Griêzegröbbe

Dit artikel is gesjreve (of begós) in 't Nuts. Laes hie wie v'r mit de versjillende saorte Limburgs ómgaon.

---

Mariakapel in Griëzegröbbe

Griëzegröbbe (Nederlands Grijzegrubben) is 'n buurtsjap in de gemeinte Baekdale woeë óngevier 40 hoeëzer en häöëf ligke. In d'r naam Griëzegröbbe kump 't woerd gröb vuur, dat 't zelfde beteikent es holle waeg. In dit gehuch sjieëne al in 200 naoë Christus luuj gewoeënd te höbbe.
Op de krutsing Griezegröbbe- Bakhoeëswaeëg en Houwnaswaeëg sjteet 'n Mariakapel oeët 1945. Naeëve 'n plek vuur devotie wuurt ze aoch gebruuk es rösaltaoër bie d'r jaoërlikse brónk. Griëzegröbbe huurt bie de heilige Bavoparochie va Nut.
Midde i g'n dörp sjteet de dörpspómp oeët 1921.

Gesjiedenis

In 't begin va d'r 17e ieëw wuurt op 'n höfke Griezegröbbe 't huwelik voltrokke va jónkhièr Julius va Sjaasberg en Maria va Gebrook (Hoensbroek). I 1637 wuurt d'r naam Griezegröbbe genump i verband mèt 't verpachte va land doer Aleida va Griezegröbbe aa Bartholomeus va Reymersbeeck.
I 1731 wuurt de vereniging de Bulsjersj (sjpasmaeëkersj) opgerich. Zie organisere väöël fieëste, wie weiefieëste en boerebroelofte. De boerebroelof is 'n traditie, die um de 5 jaoër trukkump.

Dörpsvereniginge

• Fanfare St.Donatus oeët 1921

Extern website

• http://www.grijzegrubben.nl