Hölsberg

Van Wikipedia
Gank nao: navigatie, zeuke

Dit artikel is gesjreve in 't Hölsbergs. 't Weurt gewaardeerd óm in dit artikel 't Hölsbergs aan te hauwe of aan te gaeve welk anger dialek gebroek is.


Hölsberg (Hulsberg)
Gewaeze gemeinte in Nederlandj

Hulsberg wapen.svg

Gevörmp 1800 (es gem.)
Opgehaeve 1982
Opgegange in Nut
Provincie Nederlands Limburg
Hoofplaats Hölsberg
Opperflaakde (bie opluffing) 8,99[1][2] km²
– daovan water: 0,00[1] km²
Inwoeners (kort veur opluffing) 3.475 (1971)
deechde: 386/km²
Lies van börgemeisters
Kèrk van Hölsberg

Hölsberg is e dörp in de gemeinte Nut in Zuud Limburg. Op 1 januari 2005 woonde d'r 4300 luuj. Tot 1982 waor Hölsberg 'n zelfsjtendige gemeinte. Bie de gemeintelike herindeiling kaom 'n deil van 't gebeed van de veurmalige gemeinte Hölsberg bie de gemeinte Valkeberg aan de Geul. Hölsberg woort veur 't ièrsj vermeld in 1147 es Hulsberga.

De kèrk van Hulsberg is gewied aan de heilige Clemens. 't Kèrkgeboew dateert oarsjprónkelik oet 1820, meh ze woort ingriepend verboewd en vergruèt in 1908 en 1930. De glaas-in-loadvinstere zint gemaak door Hans Truyen. 't Örgel is geboewd door de Mestreechse örgelboewesj Willem Theodoor Pieter Theo Pereboom en Jean Leyser en is geplaats rónd de jaorwisseling van 1871/1872. In 't instrument is piepwerk oet de 18e ièw verwèrk.
Op de kruutsing Raodhoessjtraot en Sjoalsjtraot sjteit 'n groat Heilig Hartbeeld oet 1941. Dao taegeneuver sjteit 'n beeldje van de "Vlegende bok" mèt in de buurt 'n mei-den.

Aan de Sjoalsjtraot bevingk zich 'n neogotisch kloaster, opgetrokke oet kundersjtein, van de zustesj Franciscanesse. Zie gaove jaorelank ónderwies aan de lièger sjoal (Basissjoal) in Hölsberg.

Aan de Mèswaeg lik 'n groate nuuj woonwiek mèt "veld"name es sjtraotname.

De "Zendmast Hulsberg", 'n radio- en televisiemas, sjteit neet in Hölsberg meh in 't gehuch D'n Emmaberg, dat bie Valkeberg huèrt. Tot 1940 huèrde dit gehuch gedeiltelik bie de gemeinte Hölsberg.

Buurtsjappe[bewirk | brontekst bewerken]

Kloaster in kundersjtein
  • G'n Eikske
  • Panhoes

Waope[bewirk | brontekst bewerken]

De gemeinte Hölsberg kreeg relatief laat, op 19 december 1931, van d'n Hoage Raod van Adel e waope, wat zich zoa lièt umsjrieve:

Gedeild: I. in zilver (wit) 'ne lièw van keel (roed), genageld en getóngk van goud (geel) mèt döbbele sjtaart; II. in goud 'ne vanoet 't sjildpunt opriezende berg van sinoepl (greun), getup mèt e hölstekske in natuurleke kleur; achter 't sjild sjteit mèt d'n linker óndererm dao-op röstend, d'n H. Clemens, paus en martelaer, in pauselek kleid, de kop gedèk mèt d'n tiara, alles van natuurleke kleur. Um d'n haus dreug hae 'n kaord van goud, mèt dao-aan 'n anker van sabel ( 'źwart). In dd rechterhand haet hae 'ne pauseleke kruussjtek.

De lièw is 't waope van 't gesjlach Valkeberg, hière euver Hölsberg, 't linkerdeil (heraldisch, dus veur de kieker rechs) is sjprekend, Clemens is de petroanheilege.[3]

Historische inwoenertalle[bewirk | brontekst bewerken]

jaor aantal jaor aantal jaor aantal
1830 1.023[4] 1879 1.222[5] 1930 2.506[6]
1840 1.059[7] 1889 1.324[8] 1947 2.196[9]
1849 1.127[10] 1899 1.682[11] 1956 2.419[12]
1859 1.144[13] 1909 1.754[14] 1960 2.687[1]
1869 1.144[15] 1920 2.083[16] 1971 3.475[2]

Dörpsvereiniginge[bewirk | brontekst bewerken]

Rifferenties[bewirk | brontekst bewerken]

  1. 1,0 1,1 1,2 Volkstèlling 1960 - Bevolking vaan gemeintes en oonderdeile vaan gemeintes
  2. 2,0 2,1 Volkstèlling 1971 - Plaatseleke indeiling
  3. Heraldrywiki - Hulsberg
  4. Volkstèlling 1830
  5. Volkstèlling 1879 - Limbörg: plaotseleke indeiling
  6. Volkstèlling 1930 - Plaotseleke indeiling
  7. Volkstèlling 1840 - Limbörg
  8. Volkstèlling 1889 - Limbörg
  9. Volkstèlling 1947 - Plaotseleke indeiling
  10. Volkstèlling 1849 - Hertogdóm Limbörg: gemeintesgewijs indeiling vaan de provincie
  11. Volkstèlling 1899 - Limbörg
  12. Woeningtèlling 1956 - Veurnaomste gegeves per gemeinte
  13. Volkstèlling 1859 - Plaotseleke indeiling
  14. Volkstèlling 1909 - Plaotseleke indeiling
  15. Volkstèlling 1869 - Feiteleke of getèlde bevolking in eder gemeinte van 't riek
  16. Volkstèlling 1920 - Plaatseleke indeiling

Extern links[bewirk | brontekst bewerken]

 
Gemeinte Nut
VlagNut.PNG
Dörper: Hölsberg | Nut | Sjömmert | Vaosje | Wienesrao
Buurtsjappe en gehuchte: Aolbaek | Arensgenhout | Op de Bies | Brand | Brómmele | Gekruts | Griëzegröbbe | Groat Hazel | G'n Hèl | Hèllebrook | Hómmert | Hunnekem | Kamp | Kathage | Klein Hazel | Kleingenhout | Laor | Lui | Nirve | Oansel | G'n Reuke | Tersjtraote | Tervoeësj | Vink | Wisjegrach | Zjwier
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Hölsberg&oldid=351713"