PVV

Van Wikipedia
Gank nao: navigatie, zeuke

Dit artikel is gesjreve in 't Venloos. 't Weurt gewaardeerd óm in dit artikel 't Venloos aan te hauwe of aan te gaeve welk anger dialek gebroek is.


Logo PVV

Partie veur de Vrieheid (ouk bekind es: PVV) is ein politieke partie die is opgerich door de Venlonaer Geert Wilders. Hae haet de partie in 2005 opgerich ónder de naam "Vereniging Groep Wilders", nao 'n conflik mit de VVD. Saer 22 november 2006 is de partie bekind ónder de naam Partie veur de Vrieheid. Beej de lendelike verkezinge van 2006 deej de partie veur 't iers mit. Wilders holde neuge zaetele. Saer 2009 is de PVV vertaegewoordig in 't Europees Parlement (saer 2015 beej Europe des nations et des libertés) en saer 2011 ouk in de Ierste Kamer en de Provinciale Staote.

Wilders is fractieveurzitter in de Twieëde Kamer, partieleijer en partieveurzitter. Ouk is hae 't insigs lid van de PVV.[1] Marjolein Faber is fractieveurzitter in de Ierste Kamer. Marcel de Graaff is fractieveurzitter veur de PVV in 't Europees Parlement. Oak zien hae en de Franse leier van Front National, Marine Le Pen, partieleijers van de Europese partie van de PVV: Europe des nations et des libertés.

De partiekleure zien, as de Nederlandse vlag, roeëd, wit en blauw.

Politieke richting[bewirk | brón bewèrke]

In 2012 woort de PVV persies in 't midde van 't politiek landschap geplaats

De PVV is ein populistische partie, mer euver de persiese plaats in 't politiek spectrum besteit gein eindudigheid. Meistal weurt zeej geclassificeerd es rechse partie, sóms ouk extreem-rechs, vanwaege häör standpunte die dök es racistisch waere gezien. 't Geit dan mitname um de stellingname taegeneuver d'n islam en immigrante. De partie distantieert zich aevel heejvan.

Waal verschoef de partie van extreem-rechs in 2006 nao 't midde in 2012. Det kump doordet de partie zoeëwaal zier rechse es zier linkse standpunte haet. Zoeë is zeej veur streng straofe en 'n kleinere euverheid, mer ouk veur bieësterechte en de verzörgingsstaot.

De parties ideologieë zien o.a. geclassificeerd es: Nederlands nationalisme, Groeëtneerlandisme, nationaal-liberalisme, nationaal-conservatisme, rechs-populisme, islamofobie of anti-islam, anti-immigratie en euroscepticisme.

Standpunte[bewirk | brón bewèrke]

In 't verkezingsprogram van 2017-2021 kómme de volgende punte veur:

De-islamisering van Nederland;

De PVV haet vuul kritiek op d'n islam, dae volges de PVV gein religie, mer 'n ideologie is. Heejin ónderscheid zeej zich van de meiste ander partieë in 't parlement. De partie wilt veurkómme det mier luuj oet islamitische lande immigreren. Zeej wilt daorum de grenze toe. Ander punte zien beejveurbeeld 't intrekke van verbliefsvergönninge, 't verbeje van 't drage van houfdeuk en 't preventief opsloete van radicale imams.

Oet de Europese Unie gaon;

De partie steit bekind es hendig eurosceptisch. De PVV wilt oet de EU en de gölde herinveure.

Directe democratie;

De PVV is veur 't inveure van 't bindend referendum, 'ne gekaoze minister-president en 'ne gekaozen Hoege Raod.

Zörg;

Kleinere zörginstellinge, mier zörgmitwerkers, minder raegels in de zörg, gein eige risico. De PVV is veur de verzörgingsstaot, mer wilt zeej allein beshikbaar stelle veur luuj mit de Nederlandse nationaliteit.

Bieësterechte;

De PVV wilt bieësterechte opneme in de Gróndwet, 'n bieëstepliesie handhave. De partie is ouk taege bio-industrie. Zeej wilt 't zelf neet actief aanpakke, mer via de consument.

Minder belasting;

't Geit veural um lieëgere inkómstebelastinge en hauvering van de motorrietuugbelasting.

Mier geld veur defensie en pliesie;

Concreet wilt de PVV beejveurbeeld 10.000 pliesie-agente d'rbeej, mer minder geld oetgaeve aan internationale militaire operaties.

Strenger straofe;

De PVV wilt fors hoeëgere straofe. Taakstraofe en TBS wilt zeej aafschaffe

Óntwikkelingshölp, kuns, windmeules (zoeëgenaamde "linkse hobby's");

De PVV is taege financiering van óntwikkelingshölp (behauve noeëdhölp), windmeules en kuns. Ouk wilt zeej enne kleineren umroop.

Boetelands beleid;

't Nederlands belang mót volges de PVV ummer veurop staon. Zeej wilt det de Antille ónaafhenkelik waere, wilt steun veur christelike minderhede in Törkieë en Egypte, en steunt de boew van joedse nederzettinge in Palestina.

