De Koeële

Van Wikipedia
Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Klummesj, es te dit dialek sjpriks.

Waegwiezer op de krusing op De Koeële

De Koeële (Nederlands: Koulen) ies 'n buurtsjap van Klumme, gemeinte Voelender op 't plateau van Zuud Limburg. De óngevaer 10 häöf en hoezer bevinge ziech aan en in de buurt van 'ne veersjprunk van waeg. Eine waeg kump van Walem via De Koeële en daalt sjtiel door 'ne holle waeg nao Ransdel. De andere waeg kump op van Sjin, via Krekelsbösj en löp nao Termaar.

't Woord koel wies nao 'n plotseling lièger liegkend gedeilte in 't land. 'n Koel beteikent ouch 'n oetgegrave gedeilte um bieveurbeeld kiezel, sjtein of kole oet te hole.

De luuj kalle ten aanzeen van diet gehuch euver op de koele (geaccidenteerd terrein).

 
Gemeinte Voelender
Vaan van Voelender
Dörper: De Berg · Klumme · Kunder · Ranzel · Voelender
Buurtsjappe en gehuchte: 't Breer · Dolberg · Frómmerig · Gerieësjbrich · Geweustrao · Koalmet · De Koeële · Krawbich · Luuëbesj · Mingesjborg · Opsjuuëmer · Termaar · Termoorsj · De Uuëverhieëk · Windjhage
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=De_Koeële&oldid=338547"