Altaor

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Altaor in de kèrk van Amay

't Altaor ies in de Katholieke kèrk 'n sjteine of houte taofel woa-aan de Eucharistie of Heilige Mès weurt gevierd door de preester of veurgenger. Van te veure ies 't muibelsjtök door de biesjop gewiejd. Veur 't 2e Vaticaans concilie sjting de preester mèt de rök nao de luuj toe aan 'n altaor, dat meistal 'n hoage opboew houw, verseerd mèt altaarkaste, beeldegroepe of 'n retabel. In 't miedde bevingk ziech 't tabernakel. Dit hoofaltaor sjteit op 't koar. Op 't altaor liek 'ne altaordwaal, 'n liene taofellake woa-op 't altaorkruus sjteit. Allewiel sjteit de veurgenger achter 'n taofel mèt 't geziech nao de luuj toe es'r de mès opdreug.

'n Zie-altaor sjteit in 'n ziekapel, die ziech meistal in 'n ziebeuk of achterin de kèrk bevingk. Zoan zie-altaor-kapel ies gewiejd aan 'ne bepaolde heilige.

Links[bewirk | brón bewèrke]

Commons: Altar – Media gerelateerd aan dit óngerwerp
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Altaor&oldid=411379"