Infrastructuur;

Gein kilomaeterheffing, verlieëging van benzienacciens, mier geld nao infrastructuur en verhoeëging van de maximumnsnelheid op autosnelwaeg nao 140 km/u.

Controverses[bewirk | brón bewèrke]

De oétsprake en ideeë van Wilders waere dök es racistisch gezien. Zoeë pleitte Wilders veur 'n houfdeukbelasting, veur sloeting van alle moskeeë en brach hae in miert 2008 de zier controversiële film Fitna oét. Nao de lendelike verkezinge van 2010 waas de PVV ónderdeil van de gedoogcoalitiet VVD, CDA en PVV. In 2012 leide 'n conflik tösse de PVV einerzieds en de CDA en VVD anderzieds tot de val van det kabinet. Ander kritiek geit euver 't óntbraeke van democratie binne de partie. Luuj kinne beejveurbeeld gein lid waere van de partie. 'n Bekind gezich in de roop nao democratisering van de PVV is Hero Brinkman. Hae stapde in 2012 oét de partie en richde de partie DPK op. Dees holde gein zaetels. In 2015 woort de Ondernemers Partij opgerich, mer dees holde ouk gein zaetels.

Vertaegewaordiging[bewirk | brón bewèrke]

Percentage PVV-kezers beej de Twieëde Kamerverkezinge in 2010 per gemeinte

Twieëde Kamer[bewirk | brón bewèrke]

Verkezingsjaor Aantal stumme  % van de stummers Aantal beholde zaetels
2006 579.490 5,90% 9 / 150
2010 1.453.944 15,5% 24 / 150
2012 950.263 10,1% 15 / 150
2017 1.372.941 13,06% 20 / 150

Provinciale Staote[bewirk | brón bewèrke]

In 2011 deej de PVV veur 't iers mit aan de Provinciale Staoteverkezinge. De partie deej geliek meej in alle twelf provincies. Zie holde in totaal 66 zaetels. In 2007 waore d'r ouk verkezinge veur de Provinciale Staote, mer kós de PVV nog gein kandidatelies samestelle.

Provincie % 2011 zaetels % 2015 zaetels
NL-LimburgVlag.svg, Limburg 20,6% 10/47 17,8% 9/47
Flevolandflag.svg, Flevoland 15,0% 6/39 14,4% 6/41
Flag Zuid-Holland.svg, Zuud-Holland 14,5% 8/55 14,3% 8/55
North Brabant-Flag.svg, Noord-Braobant 14% 8/55 12,8% 7/55
Flag North-Holland, Netherlands.svg, Noord-Holland 11,8% 6/55 11,0% 6/55
Flag Drenthe.svg, Drenthe 9,8% 4/41 10,9% 5/41
Flag of Zeeland.svg, Zieëland 11,8% 5/39 10,3% 4/39
Gelderland-Flag.svg, Gelderland 10,4% 6/55 9,7% 5/55
Flag of Overijssel.svg, Euveriessel 8,9% 4/47 9,4% 5/47
Utrecht (province)-Flag.svg, Utrech 10,6% 5/47 9,0% 4/49
Frisian flag.svg, Friesland 8,5% 4/43 8,7% 4/43
Flag of Groningen.svg, Groninge 7,7% 3/43 8,0% 3/43
Totaal 12,4% 69 11,8% 66

Gemeinteraod[bewirk | brón bewèrke]

De PVV zit in twieë gemeinteraode: Den Haag en Almere. De partie wilt beej de gemeinteraodsverkezinge van 21 miert 2018 mitdoon in mier gemeintes, waorónder groeëte staej wie Rotterdam.

Europees Parlement[bewirk | brón bewèrke]

Verkezingsjaor Aantal stumme  % van de stummers Aantal beholde zetels
Europese Parlementsverkezinge 2009 769.125 17,0% post-Nice: 4 (25)
post-Lissabon: 5 (26) (inveuring oetgesteld)
Europese Parlementsverkezinge 2014 633.114 13,3% 4 (26)

De PVV in Limburg[bewirk | brón bewèrke]

De PVV is in Limburg ein van de groeëtste partieë. De lendelike verkezinge van 2010 waor 't hoeëgtepunt, wie beej de Provinciale Staoteverkezinge van 2011. In 2010 waor zeej in bekans gans Limburg de groeëtste. In 2012 waas det de VVD. Allein in de gemeintes Ech-Zöstere, Stein en de Óngerbenk waor zeej de groeëtste. In 2017 waas de PVV de groeëtste in gemeintes wie Kèrkraoj, Haerle, Mestreech, Venlo. De partie waas opniej de groeëtste in vuul gemeintes, mer neet zoeëvuul es in 2010.

Bekinde Limburgse PVV'ers[bewirk | brón bewèrke]

Weblinks[bewirk | brón bewèrke]

Brónne[bewirk | brón bewèrke]

Dit artikel baseert zich op d'n inhald van de Nederlandse zösterpazjena.

  1. Parlement & Politiek - Partij voor de Vrijheid (PVV)
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=PVV&oldid=422485"