Groninge (provincie)

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Groninge (Groningen)
Veendel vaan de provincie Groninge Waope vaan de provincie Groninge
Ligking vaan Friesland in Nederland
Hoofsjtad Groninge
Opperflaakde
– woevan water
2.955,18 km²
639,32 km² (21,6%)
Inwoeners
Deechde:
596.000 (2023)
257/km²
Commissair van de Keuning (lies) René Paas (CDA)
Óntsjtange oet Reductie vaan Groninge (1594)
Belangriekste lokaalsjpraok(e) Gronings
Vouksleed Grönnens laid

Groninge (officieel Groningen, Gronings Grönnen) is 'n provincie in 't noordooste vaan Nederland. Sociaal besteit ze oet e dunbevolk platteland (de Ommelanden) um de gelieknaomege hoofstad die es centrum vaan gaans Noord-Nederland fungeert en de zevende stad vaan 't land is. De provincie grens aon Friesland, Drente en 't Duitse Nedersakse.

Taol[bewirk | brón bewèrke]

In de provincie Groninge weure dialekte gesproke die same 'n aofwiekende oonderverdeiling vaan 't Nedersaksisch vörme, bekind es Gronings-Oosfrieslands. Ouch in noordelek Drente weurt Gronings gesproke. Drei dörper zien Friestaoleg. De dialekte versjèlle wel vaanein, meh vergeleke mèt 't (Zuid- en Middel-) Drents en Twents valle de euvereinkómste op. Oongeveer 65% vaan de Groningers sprik nog Gronings; 't (relatief) aondeil vaan sprekers in de stad is evels väöl lieger es dat op 't platteland.

Gemeintes[bewirk | brón bewèrke]

Groninge kint per 1 januari 2021 10 gemeintes.

  1. Eemsdelta
  2. Groninge
  3. Het Hogeland
  4. Midde-Groninge
  5. Oldambt
  1. Pekela
  2. Stadskanaal
  3. Veendam
  4. Westerkwartier
  5. Westerwolde

In de provincie Groninge höbbe noe en daan herindeilinge plaotsgevoonde, minder dèks es in 't weste en zuide vaan 't land, meh dèkser es in Friesland en Drenthe. Groete herindeilinge waore dao in de jaore 1820, in 1969 (Stad Groninge en Stadskanaal), in 1990 (door de ganse provincie) en in 2010 (gemeinte Oldambt). In de loup vaan de jaore 2010 kaome evels nui discussies los: de provincie zouw, um koste te spaore, nog mer zès gemeintes mote umvatte. Oetindelek woorte de planne minder ambitieus. Verspreid euver 2018 ('t midde en ooste vaan de provincie), 2019 ('t noorde en weste) en 2021 (Delfzijl en umgeving) woort 't aontal gemeintes noe vaan 23 tot 10 trökgebrach.

Zuug veur 'n euverziech Lies vaan geweze gemeintes in Groninge.

Aongrenzende distrikte[bewirk | brón bewèrke]

Groninge grens aon de volgende distrikte, naomelek Nederlandse provincies en Duitse distrikte:

Externe links[bewirk | brón bewèrke]


Provincies van Nederlandj
Drenthe | Euverijssel | Flevolandj | Frieslandj | Gelderlandj | Groninge | Limburg | Noord-Braobantj | Noord-Hollandj | Utrech | Zielandj | Zuud-Hollandj
Gemeintes | Watersjappe
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Groninge_(provincie)&oldid=462852"