Dick Schoof

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Hendrikus Wilhelmus Maria (Dick) Schoof (Santpoort (Velsen), 8 miert 1957) is 'ne partijloeze politicus en vaan 2 juli 2024 bis 23 februari 2026 premier vaan Nederland.

Heer waor premier vaan 't Kabbinèt-Schoof (2024-2026), 'n coalitie vaan veer partije: PVV, VVD, NSC en BBB.

Zien premiersjap woort gekenmerk door groete polletieke instabiliteit in de Nederlandse polletiek - boebij de VVD de einegste polletieke partij waor mèt regeringservaring. De PVV woort veur langen tied es 'n partij gezeen boe aander polletieke partije oonmeugelek mèt koste samewèrke - get wat nao 't Kabbinèt-Schoof obbenuits woort beaamp door e groet deil vaan de polletieke partije. Ouch de BBB woort es 'n lestege polletieke partij gezeen door väöl partije links vaan de VVD. 't NSC waor compleet nui en gans oonervare. De partij bestoond nog neet veur d'n Twiede Kamer-verkezinge en is nao 't Kabbinèt-Schoof gans oet d'n Twiede Kamer verdwene.

In de verkezinge daonao woort D66 nip de partij mèt de meiste zetels, wat leide tot 'n minderheidskabbinèt vaan D66, VVD en 't CDA oonder leiing vaan premier Rob Jetten.