Klaus Iohannis

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

Klaus Werner Iohannis of Johannis (Sibiu, 13 juni 1959) ies 'ne Roemeense polletieker, fysicus en veurmalegen ongerwiezer dae van 2014 bis 2025 prizzedent van Roemenië waor. Door corruptiesjandale binne zien euverheid en de groate politieke sjpanning rondum de presidentieel verkezinge van 2025, trok hae ziech truuk oet 't amb. Tiejelek is 't Presidentssjap euvergenomme door Ilie Bolojan.

Hae ies saer 2014 leier van de conservatieve en centrumrechse Nationaal-Liberaal Partie (ofwaal Partidul National Liberal, PNL). De PNL maak op EU-niveau deil oet van de christendemocratische en centrumrechse Europese polletieke partie: de Europese Voukspartie (EVP). Deil van de EVP zint ouch, onger angere, de Nederlandse CDA en CU, de Belzje CD&V en cdH en de Duutsje CDU en CSU. Saer 2021 ies ziene partiegenoot Nicolae Ciucă premier van Roemenië. De prizzedent ies ivvels väöl mechteger in Roemenië. Zoa ies Iohannis de gaene dae Roemenië reprizzenteert in d'n Europese Raad, neet Ciucă.

Iohannis behuèrt tot de Roemeense Duutsjers dae, es Sakse van Transylvanië, 'n belangrieke mingerheid van Roemenië vörme saer 't begin van de 12de ièw. Rond 1939 goof 't waal 800.000 Roemeense Duutsjer. Allewiel is 't aantal gedaald nao ongeveer 35.000 (2011). Roemeense Duutsje kroge nao de val van 't communisme in 1992 de kans um nao Duutsjland te immigrere. Väöl daege dat ouch.