Baekdale

Van Wikipedia
Naar navigatie springen Naar zoeken springen
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Sjènnes, as te dit dialek sjpriks.

Gemeinte Baekdale (Beekdaelen)

De gemeinte Baekdale veurt nog gei veendel.

Waope vaan de gemeinte Baekdale.

Provincie Limburg
Hoofplaats n.n.b., mesjiens Nut[1][2]
Börgemeister (lies) n.n.b.[3]
Opperflaakde
– daovan water
78,49[4] km²
0,12[4] km²
Inwoeners
deechde:
35.837[5]
457/km²

Baekdale (officieel Nederlands: Beekdaelen) is 'n fusiegemeinte in Nederlands Limbörg die op 1 jannewari 2019 is ontsjtange oet de auw gemeintes Ongerbanke, Nut en Sjènne. De gemeinte ligk in 't noorde van 't Heuvelland en haet 'n euverwegend lanjelèk karakter.

Vorming[bewirk | brón bewèrke]

In 1982 woort Zuid-Limbörg heringedeild. 't Aontal gemeintes zakde daobij in de ganse provincie vaan 103 nao 68, dewijl in de res vaan de provincie gaaroet gein herindeilinge plaotsvoonte. Heibij kaom oonder mie de gemeinte Óngerbenk tot stand, dewijl Nut en Sjènne hendeg woorte oetgebreid. Wie toen nog gebrukelek woorte dees fusies door 't Riek opgelag.

Dit waor de ierste twinteg jaor genóg. De regering bleef de gemeinte evels ummer mie take geve die vreuger door 't Riek of de provincie woorte gedoon. Nao 2000 begós me wel in te zien tot nui herindeilinge op de langen door neet te veurkoume waore. Noe wouw me dat evels neet vaan bovenaof regele, meh de gemeintes zoeväöl meugelek op eige initiatief doen fusere. In de jaore tien kaom dat perces in 'n struimversnelling. In december 2015 beslote Sjènne en de Óngerbenk veur fusiegesprekke te beginne. Later sloot Nut ziech daobij aon. Op 1 november 2016 prizzenteerde de drei gemeintes e herindeilingsoontwerp, compleet mèt geplande fusiedatum. Dit plan woort drei maond t'r inzage gelag en góng in fibberwarie 2017 nao de provincie.

Noe tot 't plan concreet woort, mós me 'ne naom veur de fusiegemeinte bedinke. Börgers mochte 'ne naom suggerere. Oet 178 suggesties, boevaan 79 'geldege', koos me 'rs drei: Beekdaelen, Beemdenrade en Bekenrade. Dao mochte alle börger vaan twelf jaor of awwer euver stumme. Oetindelek koos zoeget dreikwart veur Beekdaelen.[6]

Op 28 miert 2017 woort 't herindeilingsplan officieel door de drei gemeinteraode aongenome. In de loup vaan 't jaor stumde ouch de provincie en 't Riek demèt in.

Herindeilingshistorie[bewirk | brón bewèrke]

Zuug ouch: Lies vaan geweze gemeintes in Nederlands Limbörg

Kerne[bewirk | brón bewèrke]

De gemeinte umvat 15 dörpskerne:

Politiek[bewirk | brón bewèrke]

De börgemeister weurt ind december bekindgemaak en daan op z'ch vreugs op 1 jannewarie es woernummende börgemeister beneump door de provinciegouverneur. In principe weurt heer of zij daan in de loup vaan 't jaor door de Keuning vas beneump.[3]

Gemeinteraod[bewirk | brón bewèrke]

Op 21 november 2018 woorte in de touwkumstege gemeinte raodsverkezinge gehawwe.[7] D'n oetslaag waor de volgende:[8]

Partij Zetele
CDA 7
Vernieuwingsgroep 6
Beekdaelen Lokaal 5
VVD 3
GroenLinks 2
D66 1
PvdA 1
Totaol 25

E colleesj gaof 't bij de instèlling vaan de gemeinte nog neet.[9]

Bronne[bewirk | brón bewèrke]

Dit artikel is deils euvergenome vaan 't corresponderend Nederlandstaoleg artikel, en wel in dees versie.

Rifferenties[bewirk | brón bewèrke]

  1. Beekdaelen.nl - Veel gestelde vragen: "Op dit moment bestaat niet het voornemen om een nieuw gemeentehuis te bouwen. Wel bestaat het voornemen om op de huidige locaties in Onderbanken, Nuth en Schinnen als servicepunten in stand te houden."
  2. Dagblad De Limburger - Gemeenteraad Beekdaelen gaat vergaderen in Nuth
  3. 3,0 3,1 Beekdaelen.nl - Welkom in Beekdaelen: "De commissaris van de koning benoemt vanaf 1 januari 2019 tot het moment waarop de nieuwe burgemeester is benoemd een waarnemend burgemeester voor de gemeente Beekdaelen."
  4. 4,0 4,1 De drei fusiegemeintes opgetèld, grenscorrecties en aofroondingsfoute veurbehawwe.
  5. De drei fusiegemeintes opgetèld, per 31 mei 2018. Grenscorrecties veurbehawwe.
  6. 1Limburg - Nuth-Schinnen-Onderbanken kiest voor Beekdaelen als naam
  7. Beekdaelen.nl - Gemeenteraadsverkiezingen
  8. de Limburger - Dit zijn de 25 gekozen raadsleden uit Beekdaelen
  9. Gemeente Beekdaelen - Samenstelling college. Bezeen op 2 jannewarie 2018.

Extern links[bewirk | brón bewèrke]

 
Provincie Limburg
Vaan van Nederlands Limburg

Baek · Baekdale · Baerge · Bezel · Broensem · Ech-Zöstere · Èèsjde-Mergraote · Gennep · Gulpe-Wittem · Haors aan de Maas · Heële · Kirchroa · Lankgraaf · Leudaal · Maasgoew · Meersje · Mestreech · Mook en Middelar · Ni-jwieërt · Pieël en Maas · Remuunj · Roerdale · Stein · Valkeberg aan de Geul · Venlo · Venroj · Voelender · Vols · Wieërt · Zittert-Gelaen · Zumpelveld

Opgeheve gemeintes

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Baekdale&oldid=431710"