Schouwen-Duiveland

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Ligking vaan Sjouwe-Duiveland in Zieland

Schouwen-Duiveland is e veurmaoleg eiland en 'n gemeinte in 't noorde vaan de Nederlandse provincie Zieland. 't Oppervlak vaan de gemeinte besleit 301,34 km2 (woevaan 69,81 km² water; daomèt is Sjouwe-Duiveland wiedoet de groetste gemeinte vaan Zieland) en 't aontal inwoeners bedreug 34.502 per 1 juni 2005. 't Gemeintehoes steit in Zierikzee; ander kèrne zien Brijdorpe, Brouwershaven, Bruinisse, Burgh, Burghsluis, Dreischor, Elkerzee, Ellemeet, Haamstede, Kerkwerve, Looperskapelle, Moriaanshoofd, Nieuwerkerk, Nieuwerkerke, Noordgouwe, Noordwelle, Oosterland, Ouwerkerk, Renesse, Scharendijke, Schuddebeurs, Serooskerke, Sirjansland, Westenschouwen en Zonnemaire.

Ligking, landsjap en infrastructuur[bewirk | brón bewèrke]

Schouwen-Duiveland ligk t'n ooste vaan de Noordzie, ten zuie vaan de Grevelingen en te noorde vaan de Oostersjelde. Mèt de Störmvloodkiering Oostersjelde en de Zielandbrögk is 't eiland mèt Noord-Beveland verboonde, via de Brouwersdam en de Grevelingendam mèt Goeree-Euverflakkee en mèt 'ne zijtak vaan de Grevelingendam ouch mèt Sint Philipsland (zuug ouch Tholen). De N59 is de veurnaomste verkiersaoder.

Zierikzee is de einegste plaots mèt e beperk steidelek karakter. Veur de meiste veurzeninge zien de eilanders aofhenkelek vaan Middelburg, Goes of Rotterdam. Daodoor heet 't eiland e hendeg lendelek karakter. In 't duungebeed in 't weste bleujt zomers 't toerisme.

Historie[bewirk | brón bewèrke]

Nao versjèllende euverstruiminge bestoont 't modern Schouwen-Duiveland oet e groet aontal eilen, die wel mèt zandplaote oonderein verboonde waore. Door inpolderinge bleve t'rs in de late Middeliewe veer euver - Sjouwe, Dreischor, Bommenede en Duiveland, later twie en teslotte woorte de eilen aoneingekloonke. Zierikzee en Brouwershaven bleujde es handelsstei aon 't water. Vaanaof de achtiende iew sloog 't verval hei touw: es eiland kwaom Sjouwe-Duiveland in 'n isolemint te ligke en veel 't bekans gans trök op de landbouw en de vèsserij. Mèt de Watersnoedramp in 1953 woort dit eiland bezoonder hel getroffe. De Deltawerke, begós es reactie op die ramp, haolden 't eiland get oet zien isolemint.

Externe link[bewirk | brón bewèrke]

 
Provincie Zieland
Vaan van Zieland

Borsele · Goes · Hulst · Kapelle · Middelburg · Noord-Beveland · Reimerswaal · Schouwen-Duiveland · Sluis · Terneuzen · Tholen · Veere · Vlissingen

Opgeheve gemeintes

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Schouwen-Duiveland&oldid=408118"