Venroj

Gemeinte Venroj (Venray)
Provincie	Limburg
Hoofplaats	Venroj
Börgemeister (lies)	Hans Gilissen (PvdA)
Opperflaakde – daovan water	146,36 km² 0,73 km²
Inwoeners – deechde:	42.858 (1-4-2011) 294/km²

Dit artikel is gesjreve (of begós) in 't Venrods. Laes hie wie v'r mit de versjillende saorte Limburgs ómgaon.

---

Venroj (officiële naam Venray) is 'n pláts en gemaente ien Noord Nederlands Limburg, án de rând van de Pieël. Op 1 jannewarie 2006 wonde hier 39.030 meense; nao de laeste heriendieëling (2010) motte dat 41.000 meense zien. 't Oppervlak van de gemaente waar vur 2010 146,03 km²; veul van dat gebied is bös en heiland. Aend 2020 kreeg de gemaente plátsnaamborde ien 't dialekt. De gemieënte bestöt uut de kerne:

• Aostrem (Oostrum)
• Blitterswik (Blitterswijck)
• Geistere (Geysteren)
• De Haej (Heide)
• IJselstein (Ysselsteyn)
• Câssele (Castenray)
• Luuëne (Leunen)
• Maersele (Merselo)
• Oeldere (Oirlo)
• De Smákt (Smakt)
• 't Väöle (Veulen)
• Venroj (Venray)
• De Vredepieël (Vredepeel)
• Wânsem (Wanssum)

De däörpe Blitterswik, Geistere en Wânsem wiere op 1 jannewarie 2010 uut de toendertied opgeheve gemaente Mieëldere-Wânsem ien de gemaente Venroj ovvergebracht.

't Dialekt van Venroj behuuërt tot de Kleverlandse dialekte, már het wel Limburgse kenmerke. Binne de grenze van de gemaente Venroj ligge vername legerbasese vur zoeëwel de lochtmacht as vur de landmacht.

Gescheidenis

Middelieëwe

Venroj huuërde sins begin 13e ieëw beej 't graafschap Gelre dat ieën van de belangriekste vorstedomme waar ien de Lieëge Lande en dees bestoont uut de kwetiere Zutphen, Veluwe, Numwaege en 't Aoverkwetier. Venroj behuuërde tot 't Aoverkwetier mit as bestuurlek centrum Remund. Dees bevatte stukke van 't tiggewoordege Noord- en Midde-Limburg en ok stukskes van 't ángrenzende gebied van Nordrhein-Westfalen. Verder ware dees kwartier aoververdieëld ien ambte Venroj behuuërde tot 't ambt van Kessel. D'n hieër van dit ambt wonde ien 't kastieël van Kessel en later ien Huys ter Horst.

Venroj kreeg ien 1224 van graaf Gerald III van Gelre 't patronaatsrecht en de tiende van de kaerk goonge nor de Munsterabdij van Remund. Ok wiere 'r tusse 1394 en 1402 munte geslage ien Venroj.

Ien 1422 wier 'r ien Vernoj 'n convent gesticht van Zusters van het Gemene Leven, dit wier latter 't kloeëster 't Jerusalem.

Rond 1462 wier begonne mit 't bouwe van de Pieëtrus Bânde.

Ánzicht

Venroj is pas ien de twintegste ieëw tot stad uutgegräöjd; dorrum het "de stad" 'n echte dörpskern en 'n bescheie kaerk. De umgaeving ten zuie is bosriek: dor ligt 't Nationaal Park de Groote Peel.

Rechs-extremisme

Venroj is de afgeloeëpe jaore enkele kiere negatief ien 't neejs gewist vanwaege rechs-extremistische aktiviteit. De gemaente het relatief veul zoegenoemde Lonsdale-jongere. Begin 2006 organiseerde de verboje groep Blood & Honour 'n kransleging op de Pruusse oorlogsbegrefpláts Ysselsteyn.

Geboare ien Venroj

• Dr. H.A. Poels, filantroop en priester

Externe link

• Website van de gemieënte
• DorpenVenray.nl Informatiesite ovver de verschillende kerne van Venroj

51° 32' NB, 5° 58' OL