Europa van Naties en Vrijheid

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


De Europe des nations et des libertés (ENL of ENF; vrie vertaald: Europa van Naties en Vrieheid, Ingelsj: Europe of Nations and Freedom, Duutsj: Europa der Nationen und der Freiheit) ies 'n polletieke group in 't Europees Parlemint die besjteit oet twiè Europese partieë, die waer besjtoon oet zeve nationale partieë en drie onaafhankelike politici. De groatste nationale partie is 't Franse Front National. Hun ideologieë zin rechs populisme, conservatisme, nationalisme, souverainisme, protectionisme, anti-immigratie en anti-islam. Contra Europese integratie höbbe ze 'n hawwing van extreem euroscepticisme, wat meint dat ze veur zoa min meugelek mach van de Europese Unie zin en dèks zelfs veursjtengers zin van 't verlaote van de Unie. Ze höbbe nemes vertegeweurdeg in de Europese Kemissie. Ze höbbe 40 van de 751 zetels in 't Parlemint, wat meint dat ze de kleinse polletieke groep zin. Geine van de 28 leiers van de EU-lidsjtate is lid van de ENF. De groep haet twiè prizzedente: Marcel de Graaff en Marine Le Pen.

De twiè Europese partieë zin de Bewaeging van 'n Europa van Naties en Vrieheid (MENL; 33 zetels) en de Alliansie van Europese Nationale Bewaeginge (EAF; 3 zetels). Wier zin d'r nog onaafhenkeleke parlemintsleije lid van de groep. 't Geuf gein Limbörgers in de groep. Waal kump eine oet Frechen, e Rienlands stedsje neet wiet van de Euregio: de PVV'er André Elissen.

Hie onger 'n lies mit de nationale partieje die deil oetmake van de groep, 't land woa-oet ze komme, de groatere Europese partie woabie ze huère, en 't aantal zetels wat ze höbbe.

De twiè partieë wilde in ièrsjte instantie ein partie vörme, mer dat is bliekbaar neet geluk. Noe zin ze 'neet-gebonge leije' van 'n polletieke groep. In praktiek beteikent dit tot ze mekaar zoaväöl meugelek sjteune, veur groate besjlissinge perbere zoaväöl meugelek op mekaar aan te sjlete, mer tegeliekertied neet zoa sjtreng zin in geliekgesjtömp veur en tege te sjtömme.