Drenthe

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Drenthe

Hoofsjtad

Assen

Opperflaakde
– woevan land
– woevan water

2.680,39 km²
2.632,67 km²
47,73 km² (1,8%)

Inwoeners
– Deechde:

504.129 (2024)
191/km² (land)

Commissair van de Keuning (lies)

Jetta Klijnsma (PvdA)

Óntsjtange oet

Hierlekheid Drenthe (volweerdeg sinds 1795)

Belangriekste lokaalsjpraok(e)

Drents, Gronings

Vouksleed

Mijn Drenthe

Drenthe (soms Drente gesjreve) is 'n provincie vaan Nederland, in 't noordooste vaan 't land. De provincie besteit veur e good deil oet zandgroond; in 't noorde en ooste evels ligk hoegtörf. De provincie bestoont veur langen tied veurnaomelek oet hei; in de twintegste iew zien väöl vaan die heivelde met bos beplant.

Taol

In Drenthe weure väölerlei variante vaan 't Nedersaksisch gesproke, die wel weure samegebrach oonder de naom Drents meh wieneg gemeinsjappeleke kinmèrke höbbe. Me moot versjèl make tösse de taol vaan 't zand, wat al sinds minseheugenis weurt bewoend, en die vaan 't veen, 't oontginningsgebeed wat pas in de lèste iewe woort gekoloniseerd. Op 't zand goon Drentse dialekte gesteidegaon euver in 't Gronings naomaote me wijer nao 't noorde reis. De veenkolonies zien 'n aander verhaol: in 't noorde weurt ech Gronings gesproke (dit gebeed is vaanoet de stad Groninge gekoloniseerd), 't zuie is 'n taolkundege misjmasj umtot de oontginning dao vaan versjèllende oondernumminge oetgong, die lui oet versjèllende plaotse mètbrachte.

Nog oongeveer d'n hèlf vaan de Drentenere spraok begin einentwintegsten iew Drents. De rockband Skik en ziene zenger Daniël Lohues höbbe veur nationaol succesvolle meziek in 't Drents gezörg.

Gemeintes

Drenthe kint 12 gemeintes. Dat zien nao Flevoland de minste.

In Drenthe zien mer eine kier echte herindeilinge gewees, en wel in 1998. Veur deen tied had de provincie nog 36 gemeintes. Door de dao gebrukeleke bestuursvörm waor de provincie al ummer groetsjaoleg ingeriech. Nao 1998 zien in de provincie gein herindeilinge mie te verwachte.

Veur e compleet euverziech zuug Lies vaan geweze gemeintes in Drenthe.

Aongrenzende distrikte

Drenthe grens aon de volgende distrikte, naomelek Nederlandse provincies en Duitse distrikte:

Groninge - noorde
Distrikt Emsland, Duitsland - ooste
Distrikt Bentheim, Duitsland - zuidooste
Euverijssel - zuie
Friesland - weste

Externe links

Provincie Drenthe
Drenthe, Plaatsengids
Statistieken provincie Drenthe, AlleCijfers

Provincies van Nederlandj
Drenthe \| Euverijssel \| Flevolandj \| Frieslandj \| Gelderlandj \| Groninge \| Limburg \| Noord-Braobantj \| Noord-Hollandj \| Utrech \| Zielandj \| Zuud-Hollandj
Gemeintes \| Watersjappe