Nicolae Ciucă
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
.jpg)
Nicolae Ionel Ciucă (Plenița, 7 fibberwarie 1967) is 'ne Roemeense polletieker, veurmaolege ginneraol vaan 't Roemeens leger en sinds november 2021 premier vaan Roemenië. Heer maak deil oet vaan de conservatieve en centrumrechse Nationaol-Liberaol Partij ofwel Partidul Național Liberal (PNL). De PNL maak op EU-niveau weer deil oet vaan de christendemocratische en centrumrechse Europese polletieke partij: de Europese Volkspartij (EVP). Deil vaan de EVP zien ouch, oonder aandere, de Nederlandse CDA en CU, de Belzje CD&V en cdH en de Duitse CDU en CSU. Ciucă naom 't premiersjap euver vaan Florin Cîțu.
't Roemeens premiersjap is neet te vergelieke mèt 't regeringsleiersjap in Nederland, 't Belsj of Duitsland. In die drei len ligk de meiste mach bij de regeringsleier (de minister-prizzedent in Nederland, d'n ierste minister op 't Belsj en d'n Duitse kanseleer) wijl 't staotshoof (de Keuninge vaan Nederland en 't Belsj, de prizzedent in Duitsland) 'n ceremonieel functie heet. In Roemenië heet de prizzedent evels mie mach es de premier. 't Is daan ouch de prizzedent dee naomes Roemenië nao d'n Europese Raod geit. Oonder Ciucă is Klaus Iohannis de Roemeense prizzedent.