ChristenUnie
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
ChristenUnie (CU) is 'n christen-sociaal Nederlandjse politieke partie mit 'n orthodox-protestantjse signatuur, die vertaengewuuerdig is in zowaal de Ieëste es de Twieëdje Kamer en ouch in provinciaal en gemèndjelik besture. In 't Europees Parlementj is de ChristenUnie vertaengewuuerdig mit eine zetel in de Europese Voukspartie (wie-ouch CDA). In lokaal verkezinge deit de ChristenUnie döks mit in 'n gecombineerdje lies mitte SGP. d'n Hujige leider vanne ChristenUnie is Mirjam Bikker.
De partie is op 15 mieërt 2001 óntstangen oet 'n fusie tösse de RPF en 't GPV. Vanaaf 22 fibberwarie 2007 maakdje de ChristenUnie same mit 't CDA enne PvdA deil oet van Kabinet Balkenende IV. Op 20 fibberwarie 2010 stapdje de PvdA-bestuurders nao e kónflik euver Oeroezgan oet 't kabinet, wonao 't CDA en de ChristenUnie in 'n demissionair kabinet wiejergónge.
De politieke jóngerenorganisaasje vanne ChristenUnie hètj PerspectieF. Traditioneel gezeen haet de ChristenUnie väöl aanhang inne Biebelreem en mènder in Limburg.
Twieëdje Kamer
[bewirk | brón bewèrke]| Twieëdje Kamer | |
|---|---|
| Jaor | Zetels |
| 1998 | 5* |
| 2002 | 4 |
| 2003 | 3 |
| 2006 | 6 |
| 2010 | 5 |
| 2012 | 5 |
| 2017 | 5 |
| 2021 | 5 |
| 2023 | 3 |
Weblinks
[bewirk | brón bewèrke]- Website van de ChristenUnie
- ChristenUnie (CU), Parlement.com