Vink (Baekdale)

Van Wikipedia
(Doorverweze van Vink (Nut))

Dit artikel is gesjreve (of begós) in 't Wienesraos. Laes hie wie v'r mit de versjillende saorte Limburgs ómgaon.


Sjpekhoeës va Vink

G'n Vink is 'n buurtsjap i Wienesrao in de gemeënte Baekdale geleëge tösje Hölsberg en Hunnekem.'t Gehuch lik hoeëg en aafgeleëge in 't veld baoëve de Vinkerbeëk, de Wienesraoderbeëk en 't natuurreservaat d'r Ouwe bösj. Vuur g'n sjoeël, g'n kèrk en de winkele zint de luuj aagewieëze op Wienesrao. G'n Vink kreëg pas in 1956 electriciteit.

In totaal sjtunt 'r óngevier 14 hoeëzer, woeëvan 'n aantal ouw carréboerderieje. Boerderie Huntjens sjtamp oet 1857 vertèlt 'ne geëvelsjteen. Aan de helling langs d'r Pötweëg sjteet 't sjpekhoeës va Vink, 'ne haoëf geboewd in vakwerk en sjpeklaoëge.

Op de kruuësing mèt d'r veldweëg naoë Hunnekem sjteet in d'r sjieëm van drie lingebuim 'n groeëte baeëkapel, gewiejd aan Sleëvevrouw van Ummer doerende bieësjtand. Door de inwoeënesj is in 1930 't initiatief genómme um 'n kapelke te boewe. In de loup der jaoëre is dat naoë achtere toe oetgeboewd, zoeëdat d'r plaats kaoëm vuur 'n zestal banke en 'n altaor. 't Vruuëger kapelke is noeë d'r ingank. 't Vierkentig gebuuwke mèt 'n zjwart tentdaak is opgetrokke oeët verweërde betónblök.

 
Gemeinte Baekdale
Dörper: Awstroa · Bèngelder · Doevergenhout · Doonder · Hölsberg · Jaobik · Merkelbek · Nut · Oeësjbik · Pöt · Sjènne · Sjilvend · Sjömmert · Vaosje · Wienesrao · Zjweikese
Buurtsjappe en gehuchte: Aolbaek · Arensgenhout · Billich · Brand · Brómmele · Doeve · Gekruts · De Grach · Griêzegröbbe · Groat Hazel · Groeët Doonder · G'n Heisterbrök · G'n Hèk · Hout · Ieëtselder · G'n Hèl · Hèllebrook · Hómmert · Hunnekem · Kamp · Kathage · Kleen Doonder · Klein Hazel · Kleingenhout · Kwabik · Laor · Lui · Nagelbek · Nirve · Oansel · Op de Bies · Op d'n Hiering · Oppeven · Raat · G'n Reuke · Tersjtraote · Tervoeësj · Töl · G'n Veel · Vink · Wisjegrach · Woufhage · Zjwier
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Vink_(Baekdale)&oldid=432106"