Margrethe II van Daenemarke

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Margrethe II van Daenemarke in 2012

Margrethe II (sjpreek oet wie [maˈkʁeˀtə]; gebore es Margrethe Alexandrine Þórhildur Ingrid; 16 april 1940, Amelienborg in door Nazi-Duutsjland bezat Daenemarke) ies de Keuningin van Daenemarke en daomèt 't hoagste sjtaatshouf van de Kèrk van Daenemarke en de Maarsjalk van de Daense Defensie. Margrethe II waor gebore in 't Hoes van Glücksburg, e keuninklik hoes mèt wortele in 't Noord-Duutsje Schleswig-Holstein. Dit Hoes haet ouch de monarchfemilies van Noorwaege en Griekeland veurtgebrach. Margrethe waor 't awste kind van toendertied Keuning Frederick IX van Daenemarke en Ingrid van Zjwede. Zie woort de troanopvolgster van häöre pap in 1953, wie de Daense regiering 'n constitutuioneel amendement aannom woadoor neet per se de awste zoon van 't sjtaatshouf, meh 't awste kind rech haet op de troan. Hiemèt woort 't in de praktiek meugelik um es vrouw de regierende monarch van Daenemarke te weure.

Margrethe nom de kroan euver van häöre pap op 14 jannewarie 1972, wie Frederick XI waor gaon hemele. Bie de troanopvolging woort zie de ièrsjte vrouwelike monarch van Daenmarke saer Margrethe I van Daenemarke, die neet allein keuningin waor van Daenemarke mer de hièrseres van alle Scandinavische keuninkrieke (1375-1412, de Unie van Kalmar). In 1967 trouwde Margrethe II mèt Henri de Laborde de Monpezat, lid vaan de bekènde en welgesjtèlde Franse Laborde de Monpezat-femilie. Mèt Henri kreeg Margrethe II twiè kinger: Kroanprins Frederik van Daenemarke en Prins Joachim van Daenemarke.

Mach van Margrethe II en troanopvolgers[bewirk | brón bewèrke]

Gans vergeliekbaar mèt de posities van de Nederlandse keuning Willem-Alexander vaan de Nederlen en de Belzje keuning Filip vaan 't Belsj, ies de polletieke mach van Margrethe II ingedamd door de Daense sjtaat bies zoawied dat me amper nog van polletieke mach kin sjpreke. Al 't "beleid" wat Margrethe II officieel doorveurt ies ièrsj bedach en aangenomme in 't Daens kabbinèt en parlemint en moet dan nog 'n symbolische handteikening kriege van de Keuningin. In de praktiek kin Margrethe neet weigere die handteikening te plaatse. 't Belang in häör positie ies daorum ceremonieel: zie fungeert es 'n symbolisch sjterke diplomaat in 't boeteland en figuur in belangrieke binnelandse eveneminte.


Sjtaotshoufde van de lidsjtaote van de Europese Unie
Belsj: Filip | Bulgarieë: Radev | Cyprus: Christodoulides | Daenemarke: Margrethe II | Duutsjland: Steinmeier | Eslandj: Karis | Finlandj: Niinistö | Frankriek: Macron | Griekelandj: Sakellaropoulou | Hongarieë: Novák | Ierlandj: Higgins | Italië: Mattarella | Kroatië: Milanović | Letlandj: Rinkēvičs | Litouwe: Nausėda | Luxembörg: Henri | Malta: Vella | Nederlandj: Willem-Alexander | Oesteriek: Van der Bellen | Pole: Duda | Portugal: Rebelo de Sousa | Roemenië: Iohannis | Sjlovenië: Pahor | Sjlowakieë: Čaputová | Sjpaanje: Felipe VI | Tsjechië: Pavel | Zjwaeje: Carl XVI Gustaf