Zieland

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Zieland (Zeeland)
Veendel vaan de provincie Zieland Waope vaan de provincie Zieland
Ligking vaan Zieland in Nederland
Hoofsjtad Middelburg
Opperflaakde
– woevan water
2.933,89 km²
1.146,76 km² (39,1%)
Inwoeners
Deechde:
381.182 (aug. 2015)
213/km²
Commissair van de Keuning (lies) Han Polman (D66)
Óntsjtange oet graofsjap Zieland (in personeel unie mèt Holland)
Belangriekste lokaalsjpraok(e) Ziews
Vouksleed Zeeuws volkslied

Zieland (officieel (Nederlands) Zeeland, Ziews Zeêland) is 'n provincie in 't zuidweste vaan Nederland. Ze besteit oet 'n aontal (geweze) eilen en e gebeed wat grens aon 't Belsj bekind es Zeeuwsch-Vlaanderen. Aon de väöl zie-erm die me op de kaart vaan Zieland zuut daank de provincie häöre naom. De veurnaomste inkoumesbronne zien landbouw, visserij en toerisme. Väöl toeriste koume oet Duitsland.

Indeiling[bewirk | brón bewèrke]

in streke[bewirk | brón bewèrke]

Zieland weurt veural es 'n verzameling veurmalege eilen gezeen; 'ne Zieuw oontleent zien eigeheid dèks aon 't eiland boe heer vaandaon kump. De streike zien:

in gemeintes[bewirk | brón bewèrke]

Sinds 2003 kint Zieland nog mer 13 gemeintes.

't Aontal gemeintes waor vreuger väöl groeter: begin de negentiende iew hadde alle dörpkes en zelfs en groet aontal gehuchte hun eige bestuur. Dit kaom doortot de Ziewse gemeintes de rechsopvolger vaan de ambachshierlekhede waore, die in Holland en Zieland dèks hendeg klein waore. Groete tot zier groete herindeilinge voonte plaots in 1813 en 1816 al (gehuchte en verdeilde dörper), in 1961 (Schouwen-Duiveland), in 1966 (Walcheren), in 1970 (Zuid-Beveland en Ziews-Vlaandere), in 1971 (Tholen), vaan 1995 tot 1997 (ganse provincie) en in 2003 (Ziews-Vlaandere). Oondaanks discussies euver beveurbeeld ein gemeinte Walcheren of ein gemeinte Ziews-Vlaandere lieke de gemeinteleke herindeilinge in de provincie Zieland te zien gestop.

Zuug ouch: Lies vaan geweze gemeintes in Zieland

Infrastructuur[bewirk | brón bewèrke]

Door de gaanse provincie loupe mer twei otosnelweeg, boevaan eine, d'n A 256, mer e paor kilometer laank is. D'n aandere, d'n A 58, löp vaan de grens mèt Noord-Braobant bij Rilland tot aon Vlissingen. In de res vaan de provincie weure N-weeg gebroek. Ouch kint de provincie mer eine spoorweeg, dee naoventrint aon d'n A 58 parallel löp en nege staties heet.

Tot 1953 (zuug oonder bij "Historie") waore de meiste eilen allein per boot te bereike. 't Deltaplan, dat boete diekverzwoering ouch 't bouwe vaan aofsletende damme inhoolt, sjöpde e systeem vaan verbindinge tösse de tot daan geïsoleerde deile vaan de provincie. Bekind is de Zielandbrögk, dee korten tied de langste brögk vaan de wereld waor en jaorelaank de langste vaan Europa. In 2003 woort de Westersjeldetunnel geëupend, dee Zuid-Beveland mèt Ziews-Vlaondere verbint.

Taol[bewirk | brón bewèrke]

't Platteland vaan Zieland kint 'n nog vrij levendege streiktaol, bekind es Zieuws. Eder dörp, of zeker eder eiland, heet zien eige dialek, meh de dialekte vaan bove de Westersjelde zien good oonderein te verstoon. Roond Hulst weurt gei Ziews, meh 'n Oos-Vlaoms dialek gespoke.

'n Aanvraog um de Zeeuwse dialecte och es Sjtrieëktaal erkind te kriege binne 't Europees Handvest, dat och 't Limburgs erkind, woort oetindelek aafgewaeze nao 'n negatief advies van de Nederlands/Vlaamse Taalunie.

Historie[bewirk | brón bewèrke]

Zieland woort in de Romeinsen tied bewoend door Kelte. Bekind is de plaotseleke gaodin Nehalennia, die door de Romeine dao ouch verierd woort. In deen tied waor 't gebeed nog neet zoe geaffecteerd mèt water wie later 't geval woort.

In de Middelieuwe behoort 't gebeed iers bij Vlaondere. 't Eiland Walchere gebruukde de graof veural es veurpos um de handel op Brugge veileg te stèlle en Antwerpe (en daomèt Braobant) dweers te zitte. Later in de middeliewe kaom 't mieste vaan 't gebeed, naomelek alles te noorde vaan de Westersjelde, in 't bezit vaan de graof vaan Holland.

Wie de Rippubliek vaan de Zeve Vereinegde Nederlen de aw geweste in eine staot vereinegde woort Zieland vaan Holland losgemaak. In de zeventiende iew bleujt Zieland same mèt Holland wie noets teveure. 't Weurt hendeg belaangriek in de handel en de oorlogsveuring. In de achtiende en negentiende iew raak 't gebeed in verval.

In 1953 gebäört de groetste natuurramp in Nederland in de twintegste iew. Veural Schouwen-Duiveland en 't Zuid-Hollands Goeree-Overflakkee raoke euverstruimp bij 'ne zwoere störm. 1835 minse sterve en väöl mie raoke hun hoes kwiet. De internationaol hölp kump snel op gaank.

Aongrenzende distrikte[bewirk | brón bewèrke]

Noord-Braobant grens aon de volgende distrikte (Nederlandse en Belsje provincies).

Externe link[bewirk | brón bewèrke]


Provincies van Nederlandj
Drenthe | Euverijssel | Flevolandj | Frieslandj | Gelderlandj | Groninge | Limburg | Noord-Braobantj | Noord-Hollandj | Utrech | Zielandj | Zuud-Hollandj
Gemeintes | Watersjappe
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Zieland&oldid=399096"