Ingels

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ingels
Inheimse name: English
Gekald in: veural Vereineg Keuninkriek,
Noord-Amerika en Australië
Classificatie: Indo-Europees
 Germaans
  Wes-Germaans
   Angelsaksisch
    Estuarium-Ingels en Amerikaans Ingels
Aantal sjpraekers: 380 miljoen vaan gebuurde,
1 miljard es vreem taol
Cónservatiegraod: neet bedreig
Officieel taal: Vereineg Keuninkriek (de facto), Vereinegde Staote (d.f.), Australië, meiste len vaan 't Brits Gemeinebes, Liberia, Filipiene, Belize, Canada (o.a.), Ierland (o.a.), Zuid-Afrika (o.a.), India (o.a.)
ISO-639-code: en, en, eng


De Ingelse taol is in 't huideg internationaal verkeer de belangriekste taol vaan de wereld. Ze is de meist gesproke taol vaan Groet-Brittannië, Ierland, Canada, de Vereinegde State en Australië en in talrieke ander len en binne de meiste internationaal organisaties de officieel taol. Op de meiste sjaole in de wereld weurt 't Ingels es ierste vreem taol oonderwieze.

Es gesproeke taol is 't Ingels nommer drei, nao 't Sjinees en 't Spaons, es me temeenste Sjinees es ein taol zuut. Euver tien jaor zal de haaf wereld Ingels kinne spreke en verstoon. 't Ingels heet ein zöstertaol: 't Sjots. Wijer is 't vaan oorsprong eng verboonde mèt 't Fries.

De taol is in de vijfde iew oonstoon oet de verminging vaan de Angelse, Saksische en Deense dialekte die de Germaanse vereuvereers vaan 't Keltische Ingeland mètbrachte. De ierste documinte in 't Ingels datere oet de zevende iew; 't belangriekste taoldocumint oet deen tied is 't epos Beowulf. Me neump dees taol Angelsaksisch.

Extern linke[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Ingels&oldid=337356"