Jo Cals

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

---

Aan dit artikel weurt de kómmenden tied nog gewirk. Tot daen tied kan d'n inhaud van 't artikel veurnaam informatie misse of nog neet good in zie verbandj ligke.

Jozef Maria Laurens Theo (Jo) Cals (Remunj, 18 juli 1914 – Den Haag, 30 december 1971) waas minister-president van Nederland van 1965 toet 1966 en de 2e Limburgse premier van Nederland, nao Charles Ruijs de Beerenbrouck.

Femilie-achtergrondj

Cals' femilie kwaam al generaties lang oet Zuud-Limburg. Vader Cals waas hoof van 't klein College, ('n katholieke leger sjool die good aangesjreve sjtong) en later sjoolinspecteur. 't Katholieke geluif waas altied naodrökkelik in de femilie aanwezig. Cals zelf waas jaorelang mèsdeender en heel geluivig.

Sjudentetied

Cals sjtudeerde van 1935 toet 1940 rechte aan de Katholieke Universiteit Nijmegen. In ziene sjtudentetied waor d'r dispuutgenoot van onger angere Godfried Bomans en W.C.L. van der Grinten.

Sjtraotnaam

In Herte in de nuujboewwiek "de Musschenberg" ligk ein sjtraot die genumptj is nao Jo Cals, de Jo Calssjtraot.

Bronne

• P. van der Steen, Cals. Koopman in verwachtingen 1914-1971, Uitgeverij Balans 2004
• Biografie van Cals op parlement & politiek: [1]