Kölse expansie
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
De Kölse expansie is de historische verspreijing van 'n aantaal aan Middelfrankische spraokkènmirker vanoete ómgaeving in en rónjelóm Kölle nao ónger anger e deil van 't Nederlandjs spraokgebied. 't Geitj hiebie mit naam euver 't versjiensel umlaut enne Hoeagduutsje klankversjuving. Bei dees versjiensele höbbe zich veural in 't Limbörgs en in minder maot ouch inne oeastelike variante van 't Braobesj doon gelje.
Kölle waas al saeren tied van 't Romeins Riek e wichtig hanjelscentrum. De expansie haet zich van dao-oet in wèstelike richting toet ane Uerdinger-lien doorgezatte.
De Kölse expansie is dus verantjwuuerdelik veur 't algemein veurkómme van de wäörd ich, mich en dich, aevenes ouch (in plaats van ik, ouk etc.), tupisch Duutsj-aandoondj vocabulair, 't behaad van 't waord doe en anger versjaove wäörd in sommige dialekte, wie welch veur welk, zölch veur zölk, vrech veur vrek, slecher veur slekker en dressig veur dertig.