Baerge

Van Wikipedia
Naar navigatie springen Naar zoeken springen
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Baergs, as te dit dialek sjpriks.

Gemeinte Baerge (Bergen)

Vlag van Baerge

Wape van Baerge

Gemieënte Baerge in Limburg

Provincie Limburg
Hoofplaats Ni-j-Berge
Börgemeister (lies) Manon Pelzer (CDA)
Opperflaakde
– daovan water
109,42 km²
4,49 km²
Inwoeners
deechde:
13.351 (1-4-2011)
127/km²

Baerge (Nederlands: Bergen) is 'n plattelandsgemeinte in 't noorde vaan Nederlands Limburg. 't Aontal inwoeners ligk tösse de 13.000 en 14.000, verspreid euver versjèllende kerne aon d'n ooskant vaan de Maos. 't Oppervlak is 109,45 km², daovaan is 3,00km2 water.

Kerne[bewirk | brón bewèrke]

De gemeinte umvat de volgende kerne en bijbehurende naobersjappe.

Baerge is 'n hendeg bos- en heirieke gemeinte. E groet deil vaan 't zuidelek deil vaan de gemeinte, um en tösse Wel en De Wellerloj,weurt ingenómme door 't Nationaal Park de Maasdune.

Historie[bewirk | brón bewèrke]

De gemeinte Baerge woort in 1800, oonder Frans bewind, gevörmp oet de aw sjepebenk Baerge en Wel (dèks gewoen Wel geneump), Heie en Offere.[1] De nui gemeinte neumde me nao zien hoofplaots Ald-Baerge. Dit dörp hètde vreuger gewoen Baerge, tot nao d'n Twiede Wereldoorlog de bebouwing aon de ooskant vaan de groete weeg tot e nui dörp (Ni-j-Baerge) oetgreujde.

De gemeinte is sinds häör vörming gein oonderwerp vaan herindeilinge gewees. Roond 2010 waor 'n fusie mèt Gennep en Mook en Middelar aon de orde, meh die is aofgebloze gewore nao proteste vaan Baerge.

Historische inwoenertalle[bewirk | brón bewèrke]

't Groetste deil vaan zien historie is Baerge, 'n typische plattelandsgemeinte, gestiedeg gegreujd. 'nen Oongewoen explosieve greuj heet 't evels zelde gehad.

Jaor Aontal Greuj (gans Limbörg)
1830 3.445[2] --
1840 3.663[3] +6,3% (+5,6%)
1849 4.030[4] +10,0% (+4,3%)
1859 4.350[5] +7,9% (+4,4%)
1869 4.490[6] +3,2% (+4,5%)
1879 4.841[7] +7,8% (+7,0%)
Jaor Aontal Greuj (gans Limbörg)
1889 4.819[8] -0,5% (+6,8%)
1899 4.785[9] -0,7% (+10,2%)
1909 5.609[10] +17,2% (+17,8%)
1920 6.206[11] +10,6% (+32,6%)
1930 6.603[12] +6,5% (+25,1%)
1947 8.339[13] +26,3% (+24,2)
Jaor Aontal Greuj (gans Limbörg)
1956 9.420[14] +13,0% (+27,3%)
1960 10.169[15] +8,0% (+4,4%)
1971 12.465[16] +22,6% (+13,9%)
2004 13.477 +8,1%
2011 13.351 -0,9%
Opmerking
  • In 1971 is 't aontal inwoeners op ganse vieftalle aofgeroond.
Rillatief oontwikkeling vaan 1830 tot 1971

(v1830=100)

Greun: Gemeinte Baerge
Blauw: Provincie Limbörg

Waope[bewirk | brón bewèrke]

D'n Hoege Raod vaan Adel kós Baerge op 22 jannewarie 1907 e waope touw. De besjrieving in 't rezjister is hendeg summier:

I gedeild a) in goud d'n H. Dionysius, b) in lazuur (blauw) 'ne pijl vaan zèlver (wit); II. in goud de HH. Cosmas en Damianus.

Versjèllende details blieve hei oonbeneump. Toch weurt 't waope in de praktijk ummer 'tzelfde geteikend, en 'n completer besjrieving is de volgende:

Doorsnoje: I. gedeild: a. in goud d'n H. Dionysius in natuurleke kleur, gekleid in 'n toog vaan zèlver en 'ne bisjopsmantel en -möts vaan keel (roed), de hen bove de kop geluf; b. in lazuur 'ne pijl vaan zèlver; II. rechs (veur de beziener links) d'n H. Cosmas in natuurleke kleur, gekleid in 't tuniek vaan zèlver en 'ne mantel vaan keel, mèt 'ne nimbus vaan goud, in de linkerhaand 'ne vijzel vaan 'tzelfde en in de rechterhaand e zweerd vaan zèlver, 't geves vaan goud; links (veur de beziener rechs) d'n H. Damianus in natuurleke kleur, gekleid wie d'n H. Cosmas, mèt 'n nimbus vaan goud, in de linkerhand e zweerd vaan zèlver, 't geves vaan goud, in de rechterhand 'n vaas vaan zèlver.

't Waope vereineg de symbole vaan de drei aw hierlekhede daan wel sjepebenk. D'n heilege Dionysius waor petroen vaan Heie, de heilege Cosmas en Damianus waore petroene vaan Offere en de pijl kump oet 't zegel vaan Baerge en Wel.[17]

Rifferenties[bewirk | brón bewèrke]

  1. Historie vaan Offere
  2. Volkstèlling 1830
  3. Volkstèlling 1840 - Limbörg
  4. Volkstèlling 1849 - Hertogdóm Limbörg: gemeintesgewijs indeiling vaan de provincie
  5. Volkstèlling 1859 - Plaotseleke indeiling
  6. Volkstèlling 1869 - Feiteleke of getèlde bevolking in eder gemeinte vaan 't riek
  7. Volkstèlling 1879 - Limbörg: plaotseleke indeiling
  8. Volkstèlling 1889 - Limbörg
  9. Volkstèlling 1899 - Limbörg
  10. Volkstèlling 1909 - Plaotseleke indeiling
  11. Volkstèlling 1920 - Plaotseleke indeiling
  12. Volkstèlling 1930 - Plaotseleke indeiling
  13. Volkstèlling 1947 - Plaotseleke indeiling
  14. Woeningtèlling 1956 - Veurnaomste gegeves per gemeinte
  15. Volkstèlling 1960 - Bevolking vaan gemeintes en oonderdeile vaan gemeintes
  16. Volkstèlling 1971 - Plaotseleke indeiling
  17. Heraldry of the World - Bergen (Li)

Externe link[bewirk | brón bewèrke]

Commons-logo.svg Commons: Baerge – Media gerelateerd aan dit óngerwerp
 
Gemeinte Baerge
Vaan van Baerge
Dörper en gehuchte: Baerge · Ald-Berge · Äöje · De Loj · Ni-j-Berge · Offere · Siêbegewâld · Wel
 
Provincie Limburg
Vaan van Nederlands Limburg

Baek · Baerge · Bezel · Broensem · Ech-Zöstere · Èèsjde-Mergraote · Gennep · Gulpe-Wittem · Haors aan de Maas · Heële · Kirchroa · Lankgraaf · Leudaal · Maasgoew · Meersje · Mestreech · Mook en Middelar · Ni-jwieërt · Nut · Óngerbenk · Pieël en Maas · Remuunj · Roerdale · Sjènne · Stein · Valkeberg aan de Geul · Venlo · Venroj · Voelender · Vols · Wieërt · Zittert-Gelaen · Zumpelveld

Opgeheve gemeintes

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Baerge&oldid=355314"