Mette Frederiksen

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Frederiksen in 2021

Mette Frederiksen (Aalborg, 19 november 1977) is 'n Deens politica die allewijl de (27e) Premier vaan Denemarke sinds juni 2019 is en de partijleier vaan de Sociaoldemocrate (Denemarke) sinds juni 2015. Zie is de twiede vrouw die premier vaan Denemarke is en de jongste premier vaan 't land oets.

Boete häör kortstondeg wèrk es 'ne Vakboondleier (2000-2001) is Frederiksen inkel wèrkzaom gewees in de polletiek. Zie waor alleriers verkoze in de Folketing ('t Deens parlemint) in 2001 boe ze de amt vaan Kopehage reprizzentierde. Naotot de Sociaoldemocrate de verkiezinge vaan 2011 wonne, woort zie Minister vaan Wèrkgelegeheid oonder premier Helle Thorning-Schmidt, d'n ierste vrouweleke premier vaan Denemarke. Zie woort gepromoveerd tot Minister vaan Zjustitie in 2014. Nao 't groet verlees vaan de Sociaoldemocrate in 2015 stapde Throning-Schmidt op en won Frederiksen de leiersjapsverkiezinge um häör te vervaange, boedoor ze d'n officiele leier vaan de oppositie woort[1].

Frederiksen leide häör partij nao 'n groete euverwinning in 2019 hand in hand mèt aander linkse en centrum-linkse partije boemèt häör Sociaoldemocrate 'n mierderheid koste vörme. Zie woort premier op 27 juni datzelfde jaor en woort beëideg door Keuningin Margrethe II.

Frederiksen is 'ne groete tegestender vaan prostitutie en sprook al in 2002 de wöns oet um prosititie te verbeje op force vaan 't model in Iesland, Noorwege en Zwede. Ze is, integendeil tot väöl vaan häör sociaoldemocratische collega's in de EU, negatief euver migratie - wat zie dèks besjrijf es "liberaole massa-migratie". Dees hawwing vaan häör verstèrkde tijes de Europese migrantecrisis vaanaof 2015 - get wat heet mètgeholpe in häör populariteit bij Dene die normaliter op extreemrechs zawwe stömme. In 'n recent biografie sjreef ze: "Veur miech is 't ummertouw klaorder gewore tot de pries vaan ongerigguleerde globalisering, massa-migratie en vrij beweging veur wèrk betaold weurt door de lieger klasses".

Oonder Frederiksen lete de Sociaoldemocrate touw tot Deense authoriteite geld, zjuwele en aander weerdevolle items vaan vlöchtelinge aofnaome es zie Denemarke winsde binne te komme. Zie woort heiveur fel bekritiseerd door de Vereinegde Naties en 't goof internationaol vergeliekinge tösse Frederiksen häör regering en Nazi-Duitsland.

Flag of Europe.svg Polletieke leiers in d'n Europese Raod: regeringshoufde (RH) of sjtaotshoufde (SH) van de lidjstaote van de Europese Unie
Flag of Europe.svg Charles Michel, President vaan d'n Europese Raod (gein sjtömrech)
Flag of Belgium.svg Belsj: De Croo (RH) | Flag of Bulgaria.svg Bulgarieë: Janev (RH) | Flag of Cyprus.svg Cyprus: Anastasiadis (SH) | Flag of Denmark.svg Daenemarke: Frederiksen (RH) | Flag of Germany.svg Duutsjlandj: Merkel (RH) | Flag of Estonia.svg Eslandj: Ratas (RH) | Flag of Finland.svg Finlandj: Marin (RH) | Flag of France.svg Frankriek: Macron (SH) | Flag of Greece.svg Griekelandj: Mitsotakis (RH) | Flag of Hungary.svg Hongarieë: Orbán (RH) | Flag of Ireland.svg Ierlandj: Martin (RH) | Flag of Italy.svg Italië: Draghi (RH) | Flag of Croatia.svg Kroatië: Plenković (RH) | Flag of Latvia.svg Letlandj: Kariņš (RH) | Flag of Lithuania.svg Litouwe: Nausėda (SH) | Flag of Luxembourg.svg Luxembörg: Bettel (RH) | Flag of Malta.svg Malta: Abela (RH) | Flag of the Netherlands.svg Nederlandj: Rutte (RH) | Flag of Austria.svg Oesteriek: Kurz (RH) | Flag of Poland.svg Pole: Morawiecki (RH) | Flag of Portugal.svg Portugal: Costa (RH) | Flag of Romania.svg Roemenië: Iohannis (SH) | Flag of Slovakia.svg Sjlowakieë: Heger (RH) | Flag of Slovenia.svg Sjlovenië: Janša (RH) | Flag of Spain.svg Sjpaanje: Sánchez (RH) | Flag of Czechia.svg Tsjechië: Babiš (RH) | Flag of Sweden.svg Zjwaeje: Löfven (RH)
  1. 'n functie die besteit in o.a. Duitsland mer gein beteikenis heet in o.a. Belsj en Nederland
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Mette_Frederiksen&oldid=450615"