 8, 9,10,11, 12, 15
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Annie_Schreuders-Derks&oldid=411240"