Sjömmert

Van Wikipedia
Gank nao: navigatie, zeuke

Dit artikel is gesjreve in 't Sjömmerts. 't Weurt gewaardeerd óm in dit artikel 't Sjömmerts aan te hauwe of aan te gaeve welk anger dialek gebroek is.


De kèrk van Sjömmert geboewd in kundersjtein.

Sjömmert (Nederlands: Schimmert) is e dörp in de gemeinte Nut en nao Nut zelf en Hölsberg de groatste kern. Sjömmert is, nao Ubachsberg, 't hoags gelaege kèrkdörp van Nederland. Woas se ouch nao toe geis, doe mós ummer bergaaf, ofs se noe nao 't aangrenzende Hölsberg, Valkeberg, Nut, Meersje, Sjpauwbik, Ulesjtraote of Genhout geis. In 2005 wone d'r 3500 luuj.

In 't jaor 50 zou hie 'n nederzètting höbbe gesjtange van de Sunici of Schineks. De ièrsjte vermelding zou zin oet 847 es Schimortera. Hie is in 2010 ouch de Brei Sjoal nao verneump.

Buurtsjappe[bewirk | brón bewèrke]

Bie Sjömmert huère de buurtsjappe:

Bezeenswaerdig[bewirk | brón bewèrke]

De watertaore van Sjömmert
  • Sjömmert is bekènd van ziene watertaore oet 1926, dae al van gans wied is te zeen. Eigelik sjteit deze in Hazel. Architect Jos Wielders maakde 't óntwerp, dat vèlt ónder de sjtiel van de Amsterdamse sjoal. De huègde is 38 maeter en de taore sjteit op 178 m baove A.P. 't Betonne reservoir haet 'ne doorsjnee van 13,5 m., 'n deepde van 7.90m en 'ne inhoud van 1150 m3 of 1.150.000 lieter.
  • In de Hoofsjtraot sjteit de neogotische kèrk gewiejd aan de heilige Remigius. Ze is geboewd in kundersjtein op de fundamente van 'n ouw kèrk oet 1832. De taore is 65 maeter hoag. De architecte van 't geboew zin Joseph Cuypers en Pierre Cuypers jr.. Binne sjtaon 'n Barbarabeeld van Charles Eyck, 'n houte beeld van Theresia van Lisieux van Jean Weerts en gebrandsjilderde vinstere van Jos Stassen. De pastorie sjtamp van 1898. Hie lik 'n aantal ouw häöf woa-ónder eine dae in vakwerk is opgetrokke.
  • In de gehuchte van Sjömmert zin 'n groat aantal kepelkes te vènge, waovan 't groatste gedeilte is gewiejd aan Maria.De Maria-verering haet altied 'n prominente plaats gehad in de parochie van Sjömmert, en is sinds de kóms van de Patersj Monfortanen en de Dochters der Wijsheid flink gegreujd. In totaal sjtaon d'r 5 kepèlkes, te weite :
    • De Mariakapel op De Bies
    • De Mariakapel in Gekruus
    • De Mariakapel in Klein Hazel (baove )
    • 't Sint Rochuskepelke in Klein Hazel (ónger)
    • De Sint Hubertuskapel in Groat Hazel

Daonaeve zis ouch nog 'n groat aantal waeg-kruzer te vènge en sjteit 'n Heilig Hartbeeld in Klein Hazel, op de sjplitsing Hermessjteeg/'t Krakes

  • Ónger in de Bies is saer 'n aantal jaore 'n gedachtenis-monument opgerich ter herdènking aan de gesjloopde kloastersj van de Paters Monfortane en de Dochters der Wijsheid.

Persone[bewirk | brón bewèrke]

In Sjömmert woort Gulielmus Lemmens gebaore, dae van 1932 bis 1958 bisjop van 't bisdom Remung waor.

Legende[bewirk | brón bewèrke]

Euver Sjömmert geit ouch ein legende. Wie Karel de Groate ins verdwaald waor, zoog hae op 'n gegaeve moment örges 'n leech sjiene (Sjènne), en 'n leech sjömmere (Sjömmert). Omdat hae zao dankbaar waor dat 'r de waeg weer truk houw gevónge, leet 'r oet dank op de plaats woa hae 't leech zoog sjiene en sjömmere ein kapel boewe

Dörpsvereiniginge[bewirk | brón bewèrke]

  • Sjuttersgezelsjap Sint Sebastiaan ( heropgerich 1957, mer volges alles heij Sjummert al 'n sjutterie in de 17e eeuw. )
  • Voetbalvereiniging Schimmert 1940
  • Carnavalsvereiniging de Taarbreuk 1957
  • Toneelvereiniging Crescendo
  • Jong Nederland
  • TaofelTennisVereiniging Quick 72
  • Tennisclub De Waterkoel
Commons
In de categorie Schimmert van Wikimedia Commons zeen media gerelateerd aan dit óngerwerp te vènje
 
Gemeinte Nut
VlagNut.PNG
Dörper: Hölsberg | Nut | Sjömmert | Vaosje | Wienesrao
Buurtsjappe en gehuchte: Aolbaek | Arensgenhout | Op de Bies | Brand | Brómmele | Gekruts | Griêzegröbbe | Groat Hazel | G'n Hèl | Hèllebrook | Hómmert | Hunnekem | Kamp | Kathage | Klein Hazel | Kleingenhout | Laor | Lui | Nirve | Oansel | G'n Reuke | Tersjtraote | Tervoeësj | Vink | Wisjegrach | Zjwier
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Sjömmert&oldid=371786"