Rosalie Sprooten

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

Rosalie Sprooten, Ieëpe 1938, is 'n Nederlandstalige sjriefster en saer 2007 ambassadeur van 't Limburgs en lid van d'r Raod veur 't Limburgs.

Laevesloop

Wie Sprooten 17 jaor aod waor, in 1955, gong ze es au pair nao Brussel. Daonao wèrkde ze ènnige jaore in de gezinszörg en volgde de Mikojel, 'n HBO-opleiding verboonde an de Sociaal Academie. In 1964 trowde Sprooten en later blaeëk 't 't örsjte eucomenische huwelèk va Nederland te zieë. Same mèt häöre echtgenoot reesde ze vervolges dör de gaanse waelt, op de wil vaart. Truuk an laand waor ze 13 jaor laank therapeute in de psychiatrie. Sprooten sjtong in 2007 es liesdujer op de lies vör de Provinciaal Verkiezinge vör de PvdD Partij voor de dieren en wont è Mestreech.

Ambassadeur väör 't Limburgs

Sprooten haat oonderzeuk gedoeë nao 't verbaand tössje 't laandsjap en de natuurlèke taal of modertaal die luuj kalle. Zoe haat ze o.m. vas-gesjtèld dat de Hollendsje hel G 't gevolg is van 't vlakke laandsjap, oedör luuj ummer taege d'r weend in motte kalle. Joep Leerssen is 't volges Sprooten èèges neet mèt häör conclusies èns. D'r invloed van 't polletiek laandsjap haat ze neet in häör oonderzeuk betrokke. Sprooten verdèpde zich ooch in 't verbaand tösje intelligentie en mieëtalèghèèd. Häör bevindinge zeunt, dat 't örsjte 't gevolg zów zieë van 't twiede.

Waerk

1981 Gedichte Ambtenaar in de gezondheidszorg.
1989 De pest voor een schip. Roman. Sprooten waor de örsjte Hollendsje vrow die uvver de zieë sjreef.
1991: Bericht aan Hare majesteit.
1993: Muren van glas. Roman.
1995: Maastricht met en zonder rouge. Breefwisseling mèt journalist van 't NRC Max Paumen.
1997: Kroniek Chateau St. Gerlach.
1999: Een vrouw voor zonen. Historisch document.
2000: Heerenkuil.
2004: Wederzijds. Breefwisseling mèt Irmgard Faber uvver de Duutsj-Nederlandse verhoudinge.
2006: Nieuwe huurders. Roman.
2007: Alles moet bevochten worden. Biografie van Camille Oostwegel.
2008: Bijna alledaags. Verhaole.

Bronne

Website va Rosalie Sprooten.
Cultuurcafé L1-radio, gesprek n.a.v. 10 jarige erkenning van 't Limburgs es regionale taal. Oetgezonde in herhaling op 28 juli 2007.