Middelfrankisch

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Middelfrankisch taolgebeed

't Middelfrankisch is de samevattende naom veur alle Frankische taole/dialekte die tösse de Benrather Linie en de Speyerer Linie ligke. Dees dialekte höbbe de Aajdhoegduitse expansie mer gedeiltelek mètgemaak en valle in de Middelduitse gróp. Daotegeneuver stoon t'n noordweste 't Nederfrankisch en t'n zuidooste 't Hoegfrankisch.

Middelfrankische dialekte valle oetein in 't Ripuarisch (mèt o.m. 't Kirchröadsj en 't Kölsj) en 't Mozelfrankisch (mèt 't Luxemburgs en 't Lotharings). 't Paltsisch, 't Middelhessisch, 't Oeshessisch en 't Noerdhessisch zien veurbeelde vaan Rijnfrankische dialekte. Veural 't Ripuarisch en in zeker zin ouch 't Mozelfrankisch höbbe veur Limburgers väöl punte vaan herkinning.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Middelfrankisch&oldid=344423"