Assen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Gemeinte Assen
Provincie	Drenthe
Hoofplaats	Assen
Börgemeister (lies)	Marco Out
Opperflaakde – daovan water	83,45 km² 1,51 km²
Inwoeners – deechde:	67.036 (1-4-2016) 818/km²

Assen is de hoofstad vaan de Nederlandse provincie Drenthe en vaan die provincie de twiede groetste gemeinte in inwoeners, nao Emmen. 't Aontal inwoeners bedroog per 1 april 2016 67.036, en 't oppervlak is 89 km², wat 't dao-in weer tot bekans de kleinste Drentse gemeinte maak. Boete de kern Asse kint de gemeinte nog 't dörpke Loon en 'n aontal gehuchte. Börgemeister is (2014) Marco Out vaan de VVD.

Stadsfuncties

Assen hoesves 't gouvernemint vaan de provincie en 'n rechbaank, en heet same mèt Emmen 'n functie es regionaol verzörgingcentrum. Assen steit wel in de sjeem vaan 't kortbij Groninge, wat väöl groeter is.

Stadsbeeld

Assen is 'n aajd dörp (zij 't mèt stadsrechte sinds 1809) wat pas vaanaof de negentiende iew tot stad oetgegreujd is. Daorum is 't centrumke klein en ligk 't roond 'ne brink. Aon dee brink ligke 't veurmaoleg provinciehoes en 'n abdijkèrk. Eve noordeleker ligk de neogotischen tribbenaol. 't Asserbos ligk binne de bebouwing vaan de stad, die rillatief ruim is opgezat.

Historie

In 1258 woort op de plek vaan de moderne brink e kloester gevesteg, daoveur gehoesves in Coevorden. In 1602 woort 't kloester opgeheve en woort 't es wereldlik machscentrum, naomelek veur de staote vaan 't gewes Drenthe, ingeriech; in deen iew oontstoont hei 'n ech dörp. Vaanoaf de achtiende iew woort 't dörp groeter en in 1809 kraog 't zelfs stadsrechte vaan Lowie Napoleon, dee hei zien zomerresidentie had. In 1814 woort 't de hoofstad vaan de provincie Drente. De groete nuibouw kaom begin twintegste iew op gaank.

Externe link

• Website vaan de gemeinte