Commissair vaan de Keuning

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


De commissair vaan de Keuning of gouverneur (allein in Limbörg) is in Nederland de veurzitter vaan 't colleesj vaan Gedeputeerde Staote, 't daogeleks bestuur vaan 'n provincie, zoewie vaan de Provinciaol Staote, 't parlemint vaan 'n provincie. Heimèt is heer d'n hoegste bestuurder op provinciaol niveau. De commissair weurt aongestèld door de regering veur 'nen tied vaan zès jaor. Bij officieel occasies is heer ouch 't geziech vaan de provincie, en binne 't provinciaol bestuur vertrejt heer 't Riek. In d'n tied tot Nederland 'ne vrouweleke voors had, woort vaan Commissair vaan de Keuningin gesproke, al bleef d'n titel formeel (dat wèlt zègke volgens de Groondwèt) geliek.

Tot me in Limbörg vaan 'ne gouverneur sprik, heet te make de status die de provincie vreuger had. Tot 1866 waor 't hertogdom Limbörg formeel 'ne semi-oonaofhenkeleke staot dee ouch nog bij d'n Duitse Boond waor aongeslote. Pas bij 't oontbinde vaan de Boond waor de weeg veur complete integratie vrij; de titulatuur is geliek gebleve. Euveregens woort zoe'ne bestuurder veur 1850 in alle provincies gouverneur geneump, wie me dat noe nog op 't Belsj deit.


Wiki letter w.svg  Dit artikel is e sjtumpke. De kans Wikipedia helpe door 't aan te völle