Rumen Radev

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Rumen Radev bezeuk naomes de Bulgaarse lochmach de Amerikaanse lochmach in Texas op 19 miert 2016

Rumen Georgiev Radev (Bulgaars: Румен Георгиев Радев; 18 juni 1963; Dimitrovgrad) is 'ne Bulgaarse ginneraol en woort in 2016 verkoze bis prizzedent vaan zie land. Heer is 'nen oonaofhenkeleke kandidaot vaan de Bulgaarse Socialistische Partij en heet op 22 jannewarie 2017 't prizzedentsjap euvergenome vaan Rosen Asenov Plevneliev.

Opgegreujd in Dmitrovgrad, sloot Radev de mathematische sjaol in Haskovo aof in de vreuge jaore tachteg en tijdesn de lèste jaore vaan 't communisme góng heer nao de militaire sjaol um dao zien diploma te hole in 1992. Heer begós es junior piloot in 't Bulgaars leger in 1987 um door de jaore heer op te klumme bis kommandäör vaan de Bulgaarse lochmach vaan 2014 bis 2016.

In augustus 2016 nomineerde de Bulgaarse Socialistische Partij (BSP) Radev officieel es hunne kandidaot. De Bulgaarse prizzedentsverkezinge bestoon zjus wie in Fraankriek oet twie rundes boe-in me in de ierste roonde kint stumme op de favoriete kandidaot um in de twiede runde te stumme op eine vaan de twie kandidaote mèt de meiste stumme. In de ierste runde, die ziech aofspäölde op 6 november, won Radev 27,30% vaan de stumme. Daomèt wón heer de meiste stumme en góng heer door nao de twiede en lèste runde. Zien tegestendster waor Tsetska Tsatsjeva – zie reprizzenteerde de liberale en pro-Europese partij GERB (Börgers veur Europees Oontwikkeling vaan Bulgarije). Tsatsjeva kaom in de twiede runde mèt 21,96% vaan de stumme. In de twiede runde, op 13 november, wón Radev euvertuigend mèt 59,37% vaan de stumme tegeneuver 36,16% veur Tsatsjeva. Dees percentages make same gein hoonderd persent umtot 't Bulgaars volk veur d'n ierste kier ouch kós stumme veur "geine vaan de bovegeneumde kandidaote".

Radev weurt zoewel gepreze es fel bekritiseerd veur zien standpunte. Veurstenders hope tot heer es oetgesproke socialis deveur kin zörge tot, in Radevs eige wäörd, "Bulgarije neet 't ghetto vaan Europa" weurt. Hei verwijs heer nao de groeten ermood dee besteit in 't land, veural in vergelieking mèt de meiste len in de Europese Unie. Häöm weurt evels ouch door väöl critici, vaan zoewel links es rechs, verwete tot heer te pro-Russisch is en weurt daodoor ouch dèks besjöldeg ben te höbbe mèt 't Kremlin. Zoe wélt Radev tot de EU de sancties tege Rusland liet valle en de historische ben mèt Rusland neet langer liet verwatere.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Rumen_Radev&oldid=412855"