António Costa

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


António Costa in 2014

António Luís Santos de Costa (São Sebastião da Pedreira, 17 juli 1961), korteweg António Costa (sprik-oet: Antoonjoe Kosjtaa) is 'ne Portegesen advocaat, politicus en d'n allewijle premier vaan Portegal. Costa is de partijleier vaan de centrumlinkse Partido Socialista (PS). Die partij zit op EU-niveau bij de sociaoldemocratische S&D, boe-ouch de Nederlandse PvdA, de Belzje PS en SPa en de Duitse SPD bijhure. Costa is de leier vaan e minderheidskabbinèt mèt steun vaan de aander linkse partije in 't parlemint: 't Links Blok (Bloco de Esquerda, de Portegese Communistische Partij (Partido Comunista Português) en de Greune Partij

Costa zien partij is op ikkenomisch vlak centrumlinks. De partij is veur 't oetbreie vaan de welveertstaot mer is kritisch euver al te väöl verhoeging vaan de belasting op de rieke. Op sociaol gebeed is de PS hendeg progressief. Zoe is zie veur 't opvaange vaan mie migrante (veural vlöchtelinge) en 't versterke vaan 'n humaan Europees asielbeleid, veur 't homohouwelek, veur drugsdecriminalisering (dus 't aofsjaffe vaan straffe op drugsgebruuk, wat al in Portegal 't geval is) en veur euthanasie. Wat betröf Europese integratie is de PS opvallend pro-Europees, ouch vergeleke mèt aander pro-EU-partije in de EU. Zoe is zie veur 't heffe vaan belastinge op Europees niveau, veur 't versterke vaan Europees integratie op veilegheid en boetelandse affaires, veur 't rech vaan börgers vaan de EU um op alle Europarlemintariërs te stömme in 't Europees Parlemint (allewijl maag dat nog allein meh op parlemintariërs die 't land reprizzentere boe de stömmer hojs) en zelfs veur minder vetomach vaan Europese lidstaote in d'n Europese Raod. Veural dat lèste is get boe väöl Europese regerinspartije neet aon dörve te komme.[1]

Rifferensies[bewirk | brón bewèrke]

  1. EUandi2019


Flag of Europe.svg Polletieke leiers in d'n Europese Raod: regeringshoufde (RH) of sjtaotshoufde (SH) van de lidjstaote van de Europese Unie
Flag of Europe.svg Charles Michel, President vaan d'n Europese Raod (gein sjtömrech)
Flag of Belgium.svg Belsj: De Croo (RH) | Flag of Bulgaria.svg Bulgarieë: Petkov (RH) | Flag of Cyprus.svg Cyprus: Anastasiadis (SH) | Flag of Denmark.svg Daenemarke: Frederiksen (RH) | Flag of Germany.svg Duutsjlandj: Scholz (RH) | Flag of Estonia.svg Eslandj: Kallas (RH) | Flag of Finland.svg Finlandj: Marin (RH) | Flag of France.svg Frankriek: Macron (SH) | Flag of Greece.svg Griekelandj: Mitsotakis (RH) | Flag of Hungary.svg Hongarieë: Orbán (RH) | Flag of Ireland.svg Ierlandj: Martin (RH) | Flag of Italy.svg Italië: Draghi (RH) | Flag of Croatia.svg Kroatië: Plenković (RH) | Flag of Latvia.svg Letlandj: Kariņš (RH) | Flag of Lithuania.svg Litouwe: Nausėda (SH) | Flag of Luxembourg.svg Luxembörg: Bettel (RH) | Flag of Malta.svg Malta: Abela (RH) | Flag of the Netherlands.svg Nederlandj: Rutte (RH) | Flag of Austria.svg Oesteriek: Nehammer (RH) | Flag of Poland.svg Pole: Morawiecki (RH) | Flag of Portugal.svg Portugal: Costa (RH) | Flag of Romania.svg Roemenië: Iohannis (SH) | Flag of Slovakia.svg Sjlowakieë: Heger (RH) | Flag of Slovenia.svg Sjlovenië: Janša (RH) | Flag of Spain.svg Sjpaanje: Sánchez (RH) | Flag of Czechia.svg Tsjechië: Fiala (RH) | Flag of Sweden.svg Zjwaeje: Andersson (RH)
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=António_Costa&oldid=452031"