D'r Sjeet

Dit artikel is gesjreve (of begós) in 't Sjeter. Laes hie wie v'r mit de versjillende saorte Limburgs ómgaon.

---

H.H. Petrus en Paulus, D'r Sjeet, 2006.

Kesjtièl Sjaesberg

D'r Sjeet of Sjaasberg (Nederlands: Schaesberg) is 'n dörp in de geminde Lankgraaf i Nederlands Limburg. Tot 1982 waoër Sjaasberg 'n aparte geminde. D'r vruuëgere officiële naam waoër Scheyd of Scheijd. D'r naam kump van 'n sjeiing ('t sjeid) tösje de bake: de Sjtriethagerbaak en de Gelaenbaak. D'r huuëdige Nederlandse naam wis naoë 'n adellik gesjlach Schaesberg en is pas i gebroek genómme, wie de sjtasie van d'r Sjeet woert geäöëpend (1897). Saeër 1974 is 't gelieknamig kesjtieël van de Hieëre va Schaesberg 'n rewieën. In februari 2008 wert bekaand gemakd dat me de rewieën wèlt restaurere op de meneer wie me dat ooch in 't Fraanse Guédelon dèèt. Op die meneer wert de restauratie zelf al 'n toeristische attractie.

't Centrum van d'r Sjeet haat 'n inwuuënersaantal van 3.570 luuj (sjtank: 2008) en 'n oppervlakde van 140 hektaar.

Kerne zunt:

• Aan de Baan
• Boesberg
• 't Iksjke
• Hoeëpel
• D'r Kakert
• Lieënhof
• D'r Lichtemig
• Mienbuurt
• An d'r Sjlaagboom
• Sjtriethage.

Bezeenswaerdig

• De rewien van Kestièl Sjaesberg
• Kesjtièl Sjtriethage mèt 't ómligkende park
• Watermeule Sjtriethage bie 't kesjtièl.

Gebaoëre

• Frans Erens, sjriever
• Ger Lataster, sjilder