UEFA

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


De UEFA (blauw) mèt de res vaan de continentaol voetbalboonde.

De UEFA (Ingels: Union of European Football Associations) is 't verband vaan lendeleke voetbalboonde oet Europa. Heibij hure beveurbeeld de Nederlandse (KNVB) en Belzje boond (KBVB). Ouch len die historisch-cultureel mèt Europa verboonde zien meh eigelek in Azië ligke, hure debij. De UEFA reguleert Europees clubvoetbal (Champions League, Europa League en Europees vrouwluivoetbal) en 't Europees kampioensjap hiere- en damesvoetbal (zoewie diverse jäög- en aspirantetoernoje). Sinds 't sezoen 2018/19 organiseert de UEFA ouch de UEFA Nations League.

De UEFA woort op 15 juni 1954 opgeriech in Basel en had aonvenkelek 25 leie. Dat aontal is door de jaore heer gestege tot 55 anno 2016.

Leie[bewirk | brón bewèrke]

Bij de UEFA zien aongeslote:

  • Alle len vaan Europa, boete de allerkleinste;
  • De veer deilstaote vaan 't Vereineg Keuninkriek;
  • Bepaolde euverziese gebeedsdeile mèt väöl otonomie;
  • Len in Azië die politiek, cultureel of historisch zijlings bij Europa zien betrokke;
  • Kosovo, e betwis land.
Land Èlftalle (♂ · ♀) Boond Touwgetrooje
Albanië hiere · dames FSHF 1954
Andorra hiere · dames FAF 1996
Armenië hiere · dames AFF 1992
Azerbeidzjan hiere · dames AFFA 1994
Belsj hiere · dames KBVB 1954
Bosnië en Hercegovina hiere · dames NSBiH 1998
Bulgarije hiere · dames BFS 1954
Cyprus hiere · dames KOP 1962
Denemarke hiere · dames DBU 1954
Duitsland hiere · dames DFB 1954
Esland hiere · dames EJL 1992
Faeröer hiere · dames FSF 1990
Finland hiere · dames SPL 1954
Fraankriek hiere · dames FFF 1954
Georgië hiere · dames KFF 1992
Gibraltar hiere · dames GFA 2013
Griekeland hiere · dames EPO 1954
Hongarije hiere · dames MLSZ 1954
Ierland hiere · dames FAI 1954
Iesland hiere · dames KSÍ 1954
Ingeland hiere · dames FA 1954
Israël hiere · dames HKI 1994
Italië hiere · dames FIGC 1954
Kazachstan hiere · dames QFF 2002
Kosovo hiere · dames FFK 2016
Kroatië hiere · dames HNS 1993
Letland hiere · dames LFF 1992
Liechtenstein hiere · dames LFV 1974
Litouwe hiere · dames LFF 1992
Luxemburg hiere · dames FLF 1954
Macedonië hiere · dames FFM 1994
Malta hiere · dames MFA 1960
Moldavië hiere · dames FMF 1993
Montenegro hiere · dames FSCG 2007
Nederland hiere · dames KNVB 1954
Noord-Ierland hiere · dames IFA 1954
Noorwege hiere · dames NFF 1954
Oekraïne hiere · dames FFOe 1992
Oosteriek hiere · dames ÖFB 1954
Pole hiere · dames PZPN 1954
Portugal hiere · dames FPF 1954
Roemenië hiere · dames FRF 1954
Rusland hiere · dames RFS 1954
San Marino hiere · dames FSGC 1988
Servië hiere · dames FSS 2006
Sjotland hiere · dames SFA 1954
Slovenië hiere · dames NZS 1992
Slowakije hiere · dames SFZ 1993
Spaanje hiere · dames RFEF 1954
Tsjechië hiere · dames FAČR 1954
Turkije hiere · dames TFF 1962
Wales hiere · dames FAW 1954
Wit-Rusland hiere · dames BFF 1993
Zwede hiere · dames SvFF 1954
Zwitserland hiere · dames ASF-SFV 1954
Opmerkinge
  • De Russische boond woort in 1954 lid es de boond vaan de Sovjet-Unie. D'n Tsjechische boond kump voort oet de Tsjecho-Slowaakse boond; dit verklaort 't jaor vaan touwtrejjing.

Neet aongeslote zien Monaco en Vaticaanstad. In dees stadsstaote is gein plaots veur genóg clubs um 'n nationaol competitie op te zètte. Wel höbbe bei len oonofficieel hierenèlftalle, en kint Monaco 'n voetbalclub, AS Monaco, die (hoeg) in de Franse competitie späölt.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=UEFA&oldid=428849"