Voelender

Dit artikel is gesjreve (of begós) in 't Voelendesj. Laes hie wie v'r mit de versjillende saorte Limburgs ómgaon.

---

Gemeinte Voelender (Voerendaal)
Provincie	Limburg
Hoofplaats	Voelender
Börgemeister (lies)	Wil Houben (VVD)
Opperflaakde – daovan water	31,55 km² 0,01 km²
Inwoeners – deechde:	12.408(31-1-2022) 394/km²

Voelender (Voerendaal op z'ch Hollesj) is 'n plaats en 'n gemingde in 't Limburgs Heuvelland. Op 31 januari 2022 woonde hie 12.408 luuj. 't Oppervlak is 31,42 km². D'r naam Voelender geit truk nao dal aan de Voer. Voer zou dan de ouw benaming zin van Hoonsbaek, 'n ziebaek van de Gelaenbaek. 'n Ander hypothese zaet, dat d'r naam is aafgeleid van Furenthela, 'n Romeinse nederzètting, woeëvan o.a. de opgraving van Villa Rustica getuug.

Dörper en gehuchte in de gemeinte

Kèrk van Voelender

Dörper en gehuchte en hun buurtsjappe:

• Gen Berg (Ubachsberg)
  • Koalmet (Colmont)
  • Frómmerig (Fromberg)
  • Mingesjborg (Mingersborg)
  • Windjhage huuëre bie G'n Berg.
• Klumme (Klimmen)
  • 't Breer (Barrier)
  • Krawbich (Craubeek)
  • Dolberg
  • De Koële (Koulen)
  • De Uëverhieëk (Overheek)
  • Gerieësjbrich (Retersbeek)
  • Termaar
  • Geweustrao (Weustenrade)
  • Termoorsj, D'r Moeësj, (Termoors)
• Kunder (Kunrade)
• Ranzel (Ransdaal)
  • Opsjuuëmer (Opscheumer)
  • Luuëbesj (Lubosch)
• Voelender (Voerendaal)

Bezeenswaerdig

In 't centrum van Voelender sjteit de Sint Laurentiuskèrk, woeëvan de historie truk geit tot 1049, wie ze ingewieëd woert doer Paus Leo IX. In 1840 is 't geboew groeëtendeils vernuujd in Waterstaatssjtiel, óntworpe door architec Dumoulin. In 1916 woerte dweersjsjeep en koeër toegevoog (architec Jan Stuyt). Ze is opgetrokke in kundersjtein.

Land van kesjtiële en kesjtieëlboerderieë

Rónd Voelender bevingk zich e groeët aantal kesjtieële en typisch Zuud-Limburgse carréboerderieje.

• kesjtieël Pöt (Puth) aan de Hoonsbaek
• kesjtieël Haeren aan de Hoonsbaek
• Kesjtieël Ter Viere (Rivieren) aan de Riètersjbaek
• 't Huuske in Gerieësjbrich (Retersbeek)
• kesjtieël Cortenbach aan de Cortenbach-baek
• 't Hoonshoes aan de Hoonsbaek (Hoenshuis)
• Ten Hove aan de Hoonsbaek
• Sjteinenis (Stenenis)
• Veurderhaof in Krawbich
• Windjhagerhaof (Windhagerhof)
• Euversj Voelender (Overst Voerendaal)
• Kruushaof
• Haof Lindelauf
• de Dael
• de Bokhaof in Krawbich
• de Sophiahaof in Gerieësjbrich
• de Carishaof in Gerieësjbrich
• Kaufshaof
• Haof Kaardemich of Kademig (Kaardenbeek) bie Krawbich

Dörpsvereiniginge

• Carnavalsvereëniging de Naate
• Carnavalsvereëniging de Kaatboere

Externe link

• Gemeinte Voelender