Front National

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Front national (FN) is 'n Franse polletieke partei, opgeriech op 5 oktober 1972. De meiste observateurs situere FN in 't spectrum vaan rechs-extremisme, mer häör representante prefere FN te plaotse in e spectrum wat links noch rechs es belaangrieke posities benaodrök. Zie begos oonder de naom Front national pour l'unité française (Nationaal front veur de Franse einegheid), geleid door häöre parteiprizzendènt Jean-Marie Le Pen bis 2011, wie de partei woort euvergenomme door zien dochter Marine Le Pen. De partei kaom op in Fraankriek in de tachteger jaore vaan d'n twintegsten iew, wie 'n gróp vaan 35 aofgeveerdege 't Frans Parlemint binnekaome mèt de legislatieve verkieze vaan 1986. Jean-Marie Le Pen waor de partei häöre prizzendèntskandidaot veur de Rippebliek veur vief kier. Heer genoot zien hoegtepönt in 2002, wie heer 't bis de twiede runde haolde vaan de prizzendèntsverkiezinge contra Jacques Chirac. Dee lèste woort oetindelek prizzendènt. De partei behaolde daonao versjèllende successe, boe-oonder häör euverwinning es nómmer ein Franse partei in de Europese verkiezinge vaan 2014, zoe-ouch es nómmer ein in de ierste runde vaan de meiste regio's in de Franse regionale verkiezinge vaan 2015. Marine Le Pen kaom in de twiede runde vaan de Franse prizzendèntsverkiezinge vaan 2017, boe zie verloor contra Emmanuel Macron mèt 33,90 % vaan de stömme.

Ginneraole informatie[bewirk | brón bewèrke]

De kleure vaan de partei zien blauw, blaank en roed (zjus wie de kleure vaan de Franse veendel). Prizzendènt vaan de Front national is Marine Le Pen. Al is häöre pa, Jean-Marie Le Pen, zoegood es geïsoleerd vaan de partij (meugelek vaanwege te radicale opmerkinge vaan ziene kant in de media), is heer wel nog ummertouw président d'honneur vaan de partei. De vice-prizzendènte zien Louis Aliot, Marie-Christine Arnautu, Jean-François Arnautu, Jean-François Jalkh, Steeve Briois (dee ouch de secretaris is) en Nicolas Bay. In 2016 had de partei 85.000 leie. In 't Frans parlemint maak FN meistes deil oet vaan groetere coalitie, boe wijers veural einmansparteie deil vaan oetmake. Op EU-niveau maak de partei deil oet vaan Europe des nations et des libertés, geleid door Marcel de Graaff en de iedergeneumde Nicolas Bay.

Ideologie[bewirk | brón bewèrke]

De meiste observateurs situere FN in 't spectrum vaan rechs-extremisme, mer häör representante prefere FN te plaotse in e spectrum wat links noch rechs es belaangrieke posities benaodrök. Wijers weurt zie gecategoriseerd oonder de ideologieë nationalisme, nationaal-conservatisme, rechs-populisme, anti-immigratie, anti-globalisme, soevereinisme, euroscepticisme en étatisme.

Zetelverdeiling[bewirk | brón bewèrke]

Front national heet 7 vaan de 577 zetels in Assemblée nationale, 2 vaan de 348 zetels in 't Senaat, 17 vaan de 74 Franse zetels in 't Europees Parlemint, 333 vaan de 1758 zetels in de versjèllende Conseils Régionaux, 58 vaan de 4108 zetels in de versjèllende Conseils Départementaux en 1533 vaan de 536.519 zetels in de versjèllende Conseils Municipaux.

Brónne[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Front_National&oldid=422340"