Premier

Van Wikipedia
Naar navigatie springen Jump to search

Dit artikel is begós in 't Nuts. Laes hie wie v'r mit de versjillende saorte Limburgs ómgaon.


Premier is de titel veur inne regieringsleider dae gein sjtaatshouf is. 't Is Frans veur 'iejsjte', vaak weurt auch 'iejsjte minister' gezag.

Veurbeelde[bewirk | brón bewèrke]

Nederland[bewirk | brón bewèrke]

In Nederland weurt de regeringsleider of iejsjte minister aangedoed mit de term minister-president.

Belsj[bewirk | brón bewèrke]

Op 't Belsj weurt de federale regeringsleider, op dit mement Charles Michel, iejsjte minister of premier genump. De regeringsleiders van de gemeinsjaps- en gewesregieringe weure aangedoed mit de term minister-president.


De volgende sectie van dit artikel is gesjreve in 't Mestreechs.

Duitsland[bewirk | brón bewèrke]

In Duitsland weurt de benaoming premier neet gebruuk. In de praktiek heet de kanselier evels dezelfde verantweurdelekhede.

Fraankriek[bewirk | brón bewèrke]

In Fraankriek heet de premier dezelfde verantweurdelekhede es in Nederland en Belsj. Evels gief 't hei 'ne prizzendent dee väöl polletieke verantweurdelekhede heet dee 'ne keuning allewijl neet mie heet. 't Feit tot de premier in keuninkrieke dèks de aw verantweurdelekhede vaan de keuning euvernömp besteit dus neet in Fraankriek. In vergelieking mèt de keuninkrieke, heet de Franse premier dus aonzeenlek minder aonzien en minder verantweurdelekhede. Dees positie is typisch veu lan boe de prizzendènt wèrkeleke mach heet (neet symbolische mach, wie in Duitsland). Vergeliekbare systeme bestaon in Rusland en, sinds kort, in Törkije.

Minister-prizzendent[bewirk | brón bewèrke]

'ne Minister-prizzendent weurt euver 't algemein besjouwd es synoniem vaan primier. Evels weurt de naom minister-prizzendent gebruuk in monarchieë. In de konteks vaan dit soort lan, wie Nederland, Belsj en 't Vereineg Keuninkriek, weurt 'ne minister geach es dienaar vaan de keuning te zien, en 't gief dao 'ne prizzendent dee verantweurdelek is veur die dienaars. 'ne Minister-prizzendent is daomèt lètterlek de minister dee de vergaojeringe vaan de gezameleke ministers leijt.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Premier&oldid=426872"